Ջեյհուն Բայրամովը Թոմաս Բագերի հետ քննարկել է Հայաստանի հետ խաղաղության գործընթացի հեռանկարները
![Ջեյհուն Բայրամովը Թոմաս Բագերի հետ քննարկել է Հայաստանի հետ խաղաղության գործընթացի հեռանկարները](/timthumb.php?src=/disc/29-02-24/e28cc0a1ee58b1ce131e478dfc881792.jpg&w=708)
Այսօր Բեռլինում Ադրբեջանի արտգործնախարար Ջեյհուն Բայրամովը հանդիպել է այդ երկրի ԱԳՆ պետքարտուղար Թոմաս Բագերին։
Հանդիպման ընթացքում մտքերի փոխանակություն է տեղի ունեցել երկրների միջև երկկողմ համագործակցության հարցերի, ինչպես նաև Բեռլինում Հայաստանի և Ադրբեջանի արտգործնախարարների միջև կայացած բանակցությունների շուրջ։
Ըստ Ադրբեջանի ԱԳՆ հաղորդագրության՝ գերմանական կողմին զեկուցվել են Հայաստանի և Ադրբեջանի միջև խաղաղության գործընթացի հեռանկարները, անցկացված բանակցությունները, նաև ներկայացվել Ադրբեջանի տեսակետները խաղաղության համաձայնագրի նախագծի վերաբերյալ։ Բայրամովը շնորհակալություն է հայտնել գերմանական կողմին՝ գործընթացն առաջ մղելու նպատակով հանդիպումներ կազմակերպելուն աջակցելու համար։