«Էնա խրամատս փորած՝ ես ստիան տեղ քինացողը չեմ». Մովսես գյուղի բնակիչ
Մովսես գյուղում անհանգիստ են՝ իրականացվող սահմանազատման աշխատանքների կապակցությամբ։
«Երեկ տեսա, թե Կիրանցի բնակիչներին ինձ ձևով ճանապարհեց։ Լոխ տալով քինում ա, հիմա գալու է մեր գեղերին հասնի, ի՞նչ տարբերություն Կիրանցը, թե՞ Մովսեսը։Բոլորը սահմանամերձ գյուղեր են»,-ծայրահեղ մտահոգ «Փաստինֆո»-ին ասաց Մովսես գյուղի բնակիչ Վարուժ Ավալյանը։
Նույն մտահոգ ձայնով մեր զանգին արձագանքեց Քնար տատը, որի տունը հենց սահմանին է։ «Ի՞նչ անենք, ասա՛, մեր ձեռովն ինչ ա գալիս, մի զատ էլա։ Էնա խրամատս փորած, ստիան տեղ քինացողը չեմ։Մեր մասին մնածող չկա, քե մատաղ, էս թուրքի սահմանին մենակ են թողել ,մենակ զինվորն ա կանգնած, ոնց տենք անիլ, գիդում չեմ։Սահմանումը պահակ եմ»,- ասաց տատն ու ավերացրել՝ «Առաջին գիծը մերոնք են, երկրորդը ես եմ, էլի։ Ելնում եմ բախչումը գործ եմ , անում, մեկ էլ գալիս հանգստանում, լուրեր նայում, ներվայնանում»։
Քնար տատի փոխանցմամբ՝ վերջին կրակոցների ժամանակ ադրբեջանցիները թիրախավորել են գերեզմանները։ «Էն վերջին կրակոցնին էլ, որ էլան, տանը վնաս չէր եղել, գերեզմանի քարերին էին խփել, զոհվածների գերեզմաններին»,- ադրբեջանցիների ձեռագիրը նկարագրեց Քնար տատը։