Ստեփանակերտի քաղաքապետի ավտոմեքենան առգրավվել է որպես «ապօրինի գույք»
Ստեփանակերտի քաղաքապետ Դավիթ Սարգսյանի ավտոմեքենան առգրավել են երկու շաբաթ առաջ: Այդ մասին «Փաստինֆո» -ին ասաց քաղաքապետի փաստաբան Ռոման Երիցյանը:
Նրա փոխանցմամբ` ավտոմեքենան առգրավել են այն նույն քրեական վարույթի շրջանակներում, որով այժմ անցնում է Դավիթ Սարգսյանը։
«Պատճառաբանել են, որ մեքենան տանում են որպես ապօրինի ձեռք բերված գույք»,-նշեց փաստաբանը:
Ավելի վաղ հաղորդել էինք, որ Ստեփանակերտի քաղաքապետ Դավիթ Սարգսյանին մեղադրանք է առաջադրվել ՀՀ քրեական օրենսգրքի 255- րդ հոդվածի 3-րդ մասի 3-րդ կետով և 457-րդ հոդվածի 2-րդ մասով` առերևույթ խարդախությամբ առանձնապես խոշոր չափով գույքի հափշտակություն կատարելու և փաստաթղթեր կեղծելու հիմքով:
Հետևեք մեզ Viber-ում
