«Հրապարակ օրաթերթը» գրում է. Քաղաքացիական պայմանագիր խմբակցությունն այսօր փակ հանդիպում է ունեցել իշխանությունների ՄԻՊ թեկնածու Անահիտ Մանասյանի հետ։ Այնմոտ երկու ժամ է տեւել։ Մեր աղբյուրն ասաց, որ իշխանական պատգամավորներն ընդհանուր առմամբ դրական տպավորություն են ստացել թեկնածուից: Մանասյանը, հիշեցնենք, ՀՀ գլխավոր դատախազ Աննա Վարդապետյանի տեղակալն է եւ ընկերուհին: Հանդիպման սկզբում թեկնածուն բավականին երկար ներկայացրել է իր կենսագրությունը՝ որտեղ է սովորել, քանի բուհ է ավարտել, որտեղ է աշխատել՝ 35 ամյա կնոջ համար բավականին հարուստ կենսագրություն: Ապա վստահեցրել է, թե չնայած իր թեկնածությունը ՔՊ- ն է առաջադրելու, սակայն ինքն աշխատելու է անաչառ, բարձրաձայնելու է առկա խնդիրները, լինելու է բոլորի ՄԻՊ-ը:
Իշխանական պատգամավորներից ոմանց դուր չի եկել թեկնածուի այդ հանդուգն պահվածքը եւ նրանք իրենց ելույթներում հումորի տալով՝ հարցրել են՝ կարո՞ղ է այնպես լինի, որ իրենք իրեն ՄԻՊ դարձնեն, որոշ ժամանակ հետո դառնա իշխանության թշնամին: Հանդիպման կուրիոզ դրվագը եղել է Հովիկ Աղազարյանի հետ հարցուպատասխանը: ՔՊ-ական պատգամավորը հարցրել է՝ ամուսնացա՞ծ է արդյոք թեկնածուն եւ Մանասյանի բացասական պատասխանը լսելով հակադարձել է․ «Էդ արդեն լավ չի»։
Աղազարյանը չի հասցրել հիմնավորել ասելիքը, երբ ՔՊ խմբակցության չամուսնացած կանայք խմբով վրա են տվել։ Աղազարյանը բացատրել է, որ Մարդու իրավունքների պաշտպանի պաշտոնի համար ընտանեկան կարգավիճակն էական նշանակություն ունի՝ հոգատարության եւ այլ փոխհարաբերությունների առումով: Մեր աղբյուրն ասաց, որ թեկնածուն բավականին հումորով եւ ծիծաղկոտ աղջիկ էր:
Ուշագրավ է, որ թեկնածուին առջադրելու է ՔՊ ֆրակցիան, մինչդեռ թվում էր, թե, ըստ օրենքի, բոլոր խմբակցություններն ունեն այդ հնարավորությունը եւ կօգտվեն դրանից։ Մանավանդ ՄԻՊ պաշտոնը թափուր մնալուց հետո առաջին տասնօրյակն անցնելուց հետո թեկնածուներն անգամ ինքաառաջադրվելու հնարավորություն ունեին։ Սակայն ընդդիմությունը որոշել է չմասնակցել երաշխավորված պարտությամբ ավարտվող այդ գործընթացին, քանի որ իշխանությունը միեւնույնն է՝ տապալում է նրանց բոլոր նախաձեռնությունները եւ նրանց առաջադրած ոչ մի թեկնածու չի ընտրվում։
Ապրիլի 23-ին՝ ժամը 16:45-ին, Հայելի ակումբի հյուրն է Աննա Մայիլյանը
Ապրիլի 23-ին՝ ժամը 16:00-ին, Հայելի ակումբի հյուրն է վերլուծաբան Արգիշտի Կիվիրյանը
Ապրիլի 23-ին՝ ժամը 13:30-ին, Հայելի ակումբի հյուրն է Տաթև Արցախը
Ապրիլի 22-ին՝ ժամը 16:30-ին, Հայելի ակումբի հյուրն է Հայկ Նահապետյանը
Ապրիլի 22-ին՝ ժամը 15։00-ին, Հայելի ակումբի հյուրն է Սուրեն Սուրենյանցը
Ապրիլի 22-ին՝ ժամը 11։00-ին, Հայելի ակումբի հյուրն է Էդգար Ղազարյանը
Ապրիլի 22-ին՝ ժամը 12։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 19-ին՝ ժամը 13։00-ին, Հայելի ակումբի հյուրն է Հովհաննես Իշխանյանը
Ապրիլի 19-ին՝ ժամը 16։00-ին, Հայելի ակումբի հյուրն է Պարույր Հայրիկյանը
Ապրիլի 19-ին՝ ժամը 11։00-ին, Հայելի ակումբի հյուրն է Տիգրան Չոբանյանը