Նման բառադի երկրում գոյություն ունի պաշտպանության նախարա՞ր․ Ավետիք Իշխանյան
Արդեն որերորդ անգամ ադրբեջանցիները անարգել խախտում են Հայաստանի «ինքնիշխան» տարածքը։ Այս անգամ նրանք գերևարել են երկու զինվորականների։ Այս մասին ֆեյսբուքյան իր էջում գրել է իրավապաշտպան Ավետիք Իշխանյանը։
«Մինչ այս դեպքը, կրակոցներ, զոհեր, վիրավորներ։ Մոտ մեկ ամիս առաջ երկու ադրբեջանցի զինվորներ ազատ շրջում էին Սյունիքում, մարդ սպանում։ Դրանից առաջ 15 հայ զինվորականներ ողջակիզվեցին Վարդենիսում։
Անցյալ տարվա սեպտեմբերին, 200-ից ավելի զոհեր և տարածքային կորուստներ։ Եվ նման ․․․բառադի երկրում գոյություն ունի պաշտպանության նախարա՞ր և նա այսքանից հետո, հրաժարական չի՞ տալիս։ Այո՛ կա, նա, ինչպես բոլոր քպ-ականները հարիֆ չի և մտածում է ոչ թե Հայաստանի սահմանների անառիկության, թշնամուն հակահարված տալու, թշնամու կողմից Հայաստանի տարածքները ազատագրելու, այլ միայն ու միայն իր ընտանիքի մասին՝ շքեղ բնակարան, վայելքներ, և իր տիրոջ հրամանով, «հերոսաբար» հրաժարվում է մեկնել Մինսկ, ՀԱՊԿ-ի հավաքին»,- գրել է նա։
Հետևեք մեզ Viber-ում
