Եկել է քաղաքացու թմրամոլվելո՞ւ ժամանակը. Նիկոլի կոկայինային լռությունը

Բնութագրական ու խոսուն է Նիկոլ Փաշինյանի ու նրա ՔՊ-ի, նրանց ԱԱԾ-ի պարտիզանական լռությունը կոկայինի աննախադեպ խոշոր խմբաքանակների թեմայով: Կատա՞կ եք կարծում. իտալական նավահանգստում, բանանի բեռնարկղերի մեջ հայտնաբերվում է գրեթե 3 տոննա (2700կգ) ու մոտ 800 միլիոն եվրո սևշուկայական արժեքով բարձրորակ կոկային, որն Էկվադորից ուղարկվում էր Հայաստան: Տեսնելով, որ իրենցից անկախ հանգամանգներով, «ալիքը վառված» է՝ Նիկոլ Փաշինյանը, այլոց շուրթերով, ստիպված է լինում գրեթե զուգահեռաբար հայտարարել, թե՝ բա գիտե՜ք, մեր մեջ ասած՝ մի երկու օր առաջ էլ մենք ենք մրգերի արկղերի արանքներում էդպես 1 տոննա կոկային հայտնաբերել՝ մի 250 միլիոն եվրո սևշուկայական արժեքով:

Այսինքն, ստացվում է համախառն մոտ 4 տոննա կոկային, ավելի քան 1 միլիարդ եվրո սևշուկայական արժեքով: Զի՛լ է: Սա աննախադեպ է նույնիսկ համաշխարհային մասշտաբով: Ռեկո՛րդ: Սենսացիա՛: Խայտառակությո՛ւն:

Ու ի՞նչ: Ու այն, որ Նիկոլ Փաշինյանը բերանը ջուր է առել ու ձայն-ծպտուն չի հանում: Հասկանում է, որ իր ամեն ասած բան ուղղվելու է իր դեմ:

Իհարկե, Փաշինյանի ՊԵԿ-ը փորձեց ինչ-որ բան թոթովել,՝ հայտարարելով, թե չգիտեն ու չեն կարող ասել, թե ահռելի քանակությամբ այդ կոկայինի խմբաքանակները հատկապես որ «մրգային» ընկերության միջոցով կամ դրան պատկանող բանանաբեռի հետ էին ուղարկվում Հայաստան: Այսինքն, փաշինյանական իշխանությունը որոշեց բացահայտորեն ինքզինքը էշի տեղ դնել (կամ էլ հանրությանը էշի տեղ դնել), բայց հանկարծ ու հանկարծ չասել, թե ով էր բերում, ում հետ կապ ուներ և այդպես շարունակ:

Բայց սա Հայաստանն է, Մեքսիկան չէ: Անգամ Կոլումբիան չէ, որքան էլ որ դրոշի գույները հիմնականում «բռնում» են: Փոքր երկիր է ու ավելի է փոքրացել Նիկոլ Փաշինյանի ձախավեր կառավարման հետևանքով: Մեղրիում փռշտում են, Բագրատաշենից ասում են՝ առողջություն:

Լռեն, չլռեն: Բոլոր դատողունակ հայրենակիցները հրաշալի հասկանում են, որ այսօր բացառապես նիկոլաիշխանական շրջանակները կամ նրանց հարողները կարող են 1 միլիարդ և ավելի եվրո «դնել» որևէ գործի մեջ: Նմանապես, հասկանում են, որ այդ կարգի ահռելի ծավալի թմրանյութեր «տանել-բերելը» չի կարող լինել առանց իշխանությունների մասնակցության կամ իշխանական ազդեցիկ անձանց ներգրավման:

Ավելին, վերջին հինգ տարվա ընթացքում «անմեղության կանխավարկածը» ոտնաշորի վերածած փաշինյանական իշխանության «իրավապահ-քննչական» մարմինները, խայտառակ «տուշոնկա» գործողություն մոգոնած ԱԱԾ-ն, կոկայինային սկանդալի հետ կապված, այնպիսի ջանասիրությամբ ու գուրգուրանքով են պահպանում «անմեղության կանխավարկածը», որ էլ ասելու չէ: Բառալեզվական գլուխկոնծիներ են տալիս, միայն թե չանվանեն ներկրողին:

Արժե՞ ևս մեկ անգամ նշել, որ այսօրինակ վարքը հուշում և ողջամիտ կասկած է առաջացնում, որ կոկայինային խայտառակույթունն ուղղակիորեն շաղկապված է Նիկոլ Փաշինյանի իշխանության հետ:

Դրա համար էլ ինքը պատրաստ է ամենատարբեր հրապարակային անկապություններով, սադրանքներով և նմանօրինակ այլ դրսևորումներով ուշադրություն շեղել, միայն թե այս կոկայինային խայտառակության «բոցը» մարի: Ոչ լայվ է մտնում, ոչ անհոդաբաշխ գոռգոռում է, թե՝ «եկել է քաղաքացու թմրամոլվելու ժամանակը»: Փոխարենը տան անդամներին է գցում պատմությունների մեջ, ոստիկանապետական սանձարձակությունների է դիմում պատերազմում զոհվածների ծնողների դեմ՝ նպատակ ունենալով որդիներին կոտորելուց հետո նաև ծնողներին մահվան դուռը հասցնել ու, կնոջ և պալատական կիթառահարների ուղեկցությամբ ինչ-որ պիոներական խարույկներ է անում:

Իրականում ինքը՝ Փաշինյանը հրաշալի հասկանում է, որ իր իշխանությունը դելեգիտիմացված է, այլևս իշխանություն էլ չէ: Առավել ևս, երբ բացահայտվում են այդ «անկաշառ», «ազնիվ», «մաքուր» իշխանության ահավոր ախտերն ու դրանց ծավալները: Թե բա՝ նիկոլենք մաքուր են: Իհարկե՜... Նույնիսկ իտալական փորձագետներն են հավաստում՝ հայտնաբերված կոկայինը, մինչև հիմա իրենց տեսածների մեջ ամենից մաքուրն է:

Դե ինչ, քթներդ քաշեք, ու ժողովրդականով ասած՝ ոտքներդ քաշեք իշխանությունից:

Արմեն Հակոբյան

7or.am

դիտվել է 424 անգամ
Լրահոս
«Պատճառները աշխարհաքաղաքական են»․ Բեգլարյանը՝ Արցախից ռուս խաղաղապահների հեռանալու մասին Իրական Հայաստանը Հայկական լեռնաշխարհն է՝ իր բնական, աստվածատուր սահմաններով. Տեր Միքայել արքեպիսկոպոս Աջապահյան Քայլիստ Հակոբը Հայաստանն է և վե՞րջ Ուշադրություն,որոշ սրիկաներ փորձում են փող աշխատել Սամվել Վարդանյանի անունն օգտագործելով․ փաստաբան Կարճատև անձրև, ամպրոպի ժամանակ քամու ուժգնացում. Եղանակն առաջիկա օրերին Պարոն Ղազարյանը կարող է համարել, որ իր հրավերն ընդունված է․ Եսայի քահանա Արթենյան «Գարդման-Շիրվան-Նախիջևան համահայկական միությունն անդրադարձել է Ադրբեջանում Ֆրանսիայի դեսպանի հետկանչին Ինչու ռուսական զորքը լքեց Արցախը․ վերլուծական Ադրբեջանը քանդել է Շուշիի Կանաչ ժամը Իրանը Իսրայելի դեմ պատասխան հարվածի ժամանակ օգտագործել է միայն հնացած հրթիռային զենքեր. ԻՀՊԿ Գյումրի, Արարատ, Հրազդան և Վանաձոր քաղաքների մթնոլորտային օդում փոշու պարունակությունը Նիկոլ Փաշինյանը չի դադարում գերազանցել ինքն իրեն Հակառակորդը T90-ով էր անցել հակագրոհի, Իշխանը չէ, ուզում է՝ Պետրոսը լիներ, չէր կարող բան անել․Վահանյանը ցուցմունք տվեց Գարդման-Շիրվան-Նախիջևան համահայկական միության անդրադարձը բրիտանացի պատգամավորի արձանագրումներին Լրագրողների եվրոպական ֆեդերացիան պահանջում են անհապաղ ազատ արձակել Նարեկ Սամսոնյանին և Վազգեն Սաղաթելյանին, ովքեր ազատազրկվել են Նիկոլ Փաշինյանին քննադատելու համար ԵՄ-ից արձագանքել են Արցախից ռուս խաղաղապահների վաղաժամ հեռանալուն Կոչ ենք անում ԵԽ-ին և ԵԱՀԿ-ին՝ դատապարտել խոսքի ազատության ճնշումը Հայաստանում․ EFJ Ռուբեն Հայրապետյանը փոխանցել է Սամվել Վարդանյանի գրավից պակասող ամբողջ գումարը․ Հրապարակ Ի՞նչ էր անում Դիլիջանի քաղաքապետը Փաշինյանի՝ Ոսկեպարի հանդիպմանը Գարդման-Շիրվան-Նախիջևանը ակնկալում է՝ ԱՄՆ դեսպանը կնպաստի արցախցիների վերադարձի ժամկետի մատնանշմանը Կայծակը հարվածել է Աբու Դաբի-Երևան չվերթի օդանավին, ճաքել է պատուհաններից մեկը
Ամենաընթերցվածները
Շուտով
Ապրիլի 19-ին՝ ժամը 13։00-ին, Հայելի ակումբի հյուրն է Հովհաննես Իշխանյանը Ապրիլի 19-ին՝ ժամը 16։00-ին, Հայելի ակումբի հյուրն է Պարույր Հայրիկյանը Ապրիլի 19-ին՝ ժամը 11։00-ին, Հայելի ակումբի հյուրն է Տիգրան Չոբանյանը Ապրիլի 19-ին՝ ժամը 12։00-ին, Հայելի ակումբի հյուրն է Վոլոդյա Հովհաննիսյանը Ապրիլի 18-ին՝ ժամը 15։00-ին, Հայելի ակումբի հյուրն է Թաթուլ Պետրոսյանը Ապրիլի 18-ին՝ ժամը 12։00-ին, Հայելի ակումբի հյուրն է Հովհաննես Շահինյանը Ապրիլի 18-ին՝ ժամը 14։00-ին, Հայելի ակումբի հյուրն է Ռուբեն Հակոբյանը Ապրիլի 18-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը Ապրիլի 17-ին՝ ժամը 14։30-ին, Հայելի ակումբի հյուրն է Տաթև Արցախցին Ապրիլի 17-ին՝ ժամը 12։00-ին, Հայելի ակումբի հյուրն է Հովհաննես Գալստյանը
Հետևեք մեզ Viber-ում https://cutt.ly/5wn8sJBS
Hayeli.am