Իսկ ո՞վ է «բանակի 5-րդ շարասյան» գլխավոր հրամանատարը

Վերջին ասուլիսում Նիկոլ Փաշինյանը «սուզվեց» իրեն հոգեհարազատ շրիշակատակերը և հայտարարեց, թե պատերազմում պարտվելու պատճառն այն է, որ «բանակում 5-րդ շարասյուն» կար: Ասել կուզի՝ բանակում, զինված ուժերում դավաճանների կազմակերպված խումբ է եղել, որն էլ քաղպայմանագրի «Նապոլեոնի» պարտվելու և երկիրը, ազգը, բանակը աղետի մատնելու պատճառն է դարձել:

Ախ, այդ դավաճանները… «խեղճ Նիկոլն ի՜նչ աներ», չէ՞:

Սա, կներեք, արդեն ծիծաղելի էլ չէ: Թերևս միայն ստախոսության ու «կռուտիտների» մրցաշարին կարելի էր Փաշինյանի այդ հայտարարույթունը ներկայացնել:

Դե ինչ, Նիկոլ Փաշինյանը չի հոգնում ստելուց, իրողությունները խեղաթյուրելուց, անհեթեթություններ ասելուց, մենք էլ չենք հոգնի նրա ստերն ու հորինվածքները մերկացնելուց:

Նախ, բանակում «5-րդ շարասյան» մասին: Սա հայտարարում է մեկը, ում ձեռքերում ահա արդեն գրեթե 5 տարի է, ինչ կենտրոնացված է պետության ամբողջ իշխանությունը, կենտրոնացած են բոլոր իրավապահ, քննչական, հատուկ մարմինները, որի կրնկի տակ են դրված դատախազությունը, դատարանները: Կարճ ասած, բացարձակ բռնապետ է և բացարձակ իշխանություն: Առանց Նիկոլ Փաշինյանի իմացության անգամ գյուղապետ, ասենք, ի՜նչ գյուղապետ, գյուղի գրադարանավարուհի չի փոխվում կամ նշանակվում: Ու նման իշխանություն կենտրոնացած անձնավորությունը, պարզվում է, բանակում «5-րդ շարասյուն» լինել-չլինելու մասին խոսում է պատերազմից… գրեթե երկուսուկես տարի անց:

Սա այն նույն Նիկոլ Փաշինյանն է, որ սահմանային մարտերից հետո բռերով մեդալներ ու շքանշաններ էր բաժանում, բանակի մասին բարձրագոչ հայտարարություններ էր անում: Եվ ընդհանրապես, երկու տարի, նախքան 2020 թվականն ինչո՞վ էր զբաղված:

Բայց, եթե եղել է բանակում «5-րդ շարասյուն», ապա այդ «5-րդ շարասյան» գերագույն գլխավոր հրամանատարը եղել է ինքը՝ Նիկոլ Փաշինյանը:

Իշխանությունը վերցնելուց հետո, իսկապես, ինչո՞վ էր զբաղված Նիկոլ Փաշինյանը: Իսկ ահա, թե ինչով էր նա զբաղված: Մասնավորապես, Նիկոլ Փաշինյանը զբաղված էր Արցախի խնդրի կարգավորման բանակցային գործընթացը բացարձակ փակուղի մղելով, զբաղված էր խնդրի վերաբերյալ հակասական հայտարարություններ անելով, զբաղված էր բանակցային գործընթացի նախորդած տասնամյակների արդյունքները զրոյացնելով: Մեծ հաշվով, Նիկոլ Փաշինյանը զբաղված էր նրանով, որ հնարավորինս լեգիտիմացնի թշնամու՝ ռազմական գործողույթունների դիմելու նրկտումները:

Է՛լ ինչով էր զբաղված Նիկոլ Փաշինյանը: Զբաղված էր Ալիևի ներկայացուցչից իր բանագնացի միջոցով նամակ-մամակ ստանալով:

Զբաղված էր բանակային խոշոր ստորաբաժանումների հրամանատարներին փոփոխելով, զբաղված էր ԼՂՀ ՊԲ հրամանատարական կազմը կազմաքանդելով: Առհասարակ, բանակը կազմաքանդելով էր զբաղված:

Վերջնահաշվում Նիկոլ Փաշինյանը, ստանձնելով Հայաստանի վարչապետի պաշտոնը, զբաղված էր Արցախը հանձնելու նախապատրաստական աշխատանքներով: Եվ նա՞ է խոսում «5-րդ շարասյունից»:

Ո՞վ, եթե ոչ Նիկոլ Փաշինյանն էր, որ պատերազմի ընթացքում գործնականում բանակից տարանջատված պահեց առավել փորձառու ռազմական գործիչներին: Ո՞վ, եթե ոչ Նիկոլ Փաշինյանն էր՝ իր քարոզչամեքենայով, որ 44 օր շարունակ տարածում էր «Հաղթելու ենք», անգամ 2020-ի նոյեմբերի 9-ի երեկոյան, երբ արդեն ինքն էլ գիտեր, թե ինչ կապիտուլյացիոն հայտարարություն է ստորագրելու, անգամ այդ պահին, ահա, նա ապատեղեկացնում էր հանրությանը, թե՝ «Շուշիի համար համառ մարտերը շարունակվում են» ու նման բաներ:

Ո՞վ է խոսել «Իսկանդերի» 10 տոկոս կրակելուց: Ո՞վ է անհրթիռ Սու-եր գնելու որոշում ընդունել: Ախր ո՞ր մեկն ասես, ո՞րը թողնես…

Առհասարակ, ո՞վ է 4-5 տարվա մեջ պաշտպանության 4-5 նախարար նշանակել:

Կամ, լավ, 2020-ին բանակում, իբր «5-րդ շարասյուն» է եղել, հապա 2021-ի՞ն, բա 2022-ի՞ն:

Եղել է, թե չի եղել «5-րդ շարասյուն», թող պատկան մարմինները հայտարարեն, թող Նիկոլ Փաշինյանին «չեստ տված գեներալները» ասեն:

Բայց այն, որ Նիկոլ Փաշինյանը «5-րդ շարասյան» գլխավոր հրամանատար է, անգամ ասել պետք չէ: Ցավոք, դրա տեսանելի հետևանքները՝ ի դեմս ծվատված Արցախի ու պարբերական հարվածի տակ դրված Հայաստանի Հանրապետության, ինքնին խոսուն են:

Արթուր Խայթ

7or.am

դիտվել է 652 անգամ
Լրահոս
Ադրբեջանը մտադիր է որոշել Հայաստանի հետ պետական ​​սահմանը. Ալիևի օգնական Ադրբեջանի տնտեսության հենասյունը՝ էներգետիկ ոլորտը ճգնաժամի միտումներ է սկսել դրսևորել․ Վահե Դավթյան Ադրբեջանը մտադիր է որոշել Հայաստանի հետ պետական ​​սահմանը. Ալիևի օգնական Զրո ուշադրություն ուղերձին, զրո ուշադրություն Չվարչապետին, զրո տարածում և մեկնաբանում. որևէ խայծ կուլ մի տվեք. Վլադիմիր Մարտիրոսյան Ողբերգական ելքով վթար Մարգարա-Վանաձոր-Տաշիր ճանապարհին․ մեքենաներից մեկի ուղևորն ու վարորդը մահացել են ՀՀ դե-ֆակտո իշխանությունները ստելու են, ջղաձգվեն, սպառնան, մանիպուլացնեն, ասուլիսներ ու ուղերձներ տան․ Պետք է արհամարհել․ Միակ կարևոր տեղեկությունն է՝ մայիս 26-ին, ժամը 16:00-ին հանրահավաք․ Վերջ Հայաստանը չի ընդունի 2027 թվականի ԱՊՀ խաղերը Ֆեյսբուքում գրառում կատարելու համար ձերբակալվել է Տաթև Մուրադյանը. փաստաբան Ադրբեջանում Ֆրանսիայի դեսպանն այցելել է Բերձոր Լեո Նիկոլյանի նկատմամբ բռնության դեպքով քրեական վարույթ չի նախաձեռնվել «Իսկ ի՞նչ պետք է աներ Ասկերանի քաղաքապետ Շամիրյանը, ավտոմեքենան պիտի Ալիևի՞ն նվիրեր, և ո՞վ է տուժողն այժմ` Ադրբեջա՞նը»․ Փաստաբանի հարցն անպատասխան են թողել Դատարանը վճռել է ոչնչացնել անձրևանոցը, որն անցյալ տարի Նիկոլ Փաշինյանի ուղղությամբ նետել էր Բերձորից բռնի տեղահանված Նարինե Ասատրյանը ԵՄ երկրների միասնականությունը «ճաքեր է տալիս»․ Բորել Ինչ է ասել Լավրովը՝ Հայաստանում Ռուսաստանի դեսպանին Մոսկվա կանչելու վերաբերյալ Եթե ՄՔԴ-ն Նեթանյահուին ձերբակալելու օրդեր տա, ԵՄ երկրները պետք է կատարեն որոշումը․ Բորել Նռնակով բանկ ներխուժած անձը ձերբակալվել է Կոկորդիլոսագե'տ, սա ճի՞շտ է... Հարգելի հայրենակիցներ, չլսեք սույն ազգադավին Մի քանի ժամից Հայաստանի ադրբեջանացման քավորը կխոսի անկախությունից Երևանին մոտեցող ամպրոպը․ Սուրենյան Հայաստանից ՌԴ դեսպանին Մոսկվա խորհրդակցությունների կանչելը ռուսական կողմի որոշումն է. ՀՀ ԱԳՆ Առևանգելու դեպքով վարույթը կարճվել է․ սուտ մատնության հատկանիշներով նորն է նախաձեռնվել Պուտինը և Լուկաշենկոն Մինսկում բանակցություններ են վարում նեղ կազմով Փաշինյանը չի մեկնել Աշխաբադ՝ ԱՊՀ երկրների վարչապետների հանդիպմանը ՔԿ-ն հրաժարվել է քրեական վարույթ նախաձեռնել Թաթուլ Ասիլյանի կողմից հայտնի հրապարակման առթիվ
Ամենաընթերցվածները
Շուտով
Մայիսի 24-ին՝ ժամը 15։30-ին, Հայելի ակումբի հյուրն է Սոկրատ Հովսեփյանը Մայիսի 24-ին՝ ժամը 12։00-ին, Հայելի ակումբի հյուրն է Երվանդ Բոզոյանը Մայիսի 24-ին՝ ժամը 11:00-ին, Հայելի ակումբի հյուրն է Արամ Գասպարի Սարգսյանը Մայիսի 23-ին՝ ժամը 13։00-ին, Հայելի ակումբի հյուրն է Թաթուլ Պետրոսյանը Մայիսի 23-ին՝ ժամը 16։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը Մայիսի 23-ին՝ ժամը 15։00-ին, Հայելի ակումբի հյուրն է Հովհաննես Շահինյանը Մայիսի 23-ին՝ ժամը 14։00-ին, Հայելի ակումբի հյուրն է Նաիրա Զոհրաբյանը Մայիսի 23-ին՝ ժամը 12։00-ին, Հայելի ակումբի հյուրն է Վոլոդյա Հովհաննիսյանը Մայիսի 22-ին՝ ժամը 16։30-ին, Հայելի ակումբի հյուրն է Հովհաննես Իշխանյանը Մայիսի 22-ին՝ ժամը 14:00-ին, Հայելի ակումբի հյուրն է Խաչիկ Մանուկյանը
Հետևեք մեզ Viber-ում https://cutt.ly/5wn8sJBS
Hayeli.am