Սիրիացիները վախից լքում են Թուրքիան
Թուրքիայում գտնվող սիրիացիների նկատմամբ իրականացված ռասիստական հարձակումներից հետո բազմաթիվ միգրանտ սիրիացիներ սկսել են հեռանալ Թուրքիայից: Այս մասին տեղեկացնում է ermenihaber.am-ը։
Նշվում է, որ հնարավոր հարձակումների կրկնության վախից նրանք նույնիսկ արաբերեն չեն խոսում, իսկ Թուրքիան լքելուց հետո ուղևորվում են արաբական երկրներ:
Քրդական «Rudaw» լրատկավականի զրուցակիցներից մեկը որպես գաղթող սիրիացու օրինակ է բերվում: Նա 8 տարի Ստամբուլի Ֆաթիհ շրջանում է ապրել և աշխատել, իսկ հունիսի 30-ին տեղի ունեցածից հետո որոշել է լքել Թուրքիան:
Նա հայտնել է, որ երկու անգամ իր աշխատատեղում՝ խանութում ենթարկվել է հարձակման:
Հիշեցնենք, որ հունիսի 30-ին ամբոխը հարձակվել էր Թուրքիայի կենտորանական Կայսերի (Կեսարիա) նահանգում գտնվող սիրիացիների աշխատատեղերի և սեփականության վրա: Տեղի ունեցածից հետո հարձակումներն ավելի մեծ մասշտաբների էին հասել:
Հետևեք մեզ Viber-ում
