«Մայր Հայաստանը» կմիանա կառավարության հարկային տեռորի դեմ դուրս եկող քաղաքացիներին

Սոցիալական բողոք

Նիկոլ Փաշինյանի վարած քաղաքականության արդյունքում սոցիալական դժգոհությունը մեծանում է։ Մարդիկ բողոքում են շրջանառության հարկի բարձրացման, գույքահարկի չափերի, քաղաքային տրանսպորտի թանկացման, աղբահանության վճարի ավելացման, եկամուտների համընդհանուր հայտարարագրման և այլ որոշումների դեմ։

Այս տարվա սկզբից լուրջ հարվածի տակ են ընկել փոքր ու միջին բիզնեսի ներկայացուցիչները։ Նրանք պատրաստվում են կառավարության շենքի դիմաց բողոքի գործողություն իրականացնել հունվարի 27–ին, ժամը 11։00–ին։

«Մայր Հայաստանը» կմիանա կառավարության հարկային տեռորի դեմ դուրս եկող քաղաքացիներին։

Մենք կոչ ենք անում բոլոր տնտեսվարողներին միասնաբար բողոքի ձայն բարձրացնել։

«Մայր Հայաստան» շարժում

26.01.2025թ․