2021 թ-ին պետք էր, որ ռուսները Սյունիքում տեղակայվեին. Արմեն Խաչատրյան (video)
Արցախում տեղակայվելուց հետո որոշակի ռուսական կոնտինգենտ շարժեր են ունեցել Սյունիքի մարզում, որպեսզի անվտանգային հարցեր լուծեն։ Այս մասին ԱԺ-ում լրագրողների հետ զրույցում ասաց ԱԺ ՔՊ խմբակցության պատգամավոր Արմեն Խաչատրյանն՝ անդրադառնալով հարցին, թե ինչպե՞ս է ստացվել, որ Ներքին Հանդում առանց մանդատի և պայմանագրի ռուս սահմանապահներ են կանգնած:
«Նրանք Ռուսաստանի սահմանապահ զորքերի ներկայացուցիչներ են: 2021-ին իրավիճակով պայմանավորված իրենք տեղակայվել են այդտեղ զուտ անվտանգային խնդիրներ լուծելու համար: Դա այն ժամանակ պետք է եղել: Նաև Գորիսում է տեղակայում եղել, որը պետք է ապահովեր Արցախի խաղաղապահ զորքի անվտանգությունը»,- նշեց նա։