Իսրայելը 200 միլիոն դոլար կներդնի Ադրբեջանի տնտեսության մեջ
Ադրբեջանի եւ Իսրայելի միջեւ 200 միլիոն դոլարի ներդրումային փաստաթուղթ կստորագրվի։ Այդ մասին АПА-ին հայտնել է Ադրբեջանում Իսրայելի դեսպան Ջորջ Դիկը։
«Հաջորդ ամիս՝ մոտակա երկու շաբաթների ընթացքում, պարոն Քոհենը կայցելի Բաքու եւ կմասնակցի միջկառավարական հանձնաժողովի համատեղ նիստին նախարար Ջաբբարովի հետ։ Այդ նիստում կքննարկվի տնտեսական համագործակցությունը։ Այսօր ուզում եմ հայտարարել, որ ստորագրված փաստաթղթերից կապված է ֆինանսների հետ, որոնք կապահովեն 200 միլիոն դոլարի իսրայելական ներդրումների հոսքը Ադրբեջան։ Այս ամենը ցույց է տալիս, որ մենք նշում ենք մեր հարաբերություններում նորի սկիզբը։ Մենք բախվում ենք ընդհանուր խնդիրների ու սպառնալիքների, որոնց մի մասը կապված է անվտանգության հետ։ Ես հպարտ եմ, որ մասնակցել եմ այս պատմական օրվան, եւ ես հավատում եմ, որ ապագայում մենք կհասնենք համատեղ հաջողությունների»,- ասել է Ջորջ Դիկը։
Հետևեք մեզ Viber-ում
