Ինչո՞ւ ԿԳՄՍ փոխնախարար Արթուր Մարտիրոսյանը փախավ Սոչիից՝ անտեր թողնելով 250-հոգանոց հայկական պատվիրակությանը. 168.am

Կրթության, գիտության, մշակույթի և սպորտի (ԿԳՄՍ) նախարարի տեղակալ Արթուր Մարտիրոսյանն այն քիչ պաշտոնյաներից է, ով, տևական ժամանակ է՝ զբաղեցնում է իր պաշտոնը. ԿԳՄՍ փոխնախարար է նշանակվել 2020թ. փետրվարին ու պաշտոնավարում է մինչ այժմ:

Մինչ այդ 2018-2020թթ. եղել է «Դասավանդիր Հայաստան» կրթական հիմնադրամի զարգացման գծով տնօրեն, հանրային գործընկերության գծով տնօրեն: Ուշագրավ է, որ 2015-2018թթ. Արթուր Մարտիրոսյանը եղել է Հայ Դատի ԱՄՆ Արևելյան շրջանի Համայնքային ներգրավման և հաղորդակցության գծով տնօրենը: Այսինքն՝ ժամանակին Հայ Դատի գաղափարները կիսող, ազգայնական գաղափարախոսություն ունեցող Արթուր Մարտիրոսյանը ոչ միայն հաջողությամբ տեղավորվել է ապազգային իշխանությունների կառավարման համակարգում, այլև, ինչպես տեղեկացանք, սրբորեն փայփայում է գործող իշխանությունների անդորրը:

Արթուր Մարտիրոսյանը, ի թիվս այլ ոլորտների, համակարգում է նաև երիտասարդությանն առնչվող ծրագրերը, և այս առնչությամբ 168.am-ին բավականին ուշագրավ տեղեկություններ են հասել:

Այսպես՝ 2023թ. սեպտեմբերի 19-22-ը՝ Արցախի Հանրապետության վրա Ադրբեջանի լայնածավալ ռազմական գործողություն իրականացնելու օրերին, ՌԴ Ստավրոպոլ քաղաքում կազմակերպված էր Հայ-ռուսական երիտասարդական ամենամյա ֆորումը, որը կազմակերպվում է հերթականությամբ. մեկ տարի՝ ՀՀ-ում, մեկ տարի՝ Ռուսաստանի Դաշնությունում:

Հայաստանից նշված համաժողսովին մասնակցում էին 50-ից ավելի երիտասարդներ՝ բուհերից, հասարակական ու ձեռնարկատիրական սեկտորից, կային ներկայացուցիչներ նաև ՀՀ ԿԳՄՍ նախարարությունից, և այլն: ՀՀ պատվիրակության ղեկավարն էր ՀՀ ԿԳՄՍ նախարարի տեղակալ, երիտասարդության ոլորտի կուրատոր Արթուր Մարտիրոսյանը:

Այստեղ կատարվում է անսպասելին. ՀՀ պատվիրակության՝ Ստավրոպոլ ժամանելուց մի քանի ժամ հետո պատվիրակության ղեկավարն ու ՀՀ ԿԳՄՍՆ ներկայացուցիչները վերադառնում են Հայաստան՝ պատճառաբանելով, թե Հայաստանում իրենց կարիքը հիմա ավելի շատ են զգում: ՀՀ-ից մեկնած մասնակիցները, որոնց թվում էին նաև արցախցի երիտասարդներ, մնում են Ստավրոպոլում, առանց պատվիրակության ղեկավարի ու ՀՀ պետական սեկտորի աջակցության՝ դրանից բխող բոլոր հետևանքներով:

Ոչ մի պաշտոնական հայտարարություն, ոչ մի պատճառաբանություն այդ օրերին այդպես էլ չհնչեց այն մասին, թե ինչու ՀՀ պատվիրակությունը մնաց առանց ղեկավարի:

Սա դեռ ամենը չէ: 2024թ. մարտի 1-9-ը ՌԴ Սոչի քաղաքում կազմակերպվել էր Համաշխարհային երիտասարդության փառատոնը: ՀՀ-ից մեկնել էր պաշտոնական պատվիրակություն՝ մոտ 250 մասնակիցների կազմով, այդ թվում՝ նաև անչափահասներ և ՀՀ ԿԳՄՍՆ ներկայացուցիչներ: Պատվիրակության ղեկավարը կրկին ՀՀ ԿԳՄՍ նախարարի տեղակալ, երիտասարդության ոլորտի համակարգող Արթուր Մարտիրոսյանն էր: Փառատոնի շրջանակներում նախատեսված էին տարբեր հանդիպումներ, ասուլիսներ, պլենար քննարկումներ ՌԴ պաշտոնատար անձանց, մեդիա ներկայացուցիչների, փառատոնի բոլոր մասնակից երկրների պատվիրակությունների ղեկավարների ու առաջնորդների մասնակցությամբ:

168.am-ի խիստ հավաստի տեղեկություններով՝ ՀՀ պատվիրակության ղեկավար Արթուր Մարտիրոսյանը, սակայն, չի մասնակցել ոչ մի պաշտոնական արարողության, իսկ Մարգարիտա Սիմոնյանի ասուլիսի ժամանակ ՀՀ «իրավիճակի» մասին հնչեցրած հարցից ու Նիկոլ Փաշինյանի մասին «Russia Today» միջազգային լրատվական գործակալության և «RT» հեռուստաընկերության գլխավոր խմբագիր Մարգարիտա Սիմոնյանի հայտնած կարծիքից հետո պարզապես հեռացել է Ռուսաստանից՝ իր հետ տանելով ԿԳՄՍՆ ներկայացուցիչներին, ու էլի ՀՀ պատվիրակությանը թողել առանց ղեկավարի ու պետության աջակցության: ՀՀ պատվիրակության անդամներն իրենց ղեկավարի ու ԿԳՄՍՆ ներկայացուցիչների հեռանալու մասին իմացել են փառատոնի կազմակերպիչներից: Կարելի է պատկերացնել՝ ինչ խուճապ է սկսվել մեր պատվիրակության մոտ այդ լուրն իմանալուց հետո, մանավանդ որ, պատվիրակության կազմում եղել են զգալի թվով անչափահասներ:

Նա չի հավաքում ողջ պատվիրակությանն ասում՝ գիտե՞ք ինչ, իմ երկրի ղեկավարին, իմ սրբության սրբոցին վիրավորել են, հիմա բոլորով վերադառնում ենք Հայաստան: Կներեք, ժողովուրդ ջան, բայց մեր երկրի ղեկավարի անվան հետ են խաղացել, պիտի համարժեք վերաբերմունք ցույց տանք ու բոլորով հետ գնանք, կամ, լավ, բոլորով չէ, ես գնում եմ, դուք մնում եք, բայց իմացեք՝ պատճառն ինչ է:

Այս անգամ ևս ոչ մի պաշտոնական հայտարարություն, ոչ մի պատճառաբանություն չհնչեց այն մասին, թե ինչու ՀՀ պատվիրակությունը մնաց առանց ղեկավար, թեպետ թեմայից իրազեկ մարդիկ, իհարկե, կռահում էին՝ որն է ԿԳՄՍ փոխնախարարի՝ 250-հոգանոց պատվիրակությունն անտեր թողնելու և Հայաստան վերադառնալու պատճառը:

Սրանով էլ չեն ավարտվում Արթուր Մարտիրոսյանի աշխատանքային ինքնատիպ փոխհարաբերություններն իր համակարգած ոլորտի հետ:

Այս տարվա հունիսի 25-28-ը ՀՀ Գավառ քաղաքում տեղի ունեցավ հայ-ռուսական երիտասարդական ֆորումը: Այս անգամ արդեն Արթուր Մարտիրոսյանը պարզապես չմասնակցեց ֆորումի շրջանակներում որևէ միջոցառման:

Ի դեպ, 168.am-ին տեղեկացրեցին նաև, որ ԿԳՄՍ նախարարության աշխատակիցները, եթե նախարարությունում բարձր պաշտոն չեն զբաղեցնում, պարգևավճար չեն ստանում: Հարցին՝ ինչո՞ւ չեն ստանում, ղեկավարությունից ստանում են հետևյալ պատասխանը՝ իսկ արածներդ ի՞նչ է, որ ստանաք:

Հիմա հետաքրքիր է՝ Արթուր Մարտիրոսյանի արածն ի՞նչ է:

դիտվել է 602 անգամ
Լրահոս
Վարչապետի աթոռը զբաղեցնողն այնքան բարոյազուրկ է, որ ասում է՝ սուտ է․ Գասպարյան Ինչու է Արցախի նախագահն այցելել փաստաբանական գրասենյակ Բերքաբերցին՝ հողերի վերադարձի պահանջով ստորագրահավաքի մասին Գառնիի ոստիկանապետին ծեծել են, Աբովյանի ոստիկանապետին մեքենայով 20 մետր քարշ տվել Երևանի Քանաքեռ-Զեյթուն վարչական շրջանում պայթեցվելու է ՊԵԿ նախկին շենքը․ Սոնա Աղեկյան 6 տարի չկարողացան գոնե քաղաքային տրանսպորտի խնդիրը լուծել ՇՊՀ-ի հոգաբարձուների խորհրդր անդամը պնդում է՝ ոչ ոք չգիտեր, թե նախորդ տարբերանշանի վրա որ սարն է եղել պատկերված Հայաստանը փոքրանում է, բանկային եկամուտները մեծանում են. Մհեր Գրիգորյանը՝ Նիկոլ Փաշինյանի հաստիքային դահիճ Օտարերկրացին ինքնավնասման նպատակով վերցրել է ոստիկաններից մեկի ինքնաձիգը և կրակոցներ արձակել․ ՆԳՆ Վթար՝ Արմավիրի մարզում. մոտոցիկլավարը տեղափոխվել է հիվանդանոց «Գնաճ կա, բայց եկամուտների աճ չկա». միայն թվեր գումարել ու բազմապատկելով հնարավոր չէ պատկերացում ստանալ իրական վիճակի մասին Վաղաժամ դադարել է Գյումրու ավագանու 5 անդամի լիազորությունը Դաժան ծեծի է ենթարկվել Աբովյանի ոստիկանապետը. «Հրապարակ» Բացահայտվելու է՝ Աննա Հակոբյանն ինչպես է ազդել մեզ համար ծանր որոշումների վրա․ Անդրանիկ Հովհաննիսյան (video) Աննայի նման Նիկոլի փաստաբանը հարձակվել է վրաս, վնասել մատս․ Զարուհի Փոստանջյան (video) Զինվորը մահանում է՝ Աննան ժպտում, ուղղաթիռ է կործանվում՝ սրանք սրճում են և զբոսնում․․․ Տեր-Մկրտչյան (video) Հայաստանում կհասկանա՞ն Իրանի դեսպանի հայտարարությունների տողատակերը․ դիտարկում Խայտառակ վիճակ․ կեղտաջրերը լցվել են փողոցներ․․․ (video) Լոնդոնյան «վոյա՞ժ», թե՞ Հայաստանի համար նոր «ցավոտ զիջումների» նախերգանք Մոսկվայում ձերբակալվել է ՀՀ քաղաքացի՝ երկու անձի սպանության պատվերի փորձի համար. քլլերին խոստացել էր 80.000 դոլար Նիկոլենց շրջագայությանը հաջորդելու է սարսափելի աղետ․ի՞նչ է կատարվում Տիգրանաշեն-Զանգակատուն սահմանին (video) Օտարերկրացին օգտվելով հերթապահի օգնականի զբաղվածությունից ու անուշադրությունից, վերցրել է «AKM» տեսակի ինքնաձիգը և այն բերել մարտական վիճակի. ՔԿ-ն մանրամասներ է հայտնում Երբ քաղաքային «իշխանությունը» տեղում չէ, բնությունն էլ կարող է մեղավոր կարգվել Երևանը վերածել են Սոդոմ-Գոմորի Վանաձորում ոստիկաններն ու ԱԱԾ աշխատակիցները բերման են ենթարկել «Խիմզավոդցի կարատեիստ» Արսենին․ նա եղել է զինված
Ամենաընթերցվածները
Շուտով
Հուլիսի 19-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Հուլիսի 19-ին՝ ժամը 16։30-ին, Հայելի ակումբի հյուրն է Լարիսա Ալավերդյանը Հուլիսի 19-ին՝ ժամը 15։00-ին, Հայելի ակումբի հյուրն է Սամվել Հակոբյան /Մայր Հայաստան/ Հուլիսի 19-ին՝ ժամը 11։00-ին, Հայելի ակումբի հյուրն է Գևորգ Գևորգյանը Հուլիսի 19-ին՝ ժամը 14։00-ին, Հայելի ակումբի հյուրն է Սերգեյ Հարությունյանը Հուլիսի 19-ին՝ ժամը 11։00-ին, Հայելի ակումբի հյուրն է Լարիսա Ալավերդյանը Հուլիսի 18-ին՝ ժամը 14։00-ին, Հայելի ակումբի հյուրն է Տիգրան Չոբանյանը Հուլիսի 18-ին՝ ժամը 12։00-ին, Հայելի ակումբի հյուրն է Արամազդ Զաքարյանը Հուլիսի 18-ին՝ ժամը 13։00-ին, Հայելի ակումբի հյուրն է Նարինե Դիլբարյանը Հուլիսի 18-ին՝ ժամը 15։00-ին, Հայելի ակումբի հյուրն է Սերգեյ Շաքարյանցը
Հետևեք մեզ Viber-ում https://cutt.ly/5wn8sJBS
Hayeli.am