Ցավում եմ, որ Հայաստանում անկախ դատարան գոյություն չունի․ Ալբերտ Բազեյան

Ինչպես հայտնի է ՀՀ վարչապետ Նիկոլ Փաշինյանի դեմ մահափորձ կազմակերպելու կասկածանքով 6 ամիս կալանավորված ԵԿՄ նախկին փոխնախագահ, Երևանի նախկին քաղաքապետ Ալբերտ Բազեյանի խափանման միջոցը փոխվել էր․ նա գտնվում էր տնային կալանքի տակ։ Այսօր նաև տեղեկացանք, որ Բազեյանի տնային կալանքը երկարաձգել են ևս երկու ամսով։

Oragir.News-ը Բազեյանի փաստաբանի՝ Գեորգի Մելիքյանի միջոցով հարցեր է ուղղել նրան․

«Իմ տնային կալանքը դատարանի որոշմամբ երկարաձգվել է, և դա նույն ապօրինի որոշումն է, նույն անօրինական մեղադրանքն է, որևէ փաստարկ չկա։ Իմ տնային կալանքը երկարաձգվեց ևս երկու ամսով։ Ես դատական փակ նիստի ժամանակ դատավորին ասել եմ՝ «Դուք հրահանգված եք իշխանության կողմից, որպեսզի երկարաձգեք իմ կալանքը։ Ցավում եմ, որ Հայաստանում անկախ դատարան գոյություն չունի, դուք անկախ մարդ չեք, որոշումը ձեր դիմաց դրված է։ Ես չեմ էլ ուզում մասնակցել այս թատերական ներկայացմանը իբրև դատ, կգնամ, իմ փաստաբանը ինձ կտեղեկացնի ձեր որոշման մասին»,- նշել է Բազեյանը՝ հայտնելով նաև, որ մի քանի ժամից զանգահարել է փաստաբանին և տեղեկացել, որ իր տնային կալանքը ևս երկու ամսով երկարաձգվել է։

Գեորգի Մելիքյանի միջոցով նաև տեղեկացանք, որ նրանք հրապարակել են հայտարարություն, որտեղ մասնավորապես ասվում է․

««ՀԱՅՈՑ ԱՇԽԱՐՀԱԶՈՐ» ռազամաքաղաքական միավորումը ողջունում է արքիեպիսկոպոս Բագրատ Սրբազանի հայրենանվեր գործունեությունը: Մենք մեր զորակցությունն ենք հայտնում նրա առաջնոդությամբ կազմակերպվող հանրային միջոցառումներին:

Միավորման անդամները ակտիվորեն մասնակցում են Բագրատ Սրբազանի կողմից համակարգվող հայրենանպաստ գործողություններին, սակայն մենք կարծում ենք , որ աննպատակահարմար է Նիկոլ Փաշինյանին անվստահություն հայտնելու հարցի քննարկումը գործող Ազգային Ժողովում, քանի որ «Քաղաքացիական պայմանագիր» կուսակցության խմբակցությունը ԱԺ-ում ունի բացահայտ մեծամասնություն, և նրանք անստահություն չեն հայտնի իրենց կողմից ընտրված վարչապետին և նրա ձևավորած կառավարությանը:

Նիկոլ Փաշինյանի հրաժարականի պահանջով ոտքի կանգնած ՀՀ քաղաքացիները պետք է պահանջեն Նիկոլ Փաշինյանի և այս կառավարության հեռացումը ու գործող ԱԺ-ի լուծարումը: Կարճ ժամկետի համար պետք է ձևավորվի ժամանակավոր կառավարություն, որը կղեկավարի մեր պետությունը և կնախապատրաստի ԱԺ նոր, արտահերթ, արդար և օրինական ընտրություններ: Բնականաբար մենք ակնկալում ենք, որ նոր ձևավորվելիք ՀՀ իշխանությունը, ստանձնելով պատասխանատվություն մեր պետությունը ղեկավարելու համար, իրականացնելու է մեր ժողովրդի նպատակները հետապնդող մեր ազգային պետական շահերից բխող արտաքին և ներքին քաղաքականություն։

Հայաստանի սահմանների և սահմանամերձ բնակավայրերի վրա թշնամու կողմից ոտնձգություն կատարելու դեպքում մենք զինվելու ենք և հայոց բանակի զինվորների հետ կողք կողքի պաշտպանելու ենք մեր հայրենիքը: Մենք համոզված ենք, որ Նիկոլ Փաշինյանական իշխանության անկման ժամանակաշրջանին հաջորդելու է մեր պետության վերելքի ժամանակաշրջանը: Մենք հզորացնելու մեր բանակը, ազատագրելու ենք թշնամու կողմից բռնազավթված Արցախը ու մեր Հայրենիքի բռնգագրավված մյուս տարածքները և իրականություն ենք դարձնելու մեր նոր ազգային վերածնունդը:

ՀԱՅ, ՀԱՅԱՍՏԱՆ,ՀԱՅՐԵՆԻՔ ԵՎ ԱՍՏՎԱԾ

«ՀԱՅՈՑ ԱՇԽԱՐՀԱԶՈՐ» ռազամաքաղաքական միավորման Խորհուրդ»:

Մելիքյանը հայտնեց, որ այս հայտարարությունը հրապարակել են ֆեյսբուքում և փորձելու են համոզել Սրբազանին, որ վաղվա հանրահավաքի ժամանակ այն նույնպես հրապարակվի։

«Նա կարող է չհամաձայնել, քանի որ նրան դիտողություն ենք անում։ Նա երկու սախալ թույլ տվեց։ Այն, որ նա Նիկոլ Փաշինյանին տվեց մեկ ժամ ժամանակ հրաժարակակն տալու համար, հետո 20 րոպե երկարաձգեց ժամկետը։ Պարզ է, որ նա հրաժարական չէր տալու։ Երկրորդ՝ գնում ենք բանակցելու պատգամավորների հետ, որպեսզի անվստահության հարցը դնենք քննարկման ԱԺ-ում։ Ժողովուրդը գտնվում է անհասկանալի իրավիճակում։ Լավ, Հայաստանում չկա՞ն այլ քաղաքական ուժեր, բացի Ռոբից, Սերժից, Նիկոլից։ Խնդրիը դրանում է»,- նշեց նա։

Բազեյանը խոսել է նաև Մոսկվայի երթի մասին, որին նա անձամբ աջակցում է․

«Ես ողջունում եմ Մոսկվայի երթը, դա հայկական երթ է, դա մեր հայ ազգի հայրենակիցներն են, որոնք գալիս են իրենց հայրենիք ազատելու մեր երկիրը այս կապիտուլիանտ կառավարությունից, որը մեր երկիրը տարավ պարտության, մեր հաղթանակած ժողովրդին դարձրեց պարտված ժողովուրդ։ 12000 կմ․ք նվիրեց թուրքին։ Այդ մարդիկ գալիս են տեր կանգնելու իրենց հայրենիքին»։

Հիշեցնենք, որ Բազեյանը 2023 թվականի սեպտեմբերի 23-ին ձերբակալվել, ապա՝ կալանավորվել է։

 ORAGIR.NEWS 

դիտվել է 459 անգամ
Լրահոս
Ծաղկաձորում ապօրինի սեփականաշնորհված 3 անտառապատ տարածք վաճառքի է հանվել․ «Հետք» Կիրանցը՝ օրերի տարբերությամբ․ չկան տունը, վագոնն ու արհեստանոցը 3 բնակարան ու ավտոկայանատեղի՝ Երևանում, հողամաս՝ Եղեգնաձորում, ԱԺ-ից էլ՝ 8 միլիոն 94 000 դրամի աշխատավարձ․ Էլ ինչ է նշված ՔՊ-ական Տրդատ Սարգսյանի հայտարարագրում Լեհաստանը զգալիորեն կրճատել է օտարերկրացիներին վիզաների տրամադրումը Մալաթիա-Սեբաստիա վարչական շրջանի թաղապետարանի հարևանությամբ բախվել են մեքենաներ․ 3 հոգի տեղափոխվել է հիվանդանոց «Հարկ է, որ Թուրքիան ընդունի միջազգային իրավունքի և ծովային իրավունքի դրույթները». Հունաստանի ՊՆ 1 զոհ, 5 վիրավոր․ Վանաձոր-Ստեփանավան ճանապարհին բախվել են «Opel Zafira»-ն և «ՎԱԶ 2109»-ը Մոտ ապագայում ֆրանսիական բանակը չի կռվի Ուկրաինայում. Էմանուել Մակրոն 9-ամյա երեխան մահացել է, վարորդն ու 7-ամյա տղան տեղափոխվել են հիվանդանոց Ադրբեջանն ու Հայաստանն ավելի քան երբևէ մոտ են խաղաղության պայմանագրի կնքմանը. Կլաար Փաշինյանին աջակցում է ժողովրդի միայն 10 տոկոսը. ընդդիմադիրներին խանգարում է ներքին գզվռտոցը. Արամ Նավասարդյան Մեկ ոստիկան ազատվել է պաշտոնից, մյուսի նկատմամբ կիրառվել է խիստ նկատողություն Պաղեստինի վարչապետը շնորհակալություն է հայտնել ՀՀ-ի կողմից Պաղեստինի ճանաչման հարցում ցուցաբերված սկզբունքային մոտեցման համար Վատ աշխատանքի համար պետբյուջեից ավելի քան 32 միլիոն դրամ պարգևավճար են ստացել Արամ Ա կաթողիկոսը Իշխան Սաղաթելյանի հետ քննարկել է Հայաստանում տիրող իրավիճակը Գազամատակարարման դադարեցումներ Հունիսի 12-ին խաղաղ հավաքի ընթացքում քաղաքացիների, լրագրողների հանդեպ կիրառված բռնարարքների փաստով հանցագործության մասին հաղորդում է ներկայացվել Դատախազություն ԵՄ-ն կփակի դռները Վրաստանի համար, եթե երկրի իշխանությունները շարունակեն իրենց քաղաքականությունը. Բորել Պակիստանը մարտահրավեր է նետել ԱՄՆ-ին Հյուսիս-հարավ» միջանցքով
Ամենաընթերցվածները
Շուտով
Հունիսի 25-ին՝ ժամը 16։00-ին, Հայելի ակումբի հյուրն է Սեյրան Չիլինգարյանը Հունիսի 25-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Հունիսի 25-ին՝ ժամը 14։00-ին, Հայելի ակումբի հյուրն է Ձյունիկ Աղաջանյանը Հունիսի 25-ին՝ ժամը 16։30-ին, Հայելի ակումբի հյուրն է Տիգրան Չոբանյանը Հունիսի 25-ին՝ ժամը 12։00-ին, Հայելի ակումբի հյուրն է Գառնիկ Դանիելյանը Հունիսի 25-ին՝ ժամը 11։00-ին, Հայելի ակումբի հյուրն է Լարիսա Ալավերդյանը Հունիսի 24-ին՝ ժամը 15։00-ին, Հայելի ակումբի հյուրն է Կարեն Քոչարյանը Հունիսի 24-ին՝ ժամը 12։00-ին, Հայելի ակումբի հյուրն է Տիրան Լոքմագօզյանը Հունիսի 24-ին՝ ժամը 17։00-ին, Հայելի ակումբի հյուրն է Տիգրան Չոբանյանը Հունիսի 24-ին՝ ժամը 16։00-ին, Հայելի ակումբի հյուրն է Հայկ Նահապետյանը
Հետևեք մեզ Viber-ում https://cutt.ly/5wn8sJBS
Hayeli.am