Մոսկվայի քաղաքային դատարանը մեղմել է ՌԴ Քննչական կոմիտեի նախկին քննիչ Լևոն Աղաջանյանի պատիժը, որը մեղավոր էր ճանաչվել «Մոսկվա-Սիթի» բիզնես կենտրոնում տեղի ունեցած հրաձգության գործով ապացույցները կեղծելու մեջ, ասվում է դատարանի որոշման տեքստում, որը ներկայացրել է ՏԱՍՍ-ը։
«Պատիժների մասնակի համադրմամբ, Աղաջանյանին 10 տարի 6 ամիս ժամկետով ազատազրկման պատիժ նշանակել՝ ընդհանուր ռեժիմի ուղղիչ գաղութում այն կրելու համար՝ երեք տարով զրկել նրան իշխանության ներկայացուցչի գործառույթների իրականացմանն առնչվող մարմիններում քաղաքացիական ծառայության և տեղական ինքնակառավարման մարմիններում պաշտոններ զբաղեցնելու իրավունքից, ինչպես նաև զրկել արդարադատության մայորի հատուկ կոչումից»,- ասված է փաստաթղթի տեքստում։
Աղաջանյանը մեղավոր է ճանաչվել ՌԴ ՔՕ հոդված 299-ով (անմեղ անձին քրեական պատասխանատվության ենթարկելը) և ՌԴ ՔՕ հոդված 303-ով (ապացույցների կեղծում): Զամոսկվորեցկիի դատարանը նրան դատապարտել էր 11 տարվա ազատազրկման։ Առաջին ատյանի որոշմամբ նախկին քննիչի դեմ քաղաքացիական հայցը բավարարվել էր, դատարանը պարտավորեցրել էր նրան որպես վնասի փոխհատուցում վճարել 7 մլն ռուբլի։ Մոսկվայի քաղաքային դատարանը բեկանել է այս որոշումը և գործը տեղափոխել քաղաքացիական դատավարական քննություն։
ՌԴ Քննչական կոմիտեի տվյալներով, Աղաջանյանը 2019 թվականի փետրվարին ազատվել է ՌԴ Քննչական կոմիտեի Մոսկվայի գլխավոր քննչական վարչության քննիչի պաշտոնից, որից հետո զբաղվել է փաստաբանական գործունեությամբ։ Նրա հակաիրավական գործողությունների փաստը բացահայտել են ՌԴ Քննչական կոմիտեի կենտրոնական ապարատի քննիչները «Մոսկվա-Սիթի» կենտրոնի «Օկո» աշտարակում 2017 թ․-ին տեղի ունեցած փոխհրաձգության մասին քրեական գործի վերաքննության ընթացքում։ Այս գործով նախաքննությունը վարել էր Աղաջանյանը։
ՌԴ Քննչական կոմիտեն գտնում է, որ հետաքննության ընթացքում նա կեղծել է քննչական գործողությունների որոշ արձանագրություններ և քրեական գործով իրեղեն ապացույցներ՝ հանցագործության մեջ գործով ներգրավված անձանց դերը նվազեցնելու նպատակով։ Բացի այդ, նա ապօրինի քրեական պատասխանատվության է ենթարկել երեք քաղաքացու, որոնց նկատմամբ այժմ քրեական հետապնդումը դադարեցվել է։
«Օկո» աշտարակում փոխհրաձգությունը տեղի է ունեցել 2017 թվականի նոյեմբերի 17-ի երեկոյան։ Դրան մասնակցել են գործարար Գավրիիլ Յուշվաևի անվտանգության աշխատակիցները և անվտանգության մասնավոր ընկերության աշխատակիցները։ Բախումների արդյունքում տուժել է յոթ մարդ, այդ թվում՝ Ռոսգվարդիայի «Օխրանա»-ի երկու աշխատակից, որոնք փորձել են բաժանել հակամարտող կողմերին։ Այդ իրադարձությունների միայն երկու մասնակից է հայտնվել դատարանի առաջ՝ Էլդար Համիդովը և Մահոմեդ Իսմայիլովը։ Նրանք դատապարտվել են համապատասխանաբար 16 և 15 տարվա ազատազրկման։ Մոսկվայի քաղաքային դատարանն այս որոշումն օրինական է ճանաչել։
Մայիսի 23-ին` ժամը 16։30-ին, Հայելի ակումբի հյուրն է Նաիրի Հոխիկյանը
Մայիսի 23-ին` ժամը 15։30-ին, Հայելի ակումբի հյուրն է Հայկ Այվազյանը
Մայիսի 23-ին` ժամը 12։00-ին, Հայելի ակումբի հյուրն է Հայկ Նահապետյանը
Մայիսի 23-ին` ժամը 11։00-ին, Հայելի ակումբի հյուրն է Տիգրան Չոբանյանը
Մայիսի 22-ին` ժամը 15։00-ին, Հայելի ակումբի հյուրն է Գագիկ Մինասյանը
Մայիսի 22-ին` ժամը 13։00-ին, Հայելի ակումբի հյուրն է Արցախցիների իրավունքների պաշտպանության խորհրդի անդամ Անաստաս Իսրայելյանը
Մայիսի 22-ին` ժամը 12։00-ին, Հայելի ակումբի հյուրն է Վոլոդյա Հովհաննիսյանը
Մայիսի 21-ին` ժամը 15։30-ին, Հայելի ակումբի հյուրն է Գյուլնարա Ալեքսանյանը
Մայիսի 21-ին` ժամը 13։00-ին, Հայելի ակումբի հյուրն է Արմինե Ադիբեկյանը
Մայիսի 21-ին` ժամը 15։00-ին, Հայելի ակումբի հյուրն է Հովհաննես Իշխանյանը
Հետևեք մեզ Viber-ում
