Արթիկի համայնքապետի տեղակալ Արտակ Հարությունյանը (Շակալ) մոբիլիզացրել է իր վարչական ղեկավարներին` աջակցելու Մարալիկի ՔՊ-ական թեկնածուին. ահազանգ
![Արթիկի համայնքապետի տեղակալ Արտակ Հարությունյանը (Շակալ) մոբիլիզացրել է իր վարչական ղեկավարներին` աջակցելու Մարալիկի ՔՊ-ական թեկնածուին. ահազանգ](/timthumb.php?src=/disc/25-03-23/f6557cbf9a763dc16a2981214d104607.jpg&w=708)
Շիրակի մարզի Անի համայնքում կիրակի օրը սպասվող ՏԻՄ ընտրություններից առաջ իրավիճակը թեժ է. լրատվամիջոցներն ու ֆեյսբուքյան օգտատերերը պարբերաբար հայտնել են հօգուտ սեփական թեկնածուի իշխանության կողմից վարչական ռեսուրսների օգտագործման մասին:
168.am-ը այս անգամ Մարալիկից ստացել է հերթական ահազանգը: Քաղաքացին մասնավորապես տեղեկացրեց ԿԸՀ-ից Մարալիկի նախկին համայնքապետ, Ազգ Համայնք դաշինքի թեկնածու Արտակ Գևորգյանի քվեաթերթիկները 100-ական քիչ են ուղարկել:
Մեկ այլ ահազանգով էլ մեր աղբյուրը վստահեցրեց, որ Արթիկի համայնքապետի տեղակալ Արտակ Հարությունյանը (Շակալ) մոբիլիզացրել է իր վարչական ղեկավարներին` աջակցելու Մարալիկի ՔՊ-ական թեկնածուին: Մեր աղբյուրը նկատեց` մի քանի գյուղապետեր հակադարձել են Արտակ Հարությունյանի պահանջին: