Կիրանցի ամենախնդրահարույց հատվածի սահմանազատումը դեռ չի արվել, գործընթացը չի ավարտվել, ինչպես կարող ենք ասել գոհ ենք, թե դժգոհ. Կիրանցի բնակիչ
Ոչ մի գնահատական չեմ տալու սահմանազատմանը, քանի դեռ չեն ավարտվել աշխատանքները եւ աչքովս մոտիկից չեմ տեսել։ Կիսատ է դեռ մնացել սահմանազատումը, ցավոտ հատվածին դեռ չեն հասել»,- «Փաստինֆո»-ին ասաց Տավուշի մարզի Կիրանց գյուղի բնակիչ Անդրանիկ Նազարյանը՝ ավելացնելով, որ գյուղին ու գյուղի մեջ մտնող նախագծին դեռ չեն հասել։
«Մենք պատկերացնում ենք հետևյալ կերպ՝ առկա սահմանակետերը պետք է իրար միացնեն և դա կլինի արդեն սահմանի գիծը։Բայց այդ գիծը միացնելը, ըստ Փաշինյանի, կարող է ուղիղ չլինել, կարող է և ռելիեֆին նայեն, մի քիչ թեքեն։ Հիմա այդ կետերը նշված են, որոնց մեզ բավական մոտենալ չեն թույլատրել, մենք այդ ամբողջը հեռվից ենք տեսնում և դեռ չենք կարող հստակ ասել, թե ինչ աստիճանի ճշգրտություն ունի՝ նախկին սահմանի հետ համեմատած։Բայց այսպիսի մի բան էլ կա, միացումները դեռ չգիտենք, ինչպես են անելու։ Բացարձակ տեղյակ չենք, թե ինչ ձևով է լինելու սահմանագիծը ու կիսատ են դա թողել»,- ասել է մեր զրուցակիցը՝ նշելով, որ տեղյակ չէ, թե որտեղ են հայտարարել, որ սահմանազատումը կասեցված է։
«Փնտրում եմ չեմ ու գտնում, լսել եմ, բայց մեզ ինֆորմացիան կցկտուր են ասում, պաշտոնական հայտարարություն մենք չունենք, փողոցից կցկտուր լսած խոսակցություններ են։ Երկրորդ, եթե ավարտին չեն հասցրել ինչպե՞ս կարող ենք ասել գոհ ենք, թե դժգոհ» ,- նկատեց Անդրանիկ Նազարյանը։
«Փաստինֆո»-ի հարցին, թե Կիրանցի համայնքապետ Կամո Շահինյանն գոհունակություն է հայտնելք մինչ այս պահը տեղադրված սահմանային նշանների մասով՝ բնակիչն ասաց. «հնարավոր է ավելի մոտ գնացած լինի, պաշտանյա է, իրեն երևի թույլ են տվել, բայց ես մի բան ասեմ՝ համացանցով տարածված քարտեզը կամ կառավարությունից մեր գյուղապետարան ուղարկված գունավոր գծած քարտեզը, հատվածներ կար վրա, որ մի քիչ տարբերվում էր։ Բայց կա մի հատված, որտեղ ականապատված է, այդ հատվածին մոտենալ չենք կարող, որ տեսնեք։Հեռվից էլ պարզ չի երևում։Նախնական հենասյուներին էլ թույլ չեն տալիս, որ մոտենանք»,- ասաց մեր զրուցակիցը՝ ավելացնելով, որ քննակումները համենայն դեպս դեն վերաբերել այն հատվածներին, որտեղ սյուններ են դրվել։
«Եթե հիշում եք՝ Փաշինյանը մեջբերում էլ էր արել, որ մի շարք կետերի հարցով կիրանցեցիները դեմ չեն։ Իհարկե, մենք այն հատվածները, որոնք գյուղի անվտանգության չէր առնչվել, դեմ չենք եղել, մի փոքր այս կողմ, մի փոքր այն կողմ կարևոր չէր։ Ամբողջ հարցը, որ գյուղի անվտանգության հարցն է, եւ որ մեր հողերը չանցնեն թշնամի եք կոչում, հակառակորդ եք կոչում, ինչ ուզում եք կոչեք, ՀՀ տարածքից նրանց չանցնի։Ես խոստացել եմ, որ եթե ավարտվի դրական լինի, թե բացասական՝ կասեմ»,- արձանագրեց Կիրանց գյուղի բնակիչ Անդրանիկ Նազարյանը։
Աղբյուր` Փաստինֆո