Հայտնի են տարվա լավագույն ֆուտբոլիստի և մարզչի թեկնածուները. ՖԻՖԱ
ՖԻՖԱ-ն հրապարակել է 2024 թվականի լավագույն ֆուտբոլիստի և լավագույն մարզչի հավակնորդների ցուցակը:
Լավագույնի կոչման համար կպայքարեն Լիոնել Մեսսին («Ինտեր Մայամի»), Կիլիան Մբապեն (ՊՍԺ, «Ռեալ»), Էրլինգ Հոլանդը, Ռոդրին, (երկուսն էլ՝ «Մանչեսթեր Սիթի»), Վինիսիուս Ժունիորը, Ջուդ Բելինգեմը, Դանի Կարվախալը, Ֆեդերիկո Վալվերդեն, Տոնի Կրոսը (բոլորը՝ «Ռեալ»), Լամին Յամալը («Բարսելոնա») և Ֆլորիան Վիրցը («Բայեր»):
Լավագույն մարզչի հավակնորդների ցուցակում են Կառլո Անչելոտին («Ռեալ»), Պեպ Գվարդիոլան («Մանչեսթեր Սիթի»), Խաբի Ալոնսոն («Բայեր»), Լիոնել Սկալոնին (Արգենտինայի հավաքական) և Լուիս Դե Լա Ֆուենտեն (Իսպանիայի հավաքական):
Նախորդ տարի լավագույն ֆուտբոլիստ էր ճանաչվել Լիոնել Մեսսին, իսկ լավագույն մարզչի մրցանակը ստացել էր Պեպ Գվարդիոլան:
Հետևեք մեզ Viber-ում
