ՌՈւՍԱՍՏԱՆԸ ՀԻԱՍԹԱՓԵՑՆՈւՄ Է ԱՐՑԱԽԻՆ

ՌՈւՍԱՍՏԱՆԸ ՀԻԱՍԹԱՓԵՑՆՈւՄ Է ԱՐՑԱԽԻՆ
2023թ. մարտի 20-ին Մոսկվայում Արարատ Միրզոյանի հետ համատեղ մամուլի ասուլիսի ժամանակ ՌԴ ԱԳ նախարար Սերգեյ Լավրովը, մասնավորապես, հայտարարել է. «Կան նորագույն պատմության օրինակներ։ Մոտավորապես այդ մասին խոսվել է Մինսկի պայմանավորվածություններում. ի՞նչ իրավունքներ պետք է ունենան Ուկրաինայի արևելյան մասի բնակիչները՝ համաձայն այդ նույն Մինսկի համաձայնագրերի. դա մայրենի լեզվի իրավունքն է, երեխաներին սովորեցնել այդ լեզվով, ապրել, աշխատել՝ օգտագործելով այն, պահպանել իրենց մշակույթը, կրոնը, ունենալ տեղական ինքնակառավարման հնարավորություն և ունենալ հատուկ տնտեսական և առևտրային կապեր իրենց հայրենակիցների հետ (Դոնբասի դեպքում դա Ռուսաստանն էր)։
Մոտավորապես նույն իրավունքները նախատեսված էին տասը տարի առաջ Բելգրադի և Պրիշտինայի միջև Կոսովոյի սերբական տեղական ինքնակառավարման մարմինների համայնքի ստեղծման մասին համաձայնագրում. լեզու, տեղական ինքնակառավարում, կրթություն, մշակույթ, կրոն, հատուկ տնտեսական կապեր Սերբիայի հետ։ Ղարաբաղցիներին անհրաժեշտ կլինի իրավունքների նույն փաթեթը, ինչ ցանկացած նմանատիպ իրավիճակում՝ Դոնբաս, Կոսովո և Կոսովոյի սերբական շրջաններ, Լեռնային Ղարաբաղ (Հայաստանի և Ադրբեջանի ղեկավարների կողմից 1991թ. դեկտեմբերի 21-ի Ալմա-Աթայի հռչակագրի դրույթներին հավատարմության հաստատման համատեքստում):»:
Սերգեյ Լավրովի հայտարարությունը նկատի առնելով՝ հարկ է նշել հետևյալը.
Ադրբեջանաարցախյան հակամարտության կարգավորման վերաբերյալ 2008թ. նոյեմբերի 2-ին Հայաստանի, Ռուսաստանի և Ադրբեջանի նախագահները համատեղ ստորագրել են փաստաթուղթ: Խոսքը մերձմոսկովյան Մայնդորֆ ամրոցում ստորագրված հռչակագրի մասին է, որտեղ կողմերը, մասնավորապես, արձանագրել են, որ՝
• ադրբեջանաարցախյան հակամարտությունը պետք է կարգավորվի քաղաքական ճանապարհով «…միջազգային իրավունքի նորմերի ու սկզբունքների և այդ շրջանակներում ընդունված որոշումների ու փաստաթղթերի հիման վրա…»,
• «հաստատում են ԵԱՀԿ Մինսկի խմբի համանախագահների միջնորդական ջանքերի շարունակման կարևոր նշանակությունը»:
Այս փաստաթուղթն իր տեսակի մեջ եզակի է: Բանն այն է, որ 1994թ. մայիսի 12-ի եռակողմ (Արցախ, Հայաստան, Ադրբեջան) համաձայնագրի ստորագրումից 14 տարի անց Հայաստանն ու Ադրբեջանն առաջին անգամ համատեղ ստորագրել են ադրբեջանաարցախյան հակամարտության կարգավորման վերաբերյալ փաստաթուղթ, որը ստորագրել է նաև Ռուսաստանը:
Այսինքն՝ Ռուսաստանը ճանաչել և ընդունել է, որ ադրբեջանաարցախյան հակամարտությունը պետք է կարգավորվի «…միջազգային իրավունքի նորմերի ու սկզբունքների և այդ շրջանակներում ընդունված որոշումների ու փաստաթղթերի հիման վրա…»:
Այս իմաստով 2023թ. մարտի 20-ին ՌԴ ԱԳ նախարար Սերգեյ Լավրովի արած հայտարարությունն արցախահայությանը տրվելիք իրավունքների մասին հակասում է մայնդորֆյան հռչակագրում ամրագրված առանցքային դրույթներին:
2009թ. հուլիսի 10-ին Իտալիայի Լակվիլա քաղաքում հրավիրված մեծ ութնյակի գագաթաժողովի շրջանակում ԵԱՀԿ Մինսկի խմբի համանախագահող երկրների ղեկավարները՝ ԱՄՆ նախագահ Բարաք Օբաման, Ռուսաստանի նախագահ Դմիտրի Մեդվեդևը և Ֆրանսիայի նախագահ Նիկոլա Սարկոզին, ադրբեջանաարցախյան հակամարտության կարգավորման վերաբերյալ հանդես են եկել համատեղ հայտարարությամբ, որտեղ ընդունել են, որ հակամարտությունը պետք է կարգավորվի Հելսինկյան եզրափակիչ ակտի սկզբունքների համաձայն: Խոսքը, մասնավորապես, վերաբերում է ուժի չկիրառման, ժողովուրդների հավասար իրավունքների և ինքնորոշման և տարածքային ամբողջականության սկզբունքներին:
Այսինքն՝ Լակվիլայի հայտարարությամբ ևս Ռուսաստանը ճանաչել և ընդունել է, որ ադրբեջանաարցախյան հակամարտությունը պետք է կարգավորվի միջազգային իրավունքի սկզբունքների, մասնավորապես՝ ինքնորոշման սկզբունքի համաձայն:
Այս իմաստով 2023թ. մարտի 20-ին ՌԴ ԱԳ նախարար Սերգեյ Լավրովի արած հայտարարությունն արցախահայությանը տրվելիք իրավունքների մասին նույնպես հակասում է Լակվիլայի հայտարարության մեջ արձանագրված դրույթներին:
Սերգեյ Լավրովի վերոնշյալ հայտարարությունը դիտարկելով առնվազն նշված փաստաթղթերի համատեքստում՝ կարող ենք արձանագրել, որ պաշտոնական Մոսկվան վերանայում է իր մոտեցումն ադրբեջանաարցախյան հակամարտության կարգավորման վերաբերյալ՝ գրանցելով հետընթաց հակամարտության կողմերից մեկի՝ Արցախի, սպասելիքների տեսանկյունից:
Արցախի կարգավիճակի փոխարեն արցախահայության իրավունքների և անվտանգության հարցն առաջնահերթ համարելու մասին Նիկոլ Փաշինյանի մոտեցմամբ պայմանավորված Ռուսաստանը, փաստորեն, հրաժարվում է ինքնորոշման իրավունքը պաշտպանող իր իսկ ստորագրած փաստաթղթերից:

Ստեփան Հասան-Ջալալյանի գրառումը

դիտվել է 4171 անգամ
Լրահոս
Ադրբեջանը ԵՄ-ի հետ քննարկում է ունեցել «տարածաշրջանում խաղաղության շուրջ»․ հայտարարություն են արել Նման ճղճիմ քայլերով չեն կարող սասանել իշխանության դեմ պայքարի մեր միասնական կամքը․ Գերասիմ Վարդանյան Մահացել է 44-օրյա պատերազմում անմահացած Հրաչ Գաբրիելյանի մայրը Ռուսաստանը հայտնել է ԵԱՀԿ ԽՎ-ից դուրս գալու ցանկության մասին Չեմ տեսել, բայց գիտեմ, որ փշալարեր են քաշում, մոտենալ չի թույլատրվում. Կիրանցի վարչական ղեկավար Բաքվի շանտաժն ու Հայաստանի իշխանության «դուալիզմը»․ Սուրեն Սուրենյանց Wizz Air ավիաընկերության ուղևորները մոտ 10 ժամ գտնվել են Միլանում՝ զրկված անգամ սննդի հնարավորությունից. ահազանգում է ուղեւորը Լևոն Տեր-Պետրոսյանի ընտանիքի հետ շատ ջերմ մտերմություն ունեմ, նաև՝ 2-րդ ու 3-րդ նախագահների շրջանակների հետ. Բագրատ Սրբազան ՌԴ ԱԳՆ-ն մեկնաբանել է Ֆրանսիայից Caesar հաուբից գնելու Հայաստանի ծրագրերը Պարզ է, որ նպատակը պղտորելն է. Գառնիկ Դանիելյանը սուտ է որակել Մարուքյանի ասածները Փաշինյանն ամենուր ուշանում է Դա կեղծի՞ք է, թե՞ կեղծիք չէ․ Սուրեն Մանուկյան Տրիբունալի դատավճիռը քաղաքական մահ է ոչ միայն փաշինիզմին, այլև այն ծնած պայմաններին․ «Համահայկական ճակատ» ՌԴ նախագահ Վլադիմիր Պուտինն ավարտել է այցը ԿԺԴՀ Միրզոյանը չի մասնակցի ՀԱՊԿ անդամ երկրների ԱԳ նախարարների խորհրդի առաջիկա նիստին 35 երթուղու ավտոբուսի վարորդը կիթառով հարվածել է ուղևորին Իրանի կառավարությունը հավանություն է տվել ԵԱՏՄ երկրների հետ ազատ առևտրի գոտու ստեղծման մասին օրենքին․ այն կստորագրվի Ցինիզմը սահմաններ չունի. Գևորգ Դանիելյան Իրենց ուղեղներում ինչո՞ւ են միշտ հակահայկական մտքեր ծագում Երկրի թիվ մեկ աներձագի հայտարարագիրը․ 7 անշարժ գույք և 1 նոր VOLVO․ 168․am Շոլցը մտադիր է խստացնել Գերմանիայի միգրացիոն քաղաքականությունը
Ամենաընթերցվածները
Շուտով
Հունիսի 20-ին ՝ ժամը 12։00-ին, Հայելի ակումբի հյուրն է Գառնիկ Դանիելյանը Հունիսի 20-ին ՝ ժամը 15։30-ին, Հայելի ակումբի հյուրն է Սոկրատ Հովսեփյանը Հունիսի 20-ին ՝ ժամը 14։00-ին, Հայելի ակումբի հյուրն է Լիդա Առուշանյանը Հունիսի 20-ին ՝ ժամը 13։00-ին, Հայելի ակումբի հյուրն է Նաիրա Զոհրաբյանը Հունիսի 19-ին ՝ ժամը 15։00-ին, Հայելի ակումբի հյուրն է Կարապետ Մինասյանը Հունիսի 19-ին ՝ ժամը 13։00-ին, Հայելի ակումբի հյուրն է Խաչիկ Մանուկյանը Հունիսի 19-ին ՝ ժամը 14։00-ին, Հայելի ակումբի հյուրն է Միկա Բադալյանը Հունիսի 19-ին ՝ ժամը 14։30-ին, Հայելի ակումբի հյուրն է Վարդուհի Գևորգյանը Հունիսի 19-ին ՝ ժամը 16։30-ին, Հայելի ակումբի հյուրն է Արտաշես Գեղամյանը Հունիսի 19-ին ՝ ժամը 12։00-ին, Հայելի ակումբի հյուրն է Արմենուհի Կյուրեղյանը
Հետևեք մեզ Viber-ում https://cutt.ly/5wn8sJBS
Hayeli.am