«Свято место пусто не бывает». ՀԱՊԿ միացյալ շտաբի պետը՝զենքի վաճառքի մասին

«Կարծում եմ՝ եթե ՀԱՊԿ անդամ ինչ-որ պետություններ համագործակցում են ՀՀ հակառակորդների հետ, ապա այդ պետություններում կան ինստիտուտներ ու ղեկավարներ, ովքեր խորապես ու լրջորեն գնահատում են իրավիճակը Կռահում եմ՝ ինչի մասին եք Դուք ասում, բայց ես այնպես եմ հասկանում, որ գլխավոր խնդիրն է պահպանել որոշակի հավասարակշռություն, իսկ հնարավոր է հետագայում նաև կարգավորել այն հակամարտությունը, որը կա: Այնպես որ, կհրաժարվեի պատասխանել այդ հարցին: Արդեն ասել եմ, որ տարատեսակ կառույցների տարատեսակ գործողությունների շնորհիվ, ամեն դեպքում, կլինի խաղաղություն: Այլ տարբերակ հնարավոր չէ: Չնայած, որ ես ուսադիրներով եմ՝ լիովին վստահ եմ, որ այս հակամարտությունների կարգավորումը հնարավոր է միայն խաղաղ ճանապարհով, այլ կերպ հնարավոր չէ», - լրագրողներից մեկի հարցին,թե ինչպե՞ս է գնահատում ՀԱՊԿ անդամ որոշ պետությունների համագործակցությունը Հայաստանի հակառակորդի հետ ,նման պատասխան տվեց ՀԱՊԿ միացյալ շտաբի պետ, գեներալ-գնդապետ Անատոլի Սիդորովը: «Իսկ այն, որ զենք է մատակարարվում, դե հասկանում եք՝ կա ռուսական ասացվածք՝ «Свято место пусто не бывает», այնպես որ, եթե տրամադրված են զենք ունենալ, նրանք կունենան: Ինչ-որ տեղ միգուցե որոշակի դրական բան էլ կա դրանում », -  ՀՀ հակառակորդին զենք մատակարարելուն անդրադառնալով ասաց գեներալ-գնդապետը :