Որ ապրանքատեսակներն են էժանացել, իսկ որոնք թանկացել

Հայաստանում 2023թ. հունվար-մայիսին Հայաստանի Հանրապետության սպառողական շուկայում 12-ամսյա գնաճը կազմել է 1.3%, իսկ նախորդ ամսվա նկատմամբ գրանցվել է 1.8% գնանկում:

2023թ. հունվար-մայիսին սպառողական գների միջին ամսական նվազումը կազմել է 0.2% (նախորդ տարվա նույն ժամանակահատվածում արձանագրվել է 1.2% հավելաճ): Հանրապետության դիտարկվող բոլոր քաղաքներում 2023թ. մայիսին ապրիլի համեմատ սպառողական գները նվազել են 2.2-1.4%-ով: Մայրաքաղաքում սպառողական գները նվազել են 1.7%-ով: Ենթաինդեքսների տոկոսային փոփոխությունների ազդեցությունը սպառողական գների ինդեքսի ընդհանուր ցուցանիշի վրա 2023թ. մայիսին (նախորդ տարվա համապատասխան ամսվա նկատմամբ)

Գնիջեցում նկատվում է ձավարեղենի, կարագի, թռչանմիսի ապրանքատեսակներում։ Փոխարենը 2022թ. մայիսի համեմատ հանրապետությունում արձանագրվել է հացի՝ 0.2%, թարմ կաթի՝ 5.4%, պանրի՝ 7.8% գնաճ, իսկ ձվի գինը 2023թ. մայիսին 2022թ. մայիսի համեմատ աճել է 18.9%-ով։ Գնաճ է արձանագրվել նաեւ ծխախոտային արտադրատեսակներում՝ 8.6%-ով։
Միրգը եւս 2023թ. մայիսին 2022թ. նույն ժամանակահատվածի համեմահ աճել են 2.4%-ով։

Հանրապետության դիտարկվող բոլոր քաղաքներում 2023թ. մայիսին ապրիլի համեմատ գրանցվել է ոչ պարենային ապրանքների 1.3-0.1% գնանկում, այդ թվում, գնանկման համեմատաբար բարձր ցուցանիշն արձանագրվել է մայրաքաղաքում: 2023թ. մայիսին 2022թ. մայիսի համեմատ հանրապետությունում գրանցվել է բենզինի և դիզելային վառելիքի՝ 28.9% և 21.3%, իսկ 2022թ. դեկտեմբերի համեմատ՝ 16.2% և 9.6% գնանկում։