Ղազախական բանկերը ևս մեկը մյուսի հետևից հրաժարվում են սպասարկել ռուսական «Միր» քարտերը
![Ղազախական բանկերը ևս մեկը մյուսի հետևից հրաժարվում են սպասարկել ռուսական «Միր» քարտերը](/timthumb.php?src=/disc/03-04-24/032e48464abcfa253b9090d0ccb738e3.jpg&w=708)
Ղազախստանում խոշորագույններից մեկը՝ ԿենտրոնԿրեդիտ բանկը, փետրվարի 26-ից դադարեցրել է աշխատել ռուսական «Միր» վճարային համակարգի քարտերով։ Այս մասին ТАСС-ի թղթակցին հայտնել են ֆինանսական կազմակերպության զանգերի կենտրոնում։
«Ռուսական Միր քարտերի հետ աշխատանքը դադարեցվել է այս տարվա փետրվարի 26-ից»,- ասել է գործակալության զրուցակիցը։ Բանկը չի նշել սահմանափակումների պատճառները։
Երեկ Ղազախստանի խոշորագույն բանկը՝ Halyk Bank-ը ТАСС-ին հայտնել է, որ ֆինանսական հաստատությունը փետրվարի 27-ից չի սպասարկում «Միր» վճարային համակարգի քարտերը ոչ բանկոմատներում, ոչ էլ POS տերմինալների միջոցով։
Նման որոշում են կայացրել նաև ղազախական Bereke Bank-ը, Elkart ազգային վճարային համակարգի օպերատորը։
Հիշեցնենք, որ հայաստանյան բանկերը, բացառությամբ VTB բանկի, մարտի 30-ի դադարել են սպասարկել ռուսական «Միր» քարտերը։
ՌԴ նախագահի մամուլի քարտուղար Դմիտրի Պեսկովը, մեկնաբանելով իրավիճակը՝ կապված հայաստանայն բանկերի հետ, ասել էր, որ Ռուսաստանը և Հայաստանը շարունակում են աշխատել «Միր» քարտերի շուրջ իրավիճակը շտկելու ուղղությամբ։
Աղբյուր` Փաստինֆո