Սեղանին դրված է մի շատ վտանգավոր օրենսդրական նախաձեռնություն, որ չարամիտ նպատակներ ունի. Մելիքյան

Կհիշեք, որ մինչև պատերազմը ես շատ ակտիվ էի քպ-ականների նախաձեռնած օրինագծերի նկատմամբ հանրային վերահսկողության հարցում՝ իր ֆեյբուքյան էջում գրել է փաստաբան Ռուբեն Մելիքյանը:

«Հաճախ հրապարակավ քննադատում էի այս կամ այն նախաձեռնությունը, երբեմն դա արդյունք էր տալիս։

Պատերազմից հետո իմ հանրային գործունեության այդ բաղադրիչը հասցրել էի նվազագույնի, քանի որ վստահ էի և շարունակում եմ վստահ լինել, որ ընդդիմադիր միակ օրակարգը պետք է լինի ադրբեջանաթուրքական հեղափոխության հետևանքով իշխանությունը զավթած խմբակի հեռացումը։

Այնուհանդերձ, այժմ սեղանին դրված է մի շատ վտանգավոր օրենսդրական նախաձեռնություն, որի հեռահար չարամիտ նպատակները հանրային դաշտում չեն բացահայտվում ու համապատասխանաբար վտանգները չեն ընկալվում։ Այդ բացը լրացնելու նպատակով վաղը լայվի ձևաչափով կանդրադառնամ «գործուն զղջալու» օրինագծին։ 20:00-21:00-ի սահմաններում։