Իշխանություններից թեկնածու չի եղել, բլորին դեմ են քվեարկել

Հրապարակ» թերթը գրում է. «Հունիսի 5-ին կայացավ, ավելի ճիշտ՝ չկայացավ, Հանրային ռադիոյի գործադիր տնօրենի մրցույթը։ Բանն այն է, որ Հանրային հեռարձակողի խորհուրդը, որի կազմում են Արա Շիրինյանը, Վահագն Թեւոսյանը, Արփի Ոսկանյանը, Վասակ Դարբինյանը, Վարուժան Օլքինյանը, Վահրամ Մարտիրոսյանը, Արամ Սուքիասյանը, մրցույթին մասնակցող 4 թեկնածուից եւ որեւէ մեկին չի ընտրել, այդ թվում` նախկին տնօրեն Գարեգին Խումարյանին։ Այլ կերպ ասած՝ 4 թեկնածուից որեւէ մեկը չի բավարարել «գերպրոֆեսիոնալ» հանձնաժողովականների քիմքին, իսկ թեկնածուներն էին. Խումարյան Գարեգին Կորյունի, Հովհաննիսյան Բելլա Հրաչիկի, Մանուկյան Մարիամ Վոլոդյայի, Մարգարյան Մհեր Մարտիրոսի։ Մենք զրուցեցինք թեկնածուներից Բելլա Հովհաննիսյանի հետ: Հետաքրքրվեցինք` իրեն հարցազրույցի կանչե՞լ են, իր ծրագրերը լսե՞լ են։

«Անձամբ ինձ ոչ ոք հարցազրույցի չի հրավիրել։ Այո, 4 թեկնածուներից եւ ոչ մեկը չի անցել, ասեմ ավելին՝ թեկնածուներից ոչ մեկի օգտին որեւէ կողմ ձայն չի եղել, այսինքն՝ հանձնաժողովի բոլոր անդամները բոլոր թեկնածուներին դեմ են քվեարկել։ Սա աննախադեպ իրավիճակ է, երբեւէ նման բան չի եղել, եւ ես կարծում եմ, որ իրենք պարզապես որեւէ մեկի վերաբերյալ քաղաքական որոշում չունեին, այսինքն՝ թեկնածուներից որեւէ մեկն իշխանության թեկնածուն չէր, եւ, հետեւապես, իրենք բոլորին դեմ են քվեարկել։

Հիմա հաջորդ մրցույթի ժամանակ իրենք գուցե իրենց թեկնածուին բերեն եւ հրահանգավորված կողմ քվեարկեն, բայց ես, այնուամենայնիվ, շարունակում եմ հույս ունենալ, որ հաջորդ մրցույթում գուցե ինչ-որ բան կփոխվի, եւ իսկապես հաշվի կառնեն պրոֆեսիոնալիզմը, եւ իրենց մտահոգությունն ավելի շատ կենտրոնացված կլինի ոլորտի բարեփոխումների վրա, որովհետեւ ցանկացած ոլորտում եթե մասնագետն է ղեկավարում, ապա բարեփոխումներն ավելի ռեալ են դառնում, իսկ ոչ պրոֆեսիոնալ կադրերի պատճառով ոլորտները միշտ տուժում են, այսինքն՝ այն, ինչ այսօր կատարվում է մեր երկրում։

Ամենայն հարգանքով հանձնաժողովի բոլոր անդամների նկատմամբ, բայց իրենք պետք է որոշումներ կայացնելու կամք ունենան, որովհետեւ, վերջիվերջո, շատերը վաստակ ունեցող մարդիկ են եւ պետք է կարողանան իրենց վաստակն ի նպաստ երկրի ծառայեցնել, կոնկրետ այս առաքելության մեջ լինեն անաչառ, օբյեկտիվ, ազնիվ եւ հաշվի առնեն աշխատանքային փորձը, կենսագրությունը, թեկնածուների մասնագիտական կարողությունները, եւ ազատ որոշում կայացնեն, ոչ թե սպասեն հրահանգների»,- ասաց Բելլա Հովհաննիսյանը՝ հավելելով, որ մտադրված է կրկին մասնակցել մրցույթին․

«Ինձ թվում է՝ իրենք էլ չունեն հստակ ծրագիր, թե ինչ պիտի անեն, բայց քանի որ, ըստ օրենքի, պետք է մրցույթ լինի, հայտարարում են, սակայն նախապես պատրաստված չեն էլ լինում, այսինքն՝ լավ չեն էլ ուսումնասիրում ներկայացված հայտերը, ծրագրերը, որովհետեւ անձամբ ինձ հարցազրույցի չեն հրավիրել, մյուս թեկնածուներից տեղյակ չեմ, թե ում են հրավիրել, սակայն քվեարկության արդյունքներն այն մասին են վկայում, որ եթե բոլորին դեմ են քվեարկել, ուրեմն որեւէ մեկի ծրագիրն ու աշխատանքային փորձն իրենց առանձնապես չի հուզել։

Ես երկար տարիների փորձով մասնագետ եմ եւ իմ անաչառությամբ, իմ անցած ճանապարհով՝ իմ ուժերի վրա վստահ եմ, որ ես կարող եմ Հանրային ռադիոն եւս մեկ աստիճան վեր բարձրացնել։ Նախկին տնօրենն էլ կարծես թե կարգին աշխատել է մարդը, բայց փաստացի իրենք մասնագետների կարիք չունեն, իրենք սպասում են հրահանգների, թե ում պիտի նշանակեն»։

Նշենք, որ Ռադիոյի նախկին տնօրեն Գարեգին Խումարյանը եւս հայտարարել է, որ կրկին մասնակցելու է մրցույթին»:

Առավել մանրամասն թերթի այսօրվա համարում

դիտվել է 284 անգամ
Լրահոս
Ծաղկաձորում ապօրինի սեփականաշնորհված 3 անտառապատ տարածք վաճառքի է հանվել․ «Հետք» Կիրանցը՝ օրերի տարբերությամբ․ չկան տունը, վագոնն ու արհեստանոցը 3 բնակարան ու ավտոկայանատեղի՝ Երևանում, հողամաս՝ Եղեգնաձորում, ԱԺ-ից էլ՝ 8 միլիոն 94 000 դրամի աշխատավարձ․ Էլ ինչ է նշված ՔՊ-ական Տրդատ Սարգսյանի հայտարարագրում Լեհաստանը զգալիորեն կրճատել է օտարերկրացիներին վիզաների տրամադրումը Մալաթիա-Սեբաստիա վարչական շրջանի թաղապետարանի հարևանությամբ բախվել են մեքենաներ․ 3 հոգի տեղափոխվել է հիվանդանոց «Հարկ է, որ Թուրքիան ընդունի միջազգային իրավունքի և ծովային իրավունքի դրույթները». Հունաստանի ՊՆ 1 զոհ, 5 վիրավոր․ Վանաձոր-Ստեփանավան ճանապարհին բախվել են «Opel Zafira»-ն և «ՎԱԶ 2109»-ը Մոտ ապագայում ֆրանսիական բանակը չի կռվի Ուկրաինայում. Էմանուել Մակրոն 9-ամյա երեխան մահացել է, վարորդն ու 7-ամյա տղան տեղափոխվել են հիվանդանոց Ադրբեջանն ու Հայաստանն ավելի քան երբևէ մոտ են խաղաղության պայմանագրի կնքմանը. Կլաար Փաշինյանին աջակցում է ժողովրդի միայն 10 տոկոսը. ընդդիմադիրներին խանգարում է ներքին գզվռտոցը. Արամ Նավասարդյան Մեկ ոստիկան ազատվել է պաշտոնից, մյուսի նկատմամբ կիրառվել է խիստ նկատողություն Պաղեստինի վարչապետը շնորհակալություն է հայտնել ՀՀ-ի կողմից Պաղեստինի ճանաչման հարցում ցուցաբերված սկզբունքային մոտեցման համար Վատ աշխատանքի համար պետբյուջեից ավելի քան 32 միլիոն դրամ պարգևավճար են ստացել Արամ Ա կաթողիկոսը Իշխան Սաղաթելյանի հետ քննարկել է Հայաստանում տիրող իրավիճակը Գազամատակարարման դադարեցումներ Հունիսի 12-ին խաղաղ հավաքի ընթացքում քաղաքացիների, լրագրողների հանդեպ կիրառված բռնարարքների փաստով հանցագործության մասին հաղորդում է ներկայացվել Դատախազություն ԵՄ-ն կփակի դռները Վրաստանի համար, եթե երկրի իշխանությունները շարունակեն իրենց քաղաքականությունը. Բորել Պակիստանը մարտահրավեր է նետել ԱՄՆ-ին Հյուսիս-հարավ» միջանցքով
Ամենաընթերցվածները
Շուտով
Հունիսի 25-ին՝ ժամը 16։00-ին, Հայելի ակումբի հյուրն է Սեյրան Չիլինգարյանը Հունիսի 25-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Հունիսի 25-ին՝ ժամը 14։00-ին, Հայելի ակումբի հյուրն է Ձյունիկ Աղաջանյանը Հունիսի 25-ին՝ ժամը 16։30-ին, Հայելի ակումբի հյուրն է Տիգրան Չոբանյանը Հունիսի 25-ին՝ ժամը 12։00-ին, Հայելի ակումբի հյուրն է Գառնիկ Դանիելյանը Հունիսի 25-ին՝ ժամը 11։00-ին, Հայելի ակումբի հյուրն է Լարիսա Ալավերդյանը Հունիսի 24-ին՝ ժամը 15։00-ին, Հայելի ակումբի հյուրն է Կարեն Քոչարյանը Հունիսի 24-ին՝ ժամը 12։00-ին, Հայելի ակումբի հյուրն է Տիրան Լոքմագօզյանը Հունիսի 24-ին՝ ժամը 17։00-ին, Հայելի ակումբի հյուրն է Տիգրան Չոբանյանը Հունիսի 24-ին՝ ժամը 16։00-ին, Հայելի ակումբի հյուրն է Հայկ Նահապետյանը
Հետևեք մեզ Viber-ում https://cutt.ly/5wn8sJBS
Hayeli.am