Նեթանյահուն և Բայդենը քննարկել են «իրանական սպառնալիքը»
Իսրայելի վարչապետ Բենիամին Նեթանյահուն հեռախոսազրույց է ունեցել ԱՄՆ նախագահ Ջո Բայդենի հետ։ Զրույցի հիմնական թեման է եղել «իրանական սպառնալիքը»։ Այս մասին գրում է ՌԻԱ Նովոստին՝ հղում անելով Իսրայելի վարչապետի գրասենյակի թվիթերյան էջին։
Ինչպես հայտնել են Նեթանյահուի գրասենյակից, Իսրայելի վարչապետը հայտնել է ԱՄՆ նախագահին, որ Թել Ավիվը շարունակելու է ամենուր գործողություններ ձեռնարկել ահաբեկիչների և ահաբեկչություններ կազմակերպողների դեմ։
«Զրույցը կենտրոնացած էր իրանական սպառնալիքի շուրջ»,- ընդգծված է գրառման մեջ։
Նեթանյահուն անդրադարձել է նաև դատակաիրավական բարեփոխումներին՝ ընդգծելով, որ Իսրայելը «եղել է և կմնա հզոր ու դինամիկ ժողովրդավարությամբ» երկիր։ Բացի այդ, նա նաև շնորհակալություն է հայտնել Բայդենին «Իսրայելի անվտանգությանը նրա նվիրվածության համար»։
Հետևեք մեզ Telegram-ում