Ինչո՞վ է Աշոտը հերոս... ես չէի պատկերացնի, որ նա նման բան կասի դատարանում․ զոհվածի մայր (video)
Աշոտն ինչո՞վ է հերոս, որ իրեն փրկելու համար հազարավոր երեխեքի գլուխ կերա՞ն․ զոհվածի մայր Զարմացած եմ, որ չեն թողնում մասնակցել դատական նիստին, ոչ մի բան չեմ հասկանում։ Այդ մասին այսօր դատարանի բակում լրագրողների հետ զրույցում ասաց զոհված զինծառայող Հայկազ Մկրտչյանի մայրը՝ Աննա Մկրտչյանը։
Նա հիշեցրեց, որ իր ամուսինը Կառավարական առանձնատների մոտ ոստիկանների կողմից բռնության էր ենթարկվել, բայց որևէ մեկը պատիժ չստացավ ու գործը քնեցվեց։
Հարցին, թե ինչպե՞ս է ինքը վերաբերում Աշոտ Փաշինյանի վարքին, եթե հաշվի առնենք, որ նա տիկին Գայանեի տնային կալանքը մեղմ որակեց և դատարանը դրանից հետո կալանքը փոխեց մեկ ամիս 15 օրով, ծնողը պատասխանեց.
«Ես չէի պատկերացնում, որ հնարավոր է այսպիսի բան․ տուժող Աշոտ Փաշինյանը ուղղություն էր ցույց տալիս դատավորին։ Բայց քանի որ մենք ապրում ենք ոչ ադեկվատ միջավայրում, փաստորեն, ամեն բան հնարավոր է։ Մենք չունենք ո՛չ արդարադատություն, ո՛չ արդարություն։ Անօրինականության վրա զարմանալն արդեն անիմաստ է։ Ես շոկի մեջ էի»,- նշեց նա։
Դիտարկմանը, որ Նիկոլ Փաշինյանն Աննա Հակոբյանին էլ է հերոսածին մայր համարում, Աննա Մկրտչյանն անձագանքեց՝ Աշոտն ինչո՞վ է հերոս, որ իրեն փրկելու համար հազարավոր երեխեքի գլուխ կերա՞ն։
«Ինչի՞ իրեն մեքենայից դուրս գցեց, դա է՞լ է հերոսություն»,- նշեց նա։
Մանրամասները՝ տեսանյութում։