Շարժման ակտիվիստին արգելվել է հեռանալ Գեղարքունիքի տարածքից. Նրա նկամամբ խափանման միջոց է ընտրվել վարչական հսկողությունը

«Հունիսի 12»-ի գործով Գեղարքունիքի մարզի բնակիչ «Տավուշը հանուն հայրենիքի» շարժման աջակից Սևակ Սիմոնյանի նկատմամբ որպես խափանման միջոց է կիրառվել վարչական հսկողությունը։ Այդ մասին «Փաստինֆո»-ին ասաց Սիմոնյանի պաշտպան Վարդուհի Սարգսյանը։

Նրա փոխանցմամբ՝ ՔԿ-ն տեսանյութերով նույնականացրել է Սեւակ Սիմոնյանին ու նրան մեղադրում են դատարակ պլասմասե շիշ նետելու մեջ։ Սա քննչական մարմինը գնահատել է որպես խուլգանություն՝ խմբի կազմում ու նրան մեղադրանք ներկայացրել ՀՀ քրեական օրենսգրքի 297-րդ հոդվածի 2-րդ մասի 1-ին կետով։

Խափանման միջոցն ընտրելիս՝ դատարանը հաշվի է առել մի քանի մեղմացուցիչ հանգամանք, այն է, որ Սևակ Սիմոնյանի խնամքին կա 4 անչափահաս երեխան և երկու հաշմանդամություն ունեցող անձ՝ հայրը և հորաքույրը։Բացի այդ՝ նա ընտանիքի միակ կերակրողն է։

Ըստ ընտրված խափանման միջոցի՝ Սիմոնյանն իրավունք չունի լքելու Գեղարքունիքի մարզի տարածքը։