Նիկոլ Փաշինյանի աշխատակազմին անհայտ նպատակով մոտ 400.000 եվրոյին համարժեք դրամ է հատկացվել

Արդեն որերորդ անգամն է, ինչ վարչապետի աշխատակազմը կառավարության պահուստային ֆոնդից խոշոր չափի գումարներ վերցնելու հայտ է ներկայացնում, որն էլ մշտապես հաստատվում է կառավարության նիստի ընթացքում։

ՀՀ քաղաքացիներին թափանցիկ աշխատաոճ խոստացած իշխանությունները շատ արագ սովորեցին հասարակությունից իրենց համար ոչ ցանկալի ֆինանսական աճպարարությունները թաքցնելու ձևը։ Անգամ հնարավոր է նրանց օրինակի հիման վրա պարզ ուղեցույց կազմել.

Քայլ 1: Նախագիծը ներառել կառավարության նիստի չզեկուցվող հարցերի շարքում։

Քայլ 2: Նախագիծը ներկայացնել լղոզված, մակերեսային ձևակերպումներով։

Քայլ 3: Պարտադիր ներառել հույժ գաղտնի կետեր, և դրանով պատճառաբանել հարցի չզեկուցվող լինելու փաստը։

Քայլ 4: Նախագծին կից այլ փաստաթղթեր չհրապարակել կառավարության պաշտոնական e-gov.am կայքում կամ հրապարակելու դեպքում կցել այնպիսիք, որոնք «ոչինչ չասող» տեղեկատվություն են պարունակում։

Որպես կանոն՝ նմանատիպ որոշումներով վարչապետի աշխատակազմին հատկացվում են տասնյակ-հազարավոր դոլարների համարժեք գումարներ, որոնց ծախսման, կամ, այս պարագայում ավելի ճիշտ կլինի կիրառել «վատնման» բառը, նպատակային նշանակությունը մնում է անհայտ։ Մե’կ վարչապետի աշխատանքային պայմաններն են բարելավում, մե’կ ինչ-որ խորհրդատվական ծառայություններ վերցնում։ Ի դեպ, խորհրդատվական ծառայությունների անվան ներքո գումարների տրամադրումն էլ կարելի է ներառել վերևում ներկայացված ուղեցույցի մեջ՝ գաղտնի է պահվում, թե որ անհատը կամ կազմակերպությունն է խորհրդատվություն տալիս, ինչ հարցերի շուրջ, ծառայությունները մատուցելու չափման համակարգը՝ հետևաբար՝ ապացույցներ ներկայացնելու, որ տվյալ խորհրդատվությունը տրվել է, նույնպես չկա. մի խոսքով, իդեալական տարբերակ բյուջեից գումար շորթելու համար։

Եվ այսպես, ժանրի բոլոր կանոնների համաձայն՝ վերջին կառավարության նիստի ժամանակ հերթական անգամ վարչապետի աշխատակազմի ղեկավար Արայիկ Հարությունյանի կողմից ներկայացվել է կառավարության պահուստային ֆոնդից վարչապետի աշխատակազմին գումար հատկացնելու հարց։ Հարցն օրակարգում ներառված էր չզեկուցվողների շարքում, որոշման 2-րդ կետը՝ հույժ գաղտնի։ Խոսքը 390.5 հազար եվրոյին համարժեք դրամի մասին է, որից 225.5 հազար եվրոյին համարժեք դրամը՝ առաջին ինն ամիսների բյուջեով։ Գումարը հատկացվում է «Խորհրդատվական և վերլուծական ծառայություններ» միջոցառման համար, սակայն այլ մանրամասներ՝ այդ թվում, թե գումարը կոնկրետ ինչ նպատակով է հատկացվում, որոշման փաթեթի հրապարակվող մասում բացահայտված չէ։

Կառավարությունը, բնականաբար, այս որոշումն ընդունեց։ Ընդ որում, ընդունեց՝ անտեսելով հարցին կցված ամփոփաթերթում տեղ գտած ՀՀ ֆինանսների նախարարության գրավոր կարծիքը, որում ասվում է. «…հաշվի առնելով ՀՀ 2023թ. պետական բյուջեի մինչև տարեվերջ կանխատեսվող եկամուտների չափը և հավելյալ ծախսերի իրականացման կարիքները, այդ թվում՝ պաշտպանության, կենսաթոշակների և այլ ուղղությունների գծով նախատեսվող ծախսերը, ինչպես նաև նկատի ունենալով ՀՀ կառավարության պահուստային ֆոնդի ծանրաբեռնվածությունը՝ վերջինիս դիտարկումը որպես նշված նախագծի ֆինանսավորման աղբյուր խնդրահարույց է»։ Կառավարությունը վեր հանված այս հիմնավոր առարկությունը, որ նման չափով գումարի հատկացումը պահուստային ֆոնդից կարող է լրջագույն խնդիրներ առաջացնել պաշտպանության և կենսաթոշակների ուղղությունների գծով նախատեսվող ծախսերն իրականացնելու համար, պարզապես ընդունել է «ի գիտություն», ինչպես կարելի է տեսնել հարցին կից ամփոփաթերթում։

Սա է Փաշինյանի ու իր թիմի վերաբերմունքը Հայաստանի Հանրապետության, ՀՀ քաղաքացիների կենսամակարդակի ու երկրի անվտանգային խնդիրներին։ Մի որոշմամբ ավելի քան 400 հազար եվրո գումար հանել պահուստային ֆոնդից, որը, անհայտ է, թե ինչ հարցի շուրջ խորհրդատվությունների վրա է ծախսվելու, թե դա ինչ վերլուծություններ են, կամ արդյո՞ք ծախսվելու է, թե՞ պարզապես գրպանվելու է, մինչդեռ տարեվերջին կարող է պետությունը բավականաչափ գումար չունենալ թոշակառուներին թոշակները փոխանցելու կամ երկրի անվտանգության համար կարևոր ծրագիր իրականացնելու համար։

Աղբյուրը՝ 168.am

դիտվել է 497 անգամ
Լրահոս
Հեռացնենք Նիկոլին, որ Հայաստանը մնա․ Վահագն Չախալյանը ազատվեց տնային կալանքից Իշխան Սաղաթելյանը Բելգիայում բարձրացրել է արցախահայության վերադարձի իրավունքի հարցը Ադրբեջանական զինված ծառայողները որոշ հատվածներում Հայաստանի տարածքում են․ ՀՀ նախկին ՄԻՊ-ի ահազանգը Հայաստանը ոչ մի խոսք չունի ասելու միջազգային ասպարեզում, ամեն ինչ ասում են մեզ. Բագրատ սրբազան Իրանում հայտարարել են միջուկային գործարքը վերսկսելու պատրաստակամության մասին Մարտի 1-ը և հունիսի 12-ը ունեն մեկ ընդհանրություն. երկու դեպքում էլ մեղավորը Փաշինյանն է. Մամիջանյան Իսրայելը Գազայի հումանիտար գոտու մի մասից մարդկանց տարհանման հրահանգ է տվել 2024թ. 1-ին կիսամյակում ՀՀ ներքին պետական պարտքն առաջին անգամ գերազանցել է արտաքին պարտքը Նեթանյահուն մեկնել է Վաշինգտոն Հանրապետության 47 հասցեում գտնվող շենքի վարձակալության համար հայտարարվել է մրցույթ Երևանում տղամարդը կանգնեցրել է Արամ Խաչատրյան փողոցով երթևեկող մեքենան ու 4 կրակոց արձակել 35-ամյա վարորդի ուղղությամբ. ՔԿ Լիտվան աջակցություն է հայտնել Հայաստանի հետ ԵՄ կապերի ամրապնդմանը ՀՀ-ին ռազմական օգնություն ուղարկելու ԵՄ որոշումը վտանգավոր քայլ է, ծառայում է ՀՀ-ի հետ հարաբերություններում լարվածության սրմանը․ Ադրբեջանի ԱԳՆ «Իրանը Եվրոպայից սպասում է կամքի և կենսունակության ցուցիչ, որտեղից այն ստանա, հենց դա էլ «կհամարի» Եվրոպա»․ Հակոբ Բադալյան Ուկրաինայում շուրջ 3800 բանտարկյալ է ազատ արձակվել բանակում ծառայելու համար. Guardian Էլ քանի՞ նման դեպք պետք է լինի, որ արգելեն 30-ից 60-ամյա այս մեքենայի շահագործումը. Դավիթ Խաժակյան Վրաստանում հետերկրաշարժյան ցնցումներ են գրանցվել Քաղաքաշինության կոմիտեն պետական մասնակցությամբ ՍՊԸ-ից 30 միլիոն 780.000 դրամով հրատապ գնում է արել․ 168․am Մնում է մի քթկալ կապի ու ասի՝ չխոսկան եմ․․․ Դատարանն Ուսպենսկայային պարտավորեցրել է Կիրկորովին շուրջ 280․000 ռուբլի վճարել Խոշոր ավտովթար՝ Երևանում․ 3 հոգի տեղափոխվել է հիվանդանոց Գոնե ինքնակենսագրությունդ գրի, հասկանանք՝ ով ես, ինչացու ես․․․ Վթար՝ Նոր Գեղի-Արգել ավտոճանապարհին․ տուժածներ կան Օդի ջերմաստիճանը կբարձրանա Կիրանցի 7 բնակիչ հրաժարվել է դրամական փոխհատուցումից․ լրագրող
Ամենաընթերցվածները
Շուտով
Հուլիսի 23-ին՝ ժամը 16։30-ին, Հայելի ակումբի հյուրն է քաղաքագետ Ստեփան Հասան-Ջալալյանը Հուլիսի 23-ին՝ ժամը 15։00-ին, Հայելի ակումբի հյուրն է Կարապետ Մինասյանը Հուլիսի 23-ին՝ ժամը 14։00-ին, Հայելի ակումբի հյուրն է Բենիամին Մաթևոսյանը Հուլիսի 23-ին՝ ժամը 13։00-ին, Հայելի ակումբի հյուրն է Վոլոդյա Հովհաննիսյանը Հուլիսի 23-ին՝ ժամը 11։00-ին, Հայելի ակումբի հյուրն է Ռուզան Ադանալյանը Հուլիսի 22-ին՝ ժամը 16։00-ին, Հայելի ակումբի հյուրն է Հայկ Այվազյանը Հուլիսի 22-ին՝ ժամը 14։00-ին, Հայելի ակումբի հյուրն է Արամ Սարգսյանը Հուլիսի 22-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը Հուլիսի 22-ին՝ ժամը 12։00-ին, Հայելի ակումբի հյուրն է Մետաքսե Հակոբյանը Հուլիսի 22-ին՝ ժամը 11։00-ին, Հայելի ակումբի հյուրն է Էդգար Ղազարյանը
Հետևեք մեզ Viber-ում https://cutt.ly/5wn8sJBS
Hayeli.am