Ի՞նչ կաներ ընդդիմադիր աշխատող Փաշինյանը կոկայինային սկանդալի դեպքում

Մինչ հարգելի ընթերցողը կգործարկի իր երևակայությունը, մի կարճ տեղեկատվություն՝ պաշտոնական լրահոսից: ՊԵԿ նախագահ Ռուստամ Բադասյանը ֆեյսբուքյան գրառման միջոցով հպարտ-հպարտ գրել է, որ օրերս իր ենթակաները կանխել են, ուշադրությո՛ւն՝ «տարածաշրջանում աննախադեպ քանակի «ֆենտանիլ» տեսակի թմրամիջոցի մաքսանենգության դեպք»: Տարածված տեսանյութից էլ տեղեկանում ենք, որ խոսքն 80 հաբի մասին է, որ հայտնաբերվել է ԱՄՆ-ից ուղարկված քաղցրավենիքի տուփի մեջ: «Ձեռքի հետ» էլ 10,8 գրամ հերոին են հայտնաբերել մեկ այլ քաղաքացու անունով ուղարկված առաքանու մեջ: Էլի ԱՄՆ-ից:

Եվ այսպես. ՊԵԿ նախագահը ասում է, որ «ֆենտանիլի» 80 հաբը աննախադեպ խմբաքանակ է տարածաշրջանի համար: Դե պաշտոնյա մարդ է, որ ասում է, ուրեմն՝ մի բան գիտի: Դա էլ հո Էկվադորից ներկրվող բանանի կոնտեյներներում հայտնաբերված համարյա 3 տոննա կոկայի՞նը չի, որ Ռուստամ Բադասյանը ձևացնի, թե չգիտի՝ ի՞նչ ընկերություն էր ներկրում, ապրանք ստացողն ո՞վ էր ու նման բաներ:

Իսկ այ, կոկայինի խմբաքանակները ոչ միայն 100 տոկոսանոց էին, այլև՝ 100 տոկոսով աննախադեպ են: Եթե կուզեք՝ աննախադեպից էլ աննախադեպ: Միանշանակ ու աներկբա, ինչպես սիրում է ասել Ադրբեջանի շահերն սպասարկող Նիկոլ Փաշինյանը:

Ի դեպ, Փաշինյանի մասին: Մի պահ պատկերացնենք, որ իտալիայի ֆինանսական գվարդիան 2,7 տոննա կոկայինի Հայաստան ուղարկվող ապօրինի խմբաքանակ հայտնաբերեր, ասենք, մի 6-7 տարի առաջ, երբ Փաշինյանն ընդդիմադիր էր աշխատում:

Օ՜... Այնպիսի՜ աղմուկ-աղաղակ կբարձրացներ Նիկոլ Փաշինյանը, որ նրա անդուր ձայնի ելևէջները մինչև Կիտո (հատուկ քպ-ականների համար նշենք, որ դա Էկվադորի մայրաքաղաքն է) կհասնեին:

Օրումեջ ելույթներ կունենար ԱԺ ամբիոնից, շանթուորոտ կարձակեր, նրա ընտանեկան թերթը հեղեղված կլիներ «կոկայինային» հոդվածներով, մատից ծծած «բացահայտումներով» ու «մերկացումներով», նրա ընտանեկան թերթի թղթակցիները կդարանակալեին իշխանական պատգամավորներին, տարատեսակ պաշտոնյաներին, որպեսզի անպայման հարցեր տային «կոկայինի խմբաքանակի» վերաբերյալ: Մոտավորապես այսպիսի տոնայնությամբ. «Դուք կոկայինի այս խմբաքանակի՞ց փայ ունեք, թե՞ ձեր նոր ավտոն նախորդից ստացած ապօրինի եկամուտներով եք գնել...»:

Ավելին, Նիկոլ Փաշինյանը կնախաձեռներ հատուկ հանձնաժողովի ձևավորում, դահլիճում իշխանական պատգամավորների աշխատասեղանների մոտ դեղատնային պարկիկներով ալյուր կդներ, վրան գրված՝ «իշխանական կոկային»: Լենա Նազարյանն ու Արարատ Միրզոյանը «կոկայինային» խորհրդանշական ֆայերներ կվառեին ԱԺ դահլիճում...

Բա՛յց: Ստո՛պ: Կոկայինի աննախադեպ խմբաքանակները հիմա՛ են հայտնաբերվել, որովհետև այդ Նիկոլ Փաշինյանի կառավարման 5 մղձավանջային տարիների ուղիղ հետևանքն է, որ Հայաստանը վերածվել է թմրամիջոցների ապօրինի շրջանառության հանգուցակետի: Տոննաներով կոկայինային բեռներ են ստանում, միլիարդ եվրոն գերազանցող գումարներ են շրջանառվում:

Իսկ երբեմնի աղմկարար Նիկոլ Փաշինյանը... լռում է: Ո՛չ տեսել է, ո՛չ լսել: Իր ենթականերն էլ, չգիտես, թե ում հիմարի տեղ դնելով, հայտարարում են, թե չգիտեն, թե որ ընկերության միջոցով էր մի քանի տոննա կոկայինը Հայաստան ուղարկվում և ում էր ուղարկվում: Եթե պետք լինի, նրանք կասեն, որ իրենց անուն-ազգանուններն էլ են մոռացել, չեն կարող ասել:

Եվ քանի որ նախկին լրագրող ու նախկին ընդդիմադիր Նիկոլ Փաշինյանը բերանը բրդուճ առածի տարբերակով լռում է ու ընդհանրապես ծպտուն չի հանում կոկայինի աննախադեպ խմբաքանակների թեմայով, դժվար չէ ենթադրել, որ այդ խայտառակույթունն իր իշխանության հետ որոշակիորեն շաղկապված է, ոչ միայն՝ որպես մղձավանջային կառավարման հետևանք, այլ շատ ավելի ամուր թելերով: Դրա համար էլ՝ «դավեն (ուղտին) նստած՝ կուզեկուզ են գնում»: Այսինքն, շատերը տեսնում ու հասկանում են, որ դա իրենց հետ կապ ունի, բայց իրենք ձև են բռնել, թե անտեսանելի են, չեն երևում:

Արթուր Խայթ

7or.am

դիտվել է 563 անգամ
Լրահոս
Ադրբեջանը մտադիր է որոշել Հայաստանի հետ պետական ​​սահմանը. Ալիևի օգնական Ադրբեջանի տնտեսության հենասյունը՝ էներգետիկ ոլորտը ճգնաժամի միտումներ է սկսել դրսևորել․ Վահե Դավթյան Ադրբեջանը մտադիր է որոշել Հայաստանի հետ պետական ​​սահմանը. Ալիևի օգնական Զրո ուշադրություն ուղերձին, զրո ուշադրություն Չվարչապետին, զրո տարածում և մեկնաբանում. որևէ խայծ կուլ մի տվեք. Վլադիմիր Մարտիրոսյան Ողբերգական ելքով վթար Մարգարա-Վանաձոր-Տաշիր ճանապարհին․ մեքենաներից մեկի ուղևորն ու վարորդը մահացել են ՀՀ դե-ֆակտո իշխանությունները ստելու են, ջղաձգվեն, սպառնան, մանիպուլացնեն, ասուլիսներ ու ուղերձներ տան․ Պետք է արհամարհել․ Միակ կարևոր տեղեկությունն է՝ մայիս 26-ին, ժամը 16:00-ին հանրահավաք․ Վերջ Հայաստանը չի ընդունի 2027 թվականի ԱՊՀ խաղերը Ֆեյսբուքում գրառում կատարելու համար ձերբակալվել է Տաթև Մուրադյանը. փաստաբան Ադրբեջանում Ֆրանսիայի դեսպանն այցելել է Բերձոր Լեո Նիկոլյանի նկատմամբ բռնության դեպքով քրեական վարույթ չի նախաձեռնվել «Իսկ ի՞նչ պետք է աներ Ասկերանի քաղաքապետ Շամիրյանը, ավտոմեքենան պիտի Ալիևի՞ն նվիրեր, և ո՞վ է տուժողն այժմ` Ադրբեջա՞նը»․ Փաստաբանի հարցն անպատասխան են թողել Դատարանը վճռել է ոչնչացնել անձրևանոցը, որն անցյալ տարի Նիկոլ Փաշինյանի ուղղությամբ նետել էր Բերձորից բռնի տեղահանված Նարինե Ասատրյանը ԵՄ երկրների միասնականությունը «ճաքեր է տալիս»․ Բորել Ինչ է ասել Լավրովը՝ Հայաստանում Ռուսաստանի դեսպանին Մոսկվա կանչելու վերաբերյալ Եթե ՄՔԴ-ն Նեթանյահուին ձերբակալելու օրդեր տա, ԵՄ երկրները պետք է կատարեն որոշումը․ Բորել Նռնակով բանկ ներխուժած անձը ձերբակալվել է Կոկորդիլոսագե'տ, սա ճի՞շտ է... Հարգելի հայրենակիցներ, չլսեք սույն ազգադավին Մի քանի ժամից Հայաստանի ադրբեջանացման քավորը կխոսի անկախությունից Երևանին մոտեցող ամպրոպը․ Սուրենյան Հայաստանից ՌԴ դեսպանին Մոսկվա խորհրդակցությունների կանչելը ռուսական կողմի որոշումն է. ՀՀ ԱԳՆ Առևանգելու դեպքով վարույթը կարճվել է․ սուտ մատնության հատկանիշներով նորն է նախաձեռնվել Պուտինը և Լուկաշենկոն Մինսկում բանակցություններ են վարում նեղ կազմով Փաշինյանը չի մեկնել Աշխաբադ՝ ԱՊՀ երկրների վարչապետների հանդիպմանը ՔԿ-ն հրաժարվել է քրեական վարույթ նախաձեռնել Թաթուլ Ասիլյանի կողմից հայտնի հրապարակման առթիվ
Ամենաընթերցվածները
Շուտով
Մայիսի 24-ին՝ ժամը 15։30-ին, Հայելի ակումբի հյուրն է Սոկրատ Հովսեփյանը Մայիսի 24-ին՝ ժամը 12։00-ին, Հայելի ակումբի հյուրն է Երվանդ Բոզոյանը Մայիսի 24-ին՝ ժամը 11:00-ին, Հայելի ակումբի հյուրն է Արամ Գասպարի Սարգսյանը Մայիսի 23-ին՝ ժամը 13։00-ին, Հայելի ակումբի հյուրն է Թաթուլ Պետրոսյանը Մայիսի 23-ին՝ ժամը 16։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը Մայիսի 23-ին՝ ժամը 15։00-ին, Հայելի ակումբի հյուրն է Հովհաննես Շահինյանը Մայիսի 23-ին՝ ժամը 14։00-ին, Հայելի ակումբի հյուրն է Նաիրա Զոհրաբյանը Մայիսի 23-ին՝ ժամը 12։00-ին, Հայելի ակումբի հյուրն է Վոլոդյա Հովհաննիսյանը Մայիսի 22-ին՝ ժամը 16։30-ին, Հայելի ակումբի հյուրն է Հովհաննես Իշխանյանը Մայիսի 22-ին՝ ժամը 14:00-ին, Հայելի ակումբի հյուրն է Խաչիկ Մանուկյանը
Հետևեք մեզ Viber-ում https://cutt.ly/5wn8sJBS
Hayeli.am