ԱԳՆ-ի բյուջեն չի պակասել. Վահե Հովհաննսյան

Երեկ 2025 թ-ի բյուջեի քննարկման ժամանակ խոսում էինք գերատեսչությունների մասին, որտեղ 2024թ-ի համեմատ 2025 թ-ին բյուջեն պակասել էր։ Այս մասին ԱԺ հանձնաժողովներում 2025-ի բյուջեի քննարկումների ժամանակ հայտնեց ՀՀ ֆինանսների նախարար Վահե Հովհաննիսյանը։

«Ի ուրախություն բոլորիս՝ ԱԳՆ-ի բյուջեն չի պակասել, ավելացել է 378 մլն դրամով և կկազմի 17 մլրդ 441 մլն դրամ։ Բյուջեն ավելացել է 2.3 տոկոսով, ընթացիկ ծախսերի գծով կունենանք 2.3 տոկոսով աճ։ Այսինքն, 394 մլն դրամով և կապիտալ ծախսերի գծով կունենանք նվազում՝ 15 մլն դրամով։ Այս գումարրների մեջ ներառված չեն այն գումարները, որոնք տրամադրվել են Ֆրանսիայում դեսպանատուն գնելու համար, որովհետև այդ գումարները պլանավորված չեն եղել 2024 թ-ի բյուջեի նախագծով և պահուստային ֆոնդից 2024-ին հավելյալ հատկացումներ են եղել»։