ԿԲ կառավարման խորհրդի անդամները, ԿԲ նախագահի տեղակալը ՔՊ շտաբում էին․ Հակոբ Բադալյան
![ԿԲ կառավարման խորհրդի անդամները, ԿԲ նախագահի տեղակալը ՔՊ շտաբում էին․ Հակոբ Բադալյան](/timthumb.php?src=/disc/18-09-23/3769ba032d292e7f70a3648676fcdc6f.jpg&w=708)
ԿԲ կառավարման խորհրդի անդամները, ԿԲ նախագահի տեղակալը ՔՊ շտաբում էին, երևի գնացել էին տեղեկացնելու, որ իրենք չեն զբաղվում քաղաքականությամբ, որևէ կուսակցության անդամ չեն։ Ֆեյսբուքյան էջում գրել է քաղաքական մեկնաբան Հակոբ Բադալյանը․
«Տեսանյութ է ՔՊ նախընտրական շտաբից, որում երեւում է, որ շտաբում են Կենտրոնական Բանկի խորհրդի անդամներ, նախագահի տեղակալ:
Բացում ենք Հայաստանի հանրապետության Կենտրոնական բանկի պաշտոնական կայքը եւ կարդում, որ «Կենտրոնական բանկի նախագահը, տեղակալները և խորհրդի այլ անդամներն իրենց լիազորությունների իրականացման ժամանակահատվածում չեն կարող... լինել որևէ կուսակցության անդամ կամ որևէ այլ կերպ զբաղվել քաղաքական գործունեությամբ ... : Հրապարակային ելույթներում նրանք պետք է ցուցաբերեն քաղաքական զսպվածություն...
Կարդում ենք, որ «Կենտրոնական բանկերի կառավարման համակարգի չափանիշներից է ԿԲ-ների անկախության աստիճանը, որն առավելապես վերաբերում է դրամավարկային քաղաքականության իրականացման գործընթացի անկախությանը»:
Ըստ երեւույթին, ԿԲ կառավարման խորհրդի անդամները, ԿԲ նախագահի տեղակալը ՔՊ շտաբ են գնացել տեղեկացնելու, որ իրենք չեն զբաղվում քաղաքականությամբ, որեւէ կուսակցության անդամ չեն եւ ցուցաբերում են քաղաքական զսպվածություն»: