Քարդաշյանների հայտնի դիմահարդար Հրուշ Աճեմյանն իր աջակցությունն է հայտնել «Եվրատեսիլ»-ում Հայաստանի այս տարվա ներկայացուցիչ Բրյունետին
![Քարդաշյանների հայտնի դիմահարդար Հրուշ Աճեմյանն իր աջակցությունն է հայտնել «Եվրատեսիլ»-ում Հայաստանի այս տարվա ներկայացուցիչ Բրյունետին](/timthumb.php?src=/disc/18-03-23/8bade088feb6480a84678579c29fff91.jpg&w=708)
Ամերիկահայ դիմահարդար Հրուշ Աճեմյանը, որն առավել հայտնի է Քարդաշյանների հետ իր մտերմությամբ ու համագործակցությամբ, իր աջակցությունն է հայտնել «Եվրատեսիլ»-ում Հայաստանի այս տարվա ներկայացուցիչ Բրյունետին։ Նա ինստագրամյան Story բաժնում կիսվել է երգչուհու Future Lover երգով, որով Հայաստանն այս տարի ներկայանալու է մրցույթում։
Դիմահարդարը հաղթանակ է մաղթել իր հայրենիքին,-«Արի այս տարի հասնենք դրան, Հայաստան»,-գրել է նա։
Բրյունետի երգն, ի դեպ, «Եվրատեսիլ»-ի յութուբյան ալիքում այս պահին ունի 1 միլիոնից ավելի դիտում։ Հայաստանի ներկայացուցչի տեսահոլովակը մրցույթի պաշտոնական էջում ամենադիտվածներից է։
Աղբյուրը` style.news.am