Ադրբեջանի և Ռուսաստանի հարաբերությունները սրվում են, ադրբեջանական մասնավոր հեռուստաընկերությունը «Ռուսական տանը» մեղադրել է լրտեսության մեջ

Տավուշի մարզից լրագրող Ոսկան Սարգսյանը գրում է․
Ադրբեջանական <<Բաքու TV >>մասնավոր հեռուստաալիքը տեսանյութ է տարածել, որտեղ Բաքվում գործող «Ռուսական տանը» մեղադրում է լրտեսության մեջ։ Հեռուստաընկերությունը վկայակոչում է «վստահելի աղբյուրի»։ Նման բան նախկինում չի եղել, որ Ադրբեջանում գործող հեռուստաալիքը ստանձնի նման պատասխանատվություն և միջամտի ադրբեջանա-ռուսական միջպետական հարաբերություններին։
Տեսանյութում լրագրող աղջիկը կանգնել է Բաքվում «Ռուսական տան» գրասենյակի առաջ ու մեղադրանքներ է հնչեցնում։
Ադրբեջանցի վերալուծաբաններն ասում են՝ առավել հավանական է, որ հեռուստաընկերությունը նման նյութ պատրաստելու և հեռարձակելու պատվեր է ստացել, և սա Ադրբեջանի կողմից նախազգուշացում է Ռուսաստանին հնարավոր հետևանքների մասին՝ ի պատասխան Գրոզնիում խոցված ադրբեջանական ինքնաթիռի վերաբերյալ Ռուսաստանի Դաշնության լռության։ Ադրբեջանական լրատվականնները հիշեցնում են, որ Բաքվում «Ռուսական տան» մշտական այցելուներից մեկը 46-ամյա քաղաքագետ Նազակաթ Մամեդովան էր, ով անցյալ տարի 13 տարվա ազատազրկման է դատապարտվել «ռուսական հատուկ ծառայությունների հետ» համագործակցելու մեղադրանքով ։
Իլհամ Ալիևի իշխանության պատվերով Ռուսաստանի դեմ հեռուստատեսային մեղադրանքը շատ լուրջ է և անշուշտ կառաջացնի Մոսկվայի պաշտոնական կոշտ արձագանքը: