Սորոսանիկոլական պարեկների արկածները Հայաստանում

Գրեթե օր չի անցնում, որ ոստիկանական պարեկների հետ կապված մի արկածային պատմություն չհայտնվի լրահոսում և հանրության ուշադրության կենտրոնում: Չենք հասցնում ինչպես հարկն է՝ «խորանալ» այն զմայլելի տեղեկության վրա, որ այնինչ պարեկը այսինչ գյուղում բռնվել է գողություն կատարելու վրա և տանտիրոջ կողմից ենթարկվել թռիչքի՝ երկրորդ հարկի պատշգամբից: Հասկանալի է, բռնվել է: Եվ մեկ էլ, խնդրեմ, մեկ ուրիշ պարեկ ինչ-որ բյուրեղային թմրամիջոց տարածելու վրա է բռնվել: Մեկը՝ մյուսից գլուխգործոց են:

Կամ էլ մի 20-25 պարեկ-ոստիկանով Հանրապետության հրապարակում ընկնում են ավտոխուլիգանի ետևից ու... չեն կարողանում վնասազերծել: Կամ էլ հակառակը՝ մարզերից մեկի գյուղերից մեկում տանտերն ահազանգում է, որ գոմից գողություն են ուզում անել, պարեկները գալիս են ու ենթադրյալ գողին այնպես են վնասազերծում, որ նա արդեն հանգուցյալ է: Կամ էլ՝ ինչպես նախօրեին, էլի մարզերից մեկի գյուղամեջում ինչ-որ ծեծկռտուք է տեղի ունենում՝ էլի պարեկների մասնակցությամբ, ըստ պաշտոնական վարկածի, նրանց ինչ-որ մեկը հայհոյել է (հենց այնպե՞ս): Կամ գնում են, օրվա իշխանության քաղաքական հակառակորդների ետևից են ընկնում ճանապարհներին...

Քրդին քոլոզ չեկավ, Հայաստանին՝ պարեկ: Պարեկներն առօրյա խոսքուզրույցում արդեն անեկդոտային պերսոնաժներ են դարձել ու ընկալվում: Սոցցանցերը հեղեղված են պարեկների արկածներին վերաբերող սրախոսություններով, վրդովված արձագանքներով, ծաղրական դիտարկումներով:

Մեկ էլ իմանում ես, որ մի 5-6 ոստիկանով գնացել ու այգում գիրք կարդացող կնոջն են հակաօրինական կարգով փորձում խուզարկել, այսպես ասած՝ «անձնական զննության» անվան տակ: Կամ էլ տեղեկանում ես, որ ոստիկանները ծեծել են ծեծի ենթարկված քաղաքացու, որպեսզի իմանան, թե նրան... ով է ծեծել: Դե, քննության ժամանակ կարևորը սեփական «պոչի» վրա չկանգնելն է:

Եվ այս ամենը տեղի է ունենում մեր օրերում, մեր կողքին: Տեղի է ունենում այն պայմաններում, երբ դրսից ստացված գրանտային ու ոչ միայն ահռելի գումարներ են ուղղվել ոստիկանության այսպես կոչված «բարեփոխմանը»: Ահռելի միջոցներ են ծախսվել պարեկային ծառայություն հավաքագրելու և նախապատրաստելու վրա: Պետական միջոցներից ուղղակիորեն միլիարդներ են տրվել (շրջանառվում էր 9 միլիարդ դրամ թիվը) ոստիկանությանը, որպես պարգևավճար: Ավելին, շատ է խոսվում այն մասին, որ սորոսական շրջանակներն են հանձն առել ոստիկանության «բարեփոխման աշխատանքները»: Եվ՝ ի՞նչ: Սա՞ է արդյունքը: Նման «արկածներ», առհասարակ, առանց նման ծախսերի էլ կարելի էր ապահովել:

Ի դեպ, այսօր երկրում իշխանության է մի խումբ, որի կարկառուն ներկայացուցիչները՝ Փաշինյանի գլխավորությամբ, երբ դեռ ընդդիմություն էին «աշխատում», օրումեջ հայտարարություններ էին անում, թե՝ Հայաստանը ոստիկանապետության է վերածվել ու նման բաներ: Բայց հենց Նիկոլ Փաշինյանը գրավեց իշխանությունը, երկրում միակ կառույցը, որն անշեղորեն աճել ու բարգավաճել է, ոստիկանությունն է: Եվ բաշխվում էին պարգևավճարները, որոնցով Նիկոլ Փաշինյանի կառավարությունն ուղղակիորեն գնեց ոստիկաններին, որոնք կրծքով պաշտպանում էին փաշինյանական իշխանությունը: Հիմա էլ, ուրեմն՝ պարեկները: Արկածային:

Ո՞ւր են այն «ռոմանծիկները», որ, հիշո՞ւմ եք, «Հոկտեմբերյանից «քաշած» եկել էին» հրապարակ 2018-ին... Ա՜, նրա՞նք էլ են պարեկ հավաքագրվել: Դատելով արկածներից՝ միանգամայն հնարավոր է:

Անհամբեր սպասում ենք պարեկների մասնակցությամբ հերթական արկածին, ցանկալի է, իհարկե, առանց զոհերի ու վնասվածքների, առանց այդ էլ՝ Փաշինյանի իշխանության օրոք զոհերի ու մահերի մասին տեղեկությունները առօրյա են դարձել:

Արթուր Խայթ

7or.am

դիտվել է 871 անգամ
Լրահոս
«Ուրալի» վթարի հետևանքով զոհված 20–ամյա Դավիթը մեկ տարի առաջ էր զորակոչվել Հայաստանը` ցնցումների շեմին. կգնա՞ Փաշինյանը դիտավորյալ «կոնֆրոնտացիայի» ԲԴԽ դատավոր անդամի միակ թեկնածուն նախորդ տարի ՔՊ-ի կողմից մերժվածն է Իսկ ի՞նչ է մնացել ձեր իշխանությունից Օրինապահից դեպի «բարձր ռիսկային խումբ» մեկ քայլ է Արևմուտքն էլ այլևս չի կարողանում աչքերը փակե՞լ խայտառակ դրսևորումների վրա 2-ամյա երեխան մարմնական վնասվածքով տեղափոխվել է «Սուրբ Աստվածամայր» բժշկական կենտրոն Հույս ունեմ՝ ԱԱԾ հաղորդագրությունը դրսի լսարանին էր ուղղված, եթե կարիքը կար, պետք էր կրակ բացել Ինչո՞ւ են հարձակվել Հայ առաքելական եկեղեցու վրա ԱԺ-ն արտահերթ նիստ կհրավիրի «Արցախը իրական Հայաստան էր և իրական Հայաստանի անվտանգության երաշխավորը» Փաշինյանի «լռությունը» վախեցնում է թիմակիցներին Կառուցվելիք «Աստղային պուրակը» կանվանակոչվի «Նռան գույնը» ֆիլմի անունով «Նարեկ Սամսոնյանի և Վազգեն Սաղաթելյանի կարգավիճակը բավարարում է ոչ միայն քաղաքական բանտարկյալի, այլև խղճի բանտարկյալի չափանիշներին» «Արմենալը» չի փակվի Ով ինչից է խոսում... Հերթական կեղծ հակադրումն ու արհեստական «օրակարգը» Զինվորական «ԿԱՄԱԶ»-ի վթարվելու հետևանքով վնասվածք ստացած զինծառայողների կյանքին վտանգ չի սպառնում Հայաստանում Ժողովրդավարական կառավարման վարկանիշը նվազել է. Freedom House Նոր մանրամասներ. վթարված «Ուրալ»-ի վիրավորներին ուղղաթիռով տեղափոխել են Երևան՝ Մուրացան հոսպիտալ Ի՞նչ կլիներ, եթե ․․․, ի՞նչ կլինի, եթե ․․․ Ինչու է թրաշված/անթրաշ Տիգրան Ավինյանը չզեկուցվող դարձնում կասկածելի հարցերը Ֆրանսիայի դեսպանը կանչվել է ՌԴ ԱԳՆ Ի՞նչ է ամբոխը, ինչո՞ւ է նա տենդորեն նոր առաջնորդ փնտրում
Ամենաընթերցվածները
Շուտով
Ապրիլի 13-ին՝ ժամը 12:00-ին, Հայելի ակումբի հյուրն է Սամվել Հակոբյանը Ապրիլի 12-ին՝ ժամը 16:00-ին, Հայելի ակումբի հյուրն է Վահագն Չախալյանը Ապրիլի 12-ին՝ ժամը 15:00-ին, Հայելի ակումբի հյուրն է Արգիշտի Կիվիրյանը Ապրիլի 12-ին՝ ժամը 11:00-ին, Հայելի ակումբի հյուրն է Տիգրան Չոբանյանը Ապրիլի 12-ին՝ ժամը 13:00-ին, Հայելի ակումբի հյուրն է ԱԺ պատգամավոր Արմենուհի Կյուրեղյանը Ապրիլի 11-ին՝ ժամը 13:00-ին, Հայելի ակումբի հյուրն է Նաիրա Զոհրաբյանը Ապրիլի 11-ին՝ ժամը 11:00-ին, Հայելի ակումբի հյուրն է Էդգար Էլբակեանը Ապրիլի 10-ին՝ ժամը 15:30-ին, Հայելի ակումբի հյուրն է Թաթուլ Պետրոսյանը Ապրիլի 10-ին՝ ժամը 14:00-ին, Հայելի ակումբի հյուրն է Հրանտ Բագրատյանը Ապրիլի 10-ին՝ ժամը 12:00-ին, Հայելի ակումբի հյուրն է Վոլոդյա Հովհանիսյանը
Հետևեք մեզ Viber-ում https://cutt.ly/5wn8sJBS
Hayeli.am