Մենք պե’տք է ստեղծենք Հարավային ռազմական դաշինք, որի մեջ պետք է մտնեն՝ Ռուսաստանը, Հայաստանը և Իրանը. Արշակ Կարապետյան

«Ես վերջերս ասացի Հարավային դաշինքի ստեղծման անհրաժեշտության մասին: Եվ ես ուրախ եմ, որ բոլոր կուսակցությունների ղեկավարներ կրկնեցին իմ խոսքերը։ Այո, մենք պետք է ստեղծենք Հարավային ռազմական դաշինք, որի մեջ պետք է մտնեն՝ Ռուսաստանը, Հայաստանը և Իրանը։ Դա’ է մեր անվտանգության երաշխիքը տարածաշրջանում»։

Ասել է «Համահայկական ճակատ» շարժման առաջնորդ, Պաշտպանության նախկին նախարար, գեներալ-մայոր Արշակ Կարապետյանը:

Գեներալը նկատել է, որ միայն նման ռազմական դաշինքի ստեղծմամբ հնարավոր կլինի ապահովել Հայաստանի, հայ ժողովրդի անվտանգությունը.

«Մենք չենք կարող լինել մենակ: Նույնիսկ հզոր երկրները, ինչպիսին են՝ Միացյալ նահանգները կամ Ռուսաստանը, չեն կարող միայնակ ապահովել իրենց անվտանգությունը, դրա համար՝ դաշինքներ են ստեղծում»։