«Աշոտյանի անազատության մեջ գտնվելու ժամանակահատվածում է, որ Փաշինյանի իշխանությունը ճաքեր է տվել». Էդուարդ Շարմազանով. ArmLur.am

Այսօր լրանում է 1 տարին, ինչ ՀՀԿ փոխնախագահ, կրթության նախկին նախարար Արմեն Աշոտյանը անազատության մեջ է:

Հիշեցնենք, որ Արմեն Աշոտյանը ձերբակալվել էր «Երևանի Մխիթար Հերացու անվան պետական բժշկական համալսարան» հիմնադրամում կատարված առերևույթ չարաշահումների գործի շրջանակներում՝ խափանման միջոցի պայմանները խախտելու հիմքով։

ArmLur.am-ը զրուցել է ՀՀԿ ԳՄ անդամ Էդուարդ Շարմազանովի հետ։

Մեզ հետ զրույցում Շարմազանովն ասաց, որ այս 1 տարվա ընթացքում որևէ բան չփոխվեց, բացի նրանից, որ դատական քննությունն ապացուցեց և դատալսումներից ակնհայտ դարձրեց Արմեն Աշոտյանի անմեղ լինելը և այս գործի շինծու լինելը, որը պատվիրված է իշխանությունների կողմից։

«Որևէ բան չփոխվեց, բացի նրանից, որ այս մեկ տարվա ընթացքում դատական քննության փուլն ապացուցեց մի բան և ակնհայտ դարձավ բոլորի համար դատալսումներից, որ Արմեն Աշոտյանը անմեղ է, և սա շինծու քրեական գործ է, որը պատվիրված է իշխանության գլխավոր ղեկավարության կողմից, շատ ակնհայտ է ամեն ինչ։ Մենք տեսանք, որ Արմեն Աշոտյանի վրա ցուցմունք չկա, մենք տեսանք, որ Արմեն Աշոտյանը պետությանը որևէ վնաս չի հասցրել, մենք տեսանք, որ այն թվերը, որոնք վերագրում էին Արմեն Աշոտյանին հենց նույն դատարանը հերքեց, որ նման բան կա։ Փնթի գործ է, «զակազով» ստացել է, որ Աշոտյանին բռնեն տանեն։ Դուք պատկերացնո՞ւմ եք, որ Աշոտյանի վրա մի հատ ձայնագրություն, փաստ լիներ, սրանք ոնց էին կինո «բռնել»։ 1 տարի է դատական պրոցեսը գնում է՝ ոչ մի բան չկա։ Ամսի 24-ին էլի դատն է, կգնաք՝ կտեսնեք։ Տուժող չկա, ցուցմունք չկա այդ մարդու վրա։ Նույնիսկ դատարանը չի ընդունել, որ Աշոտյանը երկրին մի լումայի վնաս է հասցրել։ Սա շինծու քրեական գործ է, որի նպատակն է եղել լռեցնել Արմեն Աշոտյանին և վախեցնել մյուս ընդդիմադիրներին»,-ասաց Էդուարդ Շարմազանովը։

Չնայած նրան, որ ապրում ենք ժողովրդավար երկրում, օրեցօր ավելանում է քաղաքական բանտարկյալների թիվը և անդրադառնալով այս թեմային՝ Շարմազանովը ասաց.

«Հենց այդպես էլ պետք է լինի, պետք է քաղբանտարկյալների թիվը աճի ու աճի, որ հետո կապիտուլյանտների թիվը կտրուկ նվազի։ Քաղբանտարկյալների շատացնումը կհանգեցնի Նիկոլ Փաշինյանի հեռացմանը։ Ես ասել եմ, Հայաստանում հեղափոխական իրավիճակ է։ Ուզում է 100 հոգու էլ բռնի, ուզում է 1000 հոգու էլ բռնի։ Նրանք մի բան չեն հասկացել, որ 5000 մարդու կյանքի սպանության պատճառ ու մեղավոր են։ Նիկոլը պառլամենտում հայտարարել է, ինքն իր վրա ցուցմունք է տվել, որ շատ լավ գիտակցել է 2018 թվին, ըստ իրեն, որ Արցախը Ադրբեջան է, բայց 2019-ին ասել է Արցախը Ադրբեջան է և վերջ, 2020-ին էլ մարդկանց ասել է գնացել պայքարեք, գնացեք կռվենք, երբ որ ըստ իրեն իմացել է ամեն բան վերջացած է։ Ինքն իմանալով այս ամենը 5000 երեխու կյանք է խլել, տասնյակ հազարավոր մարդկանց հաշմանդամ է սարքել։ Առնվազն 20.000 հայ ընտանիք չի ձևավորվելու։ Սրբազանը կհաջողի, չի հաջողի, հանրապետականը կհաջողի, չի հաջողի, туда сюда, էդ սաղ հեչ։ Լա՛վ, 5 տարի էլ կառավարի, 10 տարի էլ կառավարի, հետո՞։ Բարոյապես էլ, քաղաքականապես էլ պրծավ, ամեն ձև»։

Էդուարդ Շարմազանովն ընդգծեց, որ Արմեն Աշոտյանը ինքն իրենով քաղաքական կապիտալ է, քաղաքական լուրջ գործիչ, որը ունի քաղաքական լուրջ կապեր Եվրոպայում։

«Աշոտյանն ինքն իրենով քաղաքական կապիտալ է, ինքն իրենով լուրջ քաղաքական գործիչ է, ունի քաղաքական լուրջ կապեր եվրոպաներում, բացահայտում էր այս նիկոլիզմի իշխանության հակաժողովրդավարության բնույթը ու հիմա էլ ռեպրեսիա է էլի, ինչո՞ւ եք զարմանում»,- ասաց Շարմազանովը։

Շարմազանովի խոսքով՝ իշխանությունը թմբիրի մեջ է, չի հասկանում՝ ինչ է կատարվում և եթե վախեր ունենային, ապա այս օրին չէին ընկնի։

«Վախը դա նորմալ զգացում է, իշխանությունը վախերի մեջ է Ալիևից ու Էրդողանից, սեփական ժողովրդից ունենային վախեր՝ այսպես չէր լինի։ Ովքեր խանգարում են, իրենք իրենց ճանապարհից չեզոքացնում են, սա է խնդիրը։ Աշոտյանը այն անձնավորությունն է, որը խանգարել է Նիկոլ Փաշինյանի ծրագրերը Եվրոպայում»,-ասաց Շարմազանովը»։

Շարմազանովը նշեց, որ Աշոտյանը արդյունավետ կերպով պայքարում էր իշխանությունների դեմ և իշխանությունները Արմեն Աշոտյանին կալանքի տանելը նպատակներ է ունեցել։

«Վախերի մեջ չեն, պարզապես Արմեն Աշոտյանը շատ արդյունավետ պայքարում էր ու իրենց մեջ էլ Արմեն Աշոտյանին նստեցնելու նպատակն այն էր, որ

ա.՝ ցավեցնել հանրապետականին, բ.՝ չեզոքացնել Աշոտյանի արդյունավետ գործունեությունը, գ.՝ Աշոտյանին բռնելով վախեցնել մյուս ընդդիմադիրներին։ Այսինքն՝ իրենք հասկացան, որ մեկ տարվա մեջ ընդդիմադիրների քանակն ավելի ավելացավ ու հիմա սրբազանին բռնեն՝ ավելանալու է, ուրիշին բռնեն՝ ավելանալու է։ Իրենք չեն հասկանում, որ պատմության ընթացքն իրենց դեմ է գնում, անիվն իրենց դեմ է։ Պատմության անիվը անհնար է պտտել։ Աշոտյանը այս մեկ տարվա ընթացքում ապացուցեց, որ ինքը պայքարում է, պայքարելու է, ավելի է հզորացել, ժողովրդի հարգանքն էլ իր հանդեպ ավելի է շատացել և Աշոտյանի անազատության մեջ գտնվելու ժամանակահատվածում է, որ Փաշինյանի իշխանությունը ճաքեր է տվել»,- ասաց Էդուարդ Շարմազանովը։

դիտվել է 519 անգամ
Լրահոս
Ակների գյուղապետը մանրամասներ է հայտնել արոտավայրում մահացած բնակչի մասին Նոր «Սանտա-Բարբարան» կամ ինչո՞ւ մինչ օրս Բաբաջանյանը ներողություն չի խնդրել ՀՅԴ-ից. yerkir.am Տո ա՛յ «երկոտանի», ո՞վ ա կնոջ հետ ֆուտբոլ գնում․ Գևորգ Պետրոսյան (video) «Հաշվիչը միացված է․ Ադրբեջանը կարող է նորից հարձակվել»․ Արշակ Կարապետյանի հարցազրույցը «Իզվեստիային» Ողբերգական դեպք՝ Երևանում․ «Ոսկե անիվ» ավտոտեխսպասարկման կետում հայտնաբերվել է տղամարդու դի Արտակարգ դեպք՝ Երևանում․ հրդեհ է բռնկվել «Երևանի ալրաղաց»-ում Երևանի 25–ամյա բնակիչը կալանավորվել է՝ 27–ամյա համաքաղաքացու նկատմամբ սպանության փորձ կատարելու մեղադրանքով Բնակարանաշինության ծրագիրը, թե ծուղակ արցախցիների համար՝ Արցախի հարցը հիմնովին փակելու համար Արցախի Հանրապետությունը նախագահի հրամանագրով լուծարված լինելու մասին հայտարարություններն իրականությանը չեն համապատասխանում. Երիցյան Արմավիրի մարզում արձանագրվել է բոտուլիզմի 1 դեպք՝ 2 տուժածով ՔՊ-ն սկսել է ոտնակոխ անել․ Արծվիկ Մինասյան (video) Աննան ու Փաշինյանը Բեռլինում չափն անցել են․ սա ինչ խայտառակություն է․ Հարութ Սասունյան (video) Նոր նախագիծ՝ Արցախից բռնի տեղահանվածների համար 18+․ TikTok-ի օգտատերերը Փաշինյանի էջում նոր տեսանյութի տակ հայհոյանքներ են «ձոնում» Sex sells-ը ներկայացված է չափից դուրս ցածրակարգ ու տհաճ զգացողություններ առաջացնող է Առաջարկվող փոփոխությունը հիմնավորված չէ, ժամանակավրեպ է․ ԵՊՀ Հայոց պատմության ամբիոն Ահազանգ. Վտանգված է Հանրապետական զորակոչային հավաքակայանից Ներքին Չարբախ, Մասիս և այլ բնակավայրեր տանող կամուրջը Սա իշխանության անլրջության, անպատասխանատվության, անգործության, արկածախնդրության լավագույն ցուցիչն է․ պատգամավոր ԱԺ աշխատակազմի ծառայողները այս ամիս 2-րդ անգամ են պարգևատրվում Երկրաշարժ Վրաստանի՝ Գուրջաանի քաղաքից 30 կմ հարավ. այն զգացվել է Հայաստանի մարզերում ու Երեւանում Արցախի Գերագույն խորհրդի առաջին նախագահ Արթուր Մկրտչյանի գերեզմանը վանդալիզմի է ենթարկվել «Տարվա քաղաքական գործիչ». քաղբանտարկյալ Արմեն Աշոտյանի մրցանակը ստացել է կինը Հրաչ Դավթյանը նշանակվել է Ինչպես ու ինչին եք խաբվել... (video) Մամիկոն Ասլանյանն աններելի բան է արել․․․ Հայկ Մամիջանյան (video)
Ամենաընթերցվածները
Շուտով
Հուլիսի 17-ին՝ ժամը 16։00-ին, Հայելի ակումբի հյուրն է Աննա Մայիլյանը Հուլիսի 17-ին՝ ժամը 13։00-ին, Հայելի ակումբի հյուրն է Սարգիս Ավետիսյանը Հուլիսի 17-ին՝ ժամը 12։00-ին, Հայելի ակումբի հյուրն է Դավիթ Ջամալյանը Հուլիսի 16-ին՝ ժամը 13։30-ին, Հայելի ակումբի հյուրն է Սոկրատ Հովսեփյանը Հուլիսի 16-ին՝ ժամը 15։00-ին, Հայելի ակումբի հյուրն է Հրաչ Բերբերյանը Հուլիսի 16-ին՝ ժամը 14։00-ին, Հայելի ակումբի հյուրերն են Արա Սահակյանը և Գուրգեն Հովհաննիսյանը Հուլիսի 16-ին՝ ժամը 14։00-ին, Հայելի ակումբի հյուրն է քաղտեխնոլոգ Վիգեն Հակոբյանը Հուլիսի 16-ին՝ ժամը 12։00-ին, Հայելի ակումբի հյուրն է Տիրան Լոքմագյոզյանը Հուլիսի 15-ին՝ ժամը 16։00-ին, Հայելի ակումբի հյուրն է Հայկ Նահապետյանը Հուլիսի 15-ին՝ ժամը 14։00-ին, Հայելի ակումբի հյուրն է գրող Արթուր Հայրապետյանը
Հետևեք մեզ Viber-ում https://cutt.ly/5wn8sJBS
Hayeli.am