Նիկոլ Փաշինյանի քավոր մարզպետը բուհի դիպլոմ չունեցող պաշտոնյաների անունները գաղտնի է պահում

Վարչապետ Նիկոլ Փաշինյանը բուհի դիպլոմ չունի, նա վերջին կուրսից հեռացվել է ԵՊՀ-ից։ Նիկոլ Փաշինյանի որոշմամբ 2021թ․ փետրվարի 26-ին Դիլիջան համայնքի ղեկավարի պաշտոնակատր նշանակված, 1984թ․ ծնված Դավիթ Սարգսյանը չունի բարձրագույն կրթություն, նա ավարտել է Դiլիջանի պետական քոլեջը։ Նիկոլ Փաշինյանի մոտ շրջապատից 3-4 հոգի ունենալով խիստ կասկածելի ծագումով դիպլոմներ՝ այժմ պետական բարձր պաշտոններ են զբաղեցնում, պետական բյուջեից ստանում միլիոնավոր դրամների աշխատավարձեր ու պարգևավճարներ։ Տավուշի մարզի հանրակրթական դպրոցները գործում են մարզպետարանի անմիջական ենթակայության ներքո; Տավուշի մարզի դպրոցներից ազատվել են 55 ուսուցիչ,ովքեր ունենալով երկար տարիների աշխատանքային ստաժ, չունեն բուհի դիպլոմ։ 2023թ․ աշնանը բուհի դիպլոմ չունենալու պատճառով աշխատանքից ազատվեցին Բերդ համայնքի սահմանամերձ Մովսես, Պառավաքար, Արծվաբերդ և Չինարի գյուղերի վարչական ղեկավարները։ Մինչդեռ Տավուշի մարզպետարանում աշխատում են բուհի դիպլոմ չունեցող պաշտոնյաներ։Նիկոլ Փաշինյանի դասընկեր, նրա հարսանիքի քավոր, Ն․ Փաշինյանի որոշմամբ 2021թ․ ապրիլի 8-ին Տավուշի մարզպետ նշանակված Հայկ Ղալումյանին հարցրել եմ՝ ովքե՞ր են Տավուշի մարզպետարանի տեխնիկական, սպասարկող անձնակազմի անդամ չհանդիսացող այն 2 պաշտոնյաները, որոնք բարձրագույն կրթություն չունեն, նրանք ի՞նչ պաշտոններ են զբաղեցնում, այդ պաշտոնները զբաղեցնելու համար բուհի դիպլոմ չունենալը խոչընդոտ չէ՞; Լրագրողիս այս հարցադրմանը մարզպետ Հայկ Ղալումյանը հետևյալ անորոշ պատասխանն է տվել, թաքցնելով բարձագույն կրթություն չունեցող պաշտանայների անունները. « ՀՀ Տավուշի մարզպետի աշխատակազմի բարձրագույն կրթություն չունեցող 2 աշխատակցի մասով տեղեկացնում եմ, որ « Քաղաքացիական ծառայության մասին» ՀՀ օրենքի 7-րդ հոդվածի 1-ին մասի համաձայն քաղաքացիական ծառայության մասնագիտական պաշտոնների 6-րդ, 7-րդ և 8-րդ ենթախմբերի պաշտոնները զբաղեցնելու համար ՀՀ քաղաքացին պետք է ունենա առնվազն միջնակարգ կրթություն»:

Ոսկան Սարգսյանի գրառումը