Էժանագին թատրոն Գյումրիի ավագանու նիստում. Սամվել Բալասանյանը կրկին օգտագործվողի դերում

Իր ճակատին բազմաթիվ կուսակցությունների անուններ դաջած Սամվել Բալասանյանը Գյումրիի ավագանու 2021-ի ընտրությունների ժամանակ հանդես եկավ որպես ընդդիմություն, սակայն ընտրություններից հետո ծախվեց Նիկոլ Փաշինյանի ՔՊԿ-ին ու հնարավորություն չտվեց իշխանափոխություն իրականացնել Գյումրիում:

Բանն այն է, որ անցողիկ շեմը հաղթահարած ուժերից ոչ մեկը չուներ կեսից ավելին: «Քաղաքացիական պայմանագիրը» երկրորդ տեղն էր ընկել: «Բալասանյան» դաշինքը եթե կոալիցիա չկազմեր նիկոլենց հետ, ապա այլ պատկեր կունենայինք հանրապետության 2-րդ քաղաքում՝ հայրաքաղաքում: Սակայն, իր տեսակին հավատարիմ՝ Բալասանյանը գործարքի գնաց Նիկոլի հետ՝ գործնականում գողանալով գյումրեցիների քվեն: Գործարքի էությունը հետևյալն էր՝ «Բալասանյան» դաշինքի ներկայացուցչին տվեցին քաղաքապետի պաշտոնը, ՔՊԿ-ին՝ փոխքաղաքապետինը: Գյումրեցիներին բաժին հասավ վատ կառավարումն ու քաղաքի անտերության մատնվելը:

Ամիսներ առաջ ՔՊԿ-ն որոշեց դուրս գալ կոալիցիայից, սակայն «Բալասանյան» դաշինքի համար ձայներ էր ապահովում, բյուջեի ընդունում էր կազմակերպում և այլն: Այսինքն՝ բաժանումը ձևական է: Դրանք իրար հետ են:

Այդ ձևականությունը երևաց նաև երեկ տեղի ունեցած Գյումրիի ավագանու նիստի ժամանակ, երբ «Բալասանյան» դաշինքը արտահերթ նիստի համար քվորում ապահովեց և կողմ քվեարկեց նիկոլենց ավագանու բերած որոշման նախագծին: Ըստ այդ նախագծի՝ առաջարկվում է Գյումրու համայնքի ղեկավարի 24 որոշում անվավեր ճանաչել և անվավերության հետևանքներ կիրառելու մասին պահանջներով՝ ՀՀ վարչական դատարան հայցադիմումներ ներկայացնել։

Օրակարգում տեղ գտած երկու տասնյակից ավելի հայցերը վերաբերում են Գյումրու նախկին քաղաքապետեր Վարդան Ղուկասյանի և Սամվել Բալասանյանի ղեկավարության տարիներին կայացրած որոշումներին։ Այսինքն՝ «Բալասանյան» դաշինքը «կողմ» է քվեարկել Սամվել Բալասանյանի՝ նախկինում կայացրած որոշումների դեմ: Դա շատ էժանագին թատրոն է: Անտաղանդ թատրոն:

Մի կողմից ուզում են գյումրեցիներին ցույց տալ, թե, իբր, նիկոլենք պայքարում են ապօրինությունների, թալանի դեմ, մյուս կողմից՝ թե, իբր, ՔՊԿ-ն ու «Բալասանյանն» իրար հետ «չունեն»:

Ուշագրավն այն է, որ այս պատմության մեջ «պոդստավկա» է լինում Գյումրիի քաղաքապետ Վարդգես Սամսոնյանը, որը «Բալասանյան» դաշինքն է ներկայացնում, բայց Բալասանյանի դեմ է քվեարկում, ինչը Գյումրիում շատ վատ է գնահատվում մարդկային տեսանկյունից: Սամսոնյանը, փաստորեն, զոհ է գնում Փաշինյան-Բալասանյան հերթական խաղին, Բալասանյանի հերթական հաճախորդությանը:

Այս ամենն արվում է Գյումրիում քաղաքական կեղծ մթնոլորտ ստեղծելու համար, թե, իբր, Բալասանյանն ընդդիմություն է: Դա արվում է, որպեսզի թե՛ տեղական, թե՛ համապետական ընտրությունների ժամանակ բալասանյանենք ընտրողներին կրկին մոլորեցնեն, ձայներ գողանան ու Նիկոլի օգտին աշխատեն: Բայց հայտնի խոսքի համաձայն՝ կարելի է բոլորին խաբել մի փոքր ժամանակով, կարելի է մարդկանց մի փոքր մասին խաբել միշտ, բայց բոլորին ու միշտ խաբել հնարավոր չէ: Մեկ այլ ժողովրդական խոսք էլ կա գողի ու բոզի 40 օրվա մասին: Թասիբով գյումրեցիները դա կապացուցեն ընտրությունների ժամանակ: Լինի դա Գյումրիի ավագանու կամ ՀՀ ԱԺ ընտրությունը:

Հայկ Ուսունց

7or.am

Հ.Գ.: Նիկոլն ուզում է հաստագլխին՝ Կարեն Սարուխանյանին Գյումրիի քաղաքապետ դարձնել: Դրա համար էլ էժանագին թատրոններ է կազմակերպում: ՔՊԿ-ում, սակայն դեմ են այս տարբերակին: Գյումրիի ՔՊԿ-ն մի քանի թևի է բաժանված, և ամենակեղտոտ ձևով իրեն դրսևորում է Կարեն Սարուխանյանը, ինչը դուր է գալիս Նիկոլ Փաշինյանին, քանզի տեսակը տեսակին է գտել:

Նիկոլենք հիմա ձևեր են մտածում՝ հաստագլխին քաղաքապետ դարձնելու, սակայն դեռ չեն կարողանում ձևը գտնել: Արտահերթ ընտրություններից վախենում են, նշանակել՝ դեռ չեն կարողանում: Մնում է Բալասանյան Սամվելին օգտագործելը: Վերջինս հաճույքով օգտագործվում է: Բայց սրան էլ վերջ կգա: