Մոտ 4,5 ամիս դասախոսներին ձայնագրել ու տեսագրել են

«Հրապարակ» թերթը գրում է. «Երեկ երեկոյան, ուշ ժամի դատարանը բավարարեց Հակակոռուպցիոն կոմիտեի քննիչների միջնորդությունները, եւ ԵՊՀ տնտեսագիտության եւ կառավարման ֆակուլտետի դեկան, տնտեսագետ Հայկ Սարգսյանը կալանավորվեց։ Կալանավորվեցին նաեւ ֆակուլտետի ամբիոնի դոցենտ Գագիկ Տոնոյանը, ուսանողներից մեկը, ով կասկածվում է կաշառք տալու համար։

Հիշեցնենք․ ԵՊՀ դասախոսները ձերբակալվել էին չորեքշաբթի՝ մայիսի 24-ի առավոտյան ԱԱԾ-ում նախաձեռնված վարույթի շրջանակներում։

Իրավապահները փաստական տվյալներ ունեն, որ Հայկ Սարգսյանն ու մյուս դասախոսներն ուսանողներից կաշառք են վերցրել։ Նշվում է կոնկրետ չափ՝ 4 հազար դոլար։

Մեր տեղեկություններով, մեղադրյալները վեցն են։ Նրանց թվում են Հայկ Սարգսյանի տեղակալը, դասախոսներ Գագիկ Տոնոյանն ու Արմեն Ներսիսյանը, Հայկ Սարգսյանի կինը, նաեւ՝ կաշառք տվող ուսանողներ։ Իսկ կալանավորված անձինք հինգն են։

Քննությանը մոտ աղբյուրից պարզեցինք սկանդալային միջադեպի մանրամասները։Հանցագործության մասին իրավապահներին հայտնի է դարձել ոչ թե կաշառատուների բերած բողոքից, ինչը սովորաբար լինում է նման բացահայտումների ժամանակ, այլ ԱԱԾ օպերլիազորից։ Վերջինս զեկուցագիր է գրել, որ ունի օպերատիվ տվյալներ առ այն, որ ԵՊՀ տնտեսագիտության եւ կառավարման ֆակուլտետի դեկան, տնտեսագետ Հայկ Սարգսյանը, շահադիտական նկատառումներից ելնելով, օժանդակել է որոշ դասախոսների եւ աշխատակիցների՝ ուսանողներից իրենց իրական գնահատականներից բարձր գնահատականներ ստանալու հարցում։

Ըստ օպերլիազորի, նա ցուցակագրել է ֆինանսական կարողություններ ունեցող ուսանողներին եւ քննությունների ու ստուգայցերի համար նրանցից պահանջել է 100-1500 դոլար կաշառք։ Զեկուցագիրը գրվել է այս տարվա փետրվարի 7-ին։ Օպերլիազորի զեկուցագրի հիման վրա էլ Հայկ Սարգսյանին սկսել են հետեւել։ Տեսախցիկներ են տեղադրվել ֆակուլտետում եւ մոտ 4,5 ամիս դասախոսներին ձայնագրել ու տեսագրել են։ Նյութերն էլ դրվել են մեղադրանքի հիմքում` որպես ապացույց։

Տեսանյութերից մեկում երեւում է, թե ինչպես են Հայկ Սարգսյանի աշխատասենյակ բերում կոնյակի տուփ, որի մեջ դրված է կոնյակ, եւ գումար՝ 4 հազար դոլար։ Կան կադրեր, որտեղ Հայկ Սարգսյանն ու նրա կինը հաշվում են դոլարները։ Նաեւ կան ձայնագրություններ, որտեղ դասախոսներից մեկն ասում է, որ չորս հոգի են, ամեն մեկը 120 հազար դրամ ա տալիս, մյուսն էլ ասում է. երեքը՝ ինձ, մեկը` քեզ։

Դասախոսներից մեկը փողը վերցրել է, մյուսն ասել է, որ համապատասխան գնահատական դնի։

Ինչո՞ւ են հենց Հայկ Սարգսյանին եւ նրա մտերիմներին հետեւել ԱԱԾ-ականները, արդյո՞ք այստեղ առկա է քաղաքական ենթատեքստ․ ահա այն հարցը, որ այս օրերին տալիս են այս պատմության մասին լսողները։ Չէ՞ որ Հայկ Սարգսյանը լավ հարաբերություններ ուներ նախկինների հետ, Սերժ Սարգսյանի եւ Ռոբերտ Քոչարյանի որդիները նրա մոտ են պաշտպանել։ Քննությանը մոտ աղբյուրն ասում է, որ չի կարծում, թե դա համապատասխանում է իրականությանը․ «Մաքուր աշխատած կաշառքի գործ ա»։

Հայկ Սարգսյանը 75 տարեկան է, նա բավականին լավ համարում ունի` որպես տնտեսագետ եւ դեկան։ Ուսանողները նրան հարգում են։ ՀՀԿ-ի տիրապետության տարիներին նա այն եզակի դեկաններից էր, որոնք կարողացան զերծ պահել ֆակուլտետը քաղաքական շահարկումներից, քծնանքից, ինչը չէիր ասի «Ժող»-ի մասին։ Հայկ Սարգսյանը նիկոլական էլ չէ։ Թեեւ, մեր տեղեկություններով, նրա վրա որոշակի ճնշումներ եղել են, եւ նա խոստացել է, որ չի առաջադրվելու Տնտեսագիտության եւ կառավարման ֆակուլտետի դեկանի հաջորդ ընտրությանը։

Հայկ Սարգսյանին առաջարկվել է, որ այլեւս չմասնակցի, եւ նա համաձայնել է։

Օրեր առաջ էլ Սարգսյանը ԵՊՀ պատվավոր պրոֆեսորի կոչում է ստացել եւ պատրաստվում էր գնալ պատվավոր թոշակի, բայց շաբաթն ուրբաթից շուտ եկավ։

Հայտնի է, որ դասախոսներն առայժմ ցուցմունք չեն տալիս։ Հայկ Սարգսյանի կինը չի կալանավորվի։ Թե ինչ հեռանկար ունի այս գործը, կարելի է ենթադրել։

Կաշառք ստանալու Քրեական օրենսգրքի հոդվածը ենթադրում է նվազագույնը 4 տարվա ազատազրկում, եւ, հավանաբար, հաշվի առնելով տարիքն ու հեղինակությունը, գուցե որոշ ժամանակ անց խափանման միջոցը փոխեն, իսկ պատիժը լինի պայմանական։

Ի դեպ, 90-ականներին, երբ Հայկ Սարգսյանը զբաղեցրել է Էկոնոմիկայի պետական կոմիտեի նախագահի, ապա էկոնոմիկայի նախարարի առաջին տեղակալի պաշտոնները, նա մեկ անգամ էլ է հայտնվել նման քրեական պատմության մեջ` Հայաստան ներկրում-արտահանումների հետ կապված մի մեղադրանքով մոտ 2 տարի կալանավորված է եղել, ապա ազատ արձակվել: Իսկ 2000 թվականին ընտրվել է ԵՊՀ տնտեսագիտության ֆակուլտետի դեկան, որտեղ էլ մինչ օրս աշխատում էր»։

Մանրամասները՝ թերթի այսօրվա համարում

դիտվել է 896 անգամ
Լրահոս
Նիկո՛լ, չերազես ու դեռ կտեսնես․․․ Աննա Մկրտչյան (video) Դու՞ ես Հայաստանի կառավարությունը, որ հիմա էլ սպառնում ես արցախցիներին․ Շարմազանովը՝ Նիկոլին (video) Կա՛մ Պուտինը կոնկրետ խփում է, կա՛մ ՌԴ-ում նոր ահաբեկչություններ կլինեն. Երվանդ Բոզոյան (video) Արա՛, ի՞նչ ես յալվար ընկել, ինչի՞ ես ծախում էդ գյուղերը. Հրանտ Բագրատյանը հունից դուրս եկավ (video) Էս ո՞վ եք դուք․ Չեմբեռլենին գովերգող փոսթ՝ ՀՀ ԱԺ հանձնաժողովի պաշտոնական էջում Ալիևը հունվարին շատ պարզ խոսել է իր նպատակների մասին, Փաշինյանն էլ տեղյակ է՝ միակողմանի զիջումը ոչ միայն չի կանխելու պատերազմը, այլև նաև արագացնելու է այն. Հայրապետյան «Փալասին խորհուրդ կտամ փնտրել ու գտնել մի հայ ճարտարապետ ու հարցնել՝ Ոսկեպարի Սուրբ Աստվածածին եկեղեցու մասին». Ռուբեն Մելիքյան Սիլվա Համբարձումյանը հիմա էլ ՔՊ-ականների դեմ է հաղորդում տալիս Փաշինյանը չի տիրապետում քարտեզներին և համաձայնագրերին. Լուսանկարներ «Միասին» շարժումը կոչ է անում ԱԺ ուժերին Փաշինյանին անվստահություն հայտնելու ԱԺ որոշման նախագիծ ներկայացնել Օդի ջերմաստիճանը հանրապետության ամբողջ տարածքում Toyota-ի խմած վարորդը դարձել է ավտովթարների հեղինակ. 12-ամյա տղան ու նրա մայրը հոսպիտալացվել են Նիկոլը Տավուշում պատերազմ է սկսում․ Արտակարգ և լիազոր դեսպան (video) Հայաստանը շուրջ 30 տոննա մարդասիրական բեռ կուղարկի Գազայի բնակիչներին Թթուջուր-Նավուր ավտոճանապարհը փակ է բոլոր տեսակի տրանսպորտային միջոցների համար Փաշինյանը սպառնաց Սամվել Շահրամանյանին (video) Արտաշատում պարեկները «BMW»-ով բերման ենթարկված 2 քաղաքացիներից մեկի մոտ թմրամիջոցներ են գտել , նրանցից մեկն անչափահաս է Ինչո՞ւ Կառավարությունը 3 տարում չի կարողանում Շուռնուխում 10 տուն կառուցել․ հարց Սյունիքի մարզպետին (video) Այսօր ընտանիքի անդամների քանակով հավկիթ չեն եփում, չեն ներկում ու չեն մատուցում. Նոյեմ Անդրեասյան 2022-ի աշնանից նպաստից զրկված ընտանիքները կշարունակեն ստանալ իրենց նպաստները Ներկա վիճակում անիրատեսական է մտածել ադրբեջանցիների կողմից օկուպացված մեր տարածք վերադառնալու մասին. Շահրամանյան Հայաստան-Եվրամիություն-ԱՄՆ հանդիպումը մտահոգություն է առաջացրել Ռուսաստանում. Զախարովա Տավուշում մարդիկ զրկվելու են անվտանգ տեղաշարժվելու, հողեր մշակելու, եկամուտը վաստակելու հնարավորությունից. Թաթոյան Փաշինյանը պատրաստվում է Հայաստանի «հովանավոր» դարձնել Թուրքիային․ հետևանքը՝ ցեղասպանությունն է (video) Արցախցիների համար 40+10 ծրագրի ժամկետը երկարաձվեց մինչեւ տարեվերջ
Ամենաընթերցվածները
Շուտով
Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը Մարտի 28-ին՝ ժամը 11։00-ին, Հայելի ակումբի հյուրն է Երվանդ Բոզոյանը Մարտի 27-ին՝ ժամը 11:30-ին, Հայելի ակումբի հյուրն Գառնիկ Դավթյանը Մարտի 27-ին՝ ժամը 16:00-ին, Հայելի ակումբի հյուրն է Նարինե Դիլբարյանը Մարտի 27-ին՝ ժամը 14:00-ին, Հայելի ակումբի հյուրն է Սամվել Հակոբյան Մարտի 27-ին՝ ժամը 12:00-ին, Հայելի ակումբի հյուրն է Արմինե Ադիբեկյանը Մարտի 26-ին՝ ժամը 14։00-ին, Հայելի ակումբի հյուրն է Թաթուլ Պետրոսյանը
Հետևեք մեզ Viber-ում https://cutt.ly/5wn8sJBS
Hayeli.am