Ինչպես է Փաշինյանն արդարացնում կնոջը՝ Լոռիում և Տավուշում աղետի օրերին «սև-սպիտակ փարթի» կազմակերպելու համար

Իմ կինը խրախճանք չի կազմակերպել, որքան ես տեղյակ եմ այդ միջոցառման շահառուներից են 44-օրյա պատերազմում զոհված զինվորների ծնողները։ Այդ միջոցառումը պլանավորված է եղել շատ ավելի վաղ, այսինքն՝ 5-6 ամի առաջ պլանավորված միջոցառում է եղել։ Այս մասին Աժ-ում հայտարարեց վարչապետ Նիկոլ Փաշինյանը՝ անդրադառնալով իր թիմակիցներից հնչող քննադատություններին, թե ընդդիմությունը փողոցներում երաժշտություն է միացնում, այն դեպքում, երբ Լոռիում և Տավուշում աղետ է, մինչդեռ իր կինն էլ խրախճանք է կազմակերպում։

«Ինչքան գիտեմ, այդ միջոցառման առանցքային նպատակներից մեկը նվիրված է եղել 44-օրյա պատերազմում զոհվածների հարազատներին ամոքելուն, սփոփելուն, նրանց կողքին լինելու, նրանց օգնելուն, որպեսզի սևը չգերիշխի»։

Դիտարկմանը, թե հանրահավաքնել էր ավելի վաղ պլանավորված՝ նա պատասխանեց. «Ցանկացած քաղաքացի կարող է գնահատել՝ որտեղ երաժշտություն լինի, որտեղ չլինի, որտեղ հագնեն սև, որտեղ հագնեն սպիտակ։ Ես ընդամենը իմ ընկալումը ձեր հետ կիսեցի»։

Աղբյուր` Փաստինֆո