Վաղը մագնիսական փոթորիկ է սպասվում
![Վաղը մագնիսական փոթորիկ է սպասվում](/timthumb.php?src=/disc/12-02-24/3221edcc4dc9bf46f746d545a9c86506.jpg&w=708)
Փետրվարի 13-ին Երկրի վրա մագնիսական փոթորիկ է սպասվում։ Այս մասին այսօր հաղորդվել է Արեգակնային աստղագիտության լաբորատորիայի կայքում։
Ըստ աղբյուրի՝ փետրվարի 13-ի գիշերվանից Երկրի մագնիտոսֆերան կգրգռվի, տեղի կունենա G1 դասի մագնիսական փոթորիկ։
«Այս պահին ընթացիկ դիտարկումների հիման վրա մագնիսական փոթորիկների գագաթնակետը սպասվում է փետրվարի 13-ի կեսօրից և կլինի G1-G2 դասի, այսինքն՝ հինգ բալանոց սանդղակով երկրորդ մակարդակը։ Նման մակարդակը համարվում է չափավոր՝ չառաջացնելով լուրջ հետևանքներ»,- մեջբերում է Մոսկվայի քաղաքային լրատվական գործակալությունը։
Լաբորատորիայում նշել են, որ հաջորդ մագնիսական փոթորիկը սպասվում է մարտի 10-ին։