«Արմենիա» TV-ում ապրիլի 1-ից կրճատումներ կլինեն․ Արտալ Ալեքսանյանը հեռանում է

«Հրապարակ օրաթերթը» գրում է․ Մենք տեղեկացանք, որ «Արմենիա» հեռուստաընկերության լրատվական բաժնում ապրիլի 1-ից կտրուկ փոփոխություններ են լինելու, իսկ ավելի կոնկրետ՝ կրճատումներ:


Հեռուստաընկերությունից հեռանում են նաեւ «Ժամը» լրատվական ծրագրի ղեկավար Արտակ Ալեքսանյանը եւ նրա թիմի մի մասը: Ծրագրի գլխավոր խմբագիր Գնել Նալբանդյանը «Հրապարակի» հետ զրույցում ասաց, որ ինքն էլ է խմբագրի պաշտոնից հեռանում, սակայն մնում է «Արմենիա» TV-ում որպես օմբուդսմեն:

«Լրատվականից հեռանում է մոտ 6 լրագրող»,- ասաց նա։ Թե ովքեր են նրանք, խմբագիրը չի նշում, ասում է՝ բոլոր լրագրողներն էլ լավն են, խելացի ու հմուտ, սակայն կրճատումները, հավանաբար, կապված են ֆինանսական խնդիրների հետ: «Ամբողջ կազմը չի փոխվում, հեռանում է մի քանի լրագրող, նաեւ՝ ծրագրի ղեկավար Արտակ Ալեքսանյանը: Ես զբաղեցնելու եմ հեռուստաընկերության օմբուդսմենի պաշտոնը»,- ասաց Գնել Նալբանդյանը:

Մենք տեղեկություն ունեինք, որ «Արմենիա» TV-ի «Ժամը» լրատվական ծրագրի ղեկավարի պաշտոնը վստահվելու է հեռուստալրագրող Վահե Ղազարյանին, ով երկար տարիներ աշխատում է նույն հեռուստաընկերության «Սուր անկյուն» հաղորդաշարում՝ որպես հաղորդավար: Գնել Նալբանդյանը նշեց, որ դեռեւս այդ մասով ոչինչ հստակ չէ, սակայն ինքը եւս լսել է այդ խոսակցությունները․ «Ապրիլի 1-ին ամեն ինչ ավելի հստակ կլինի, ես եւս լսել եմ այդ խոսակցությունները, սակայն այս պահի դրությամբ հստակ որոշում չկա»:

Մենք նաեւ հետաքրքրվեցինք, թե ինչու են հեռուստաընկերությունում կրճատումներ արվում, ինչն է պատճառը։ «Կրճատումները հիմնականում պայմանավորված են լինում երկու հանգամանքով` ֆինանսներ եւ օպտիմալացում, գուցե ծախսերը կրճատելու նպատակ կա: Սովորաբար այդպես է լինում, ես ֆինանսների հետ երբեք կապ չեմ ունեցել, հստակ ասել չեմ կարող, սակայն ենթադրում եմ, որ բոլոր TV-ներն էլ ծախսերն օպտիմալացնել ցանկանում են: Արտակ Ալեքսանյանը Newmag հրատարակչության հիմնադիր տնօրենն է, զբաղվելու է այդ գործով: Ես էլ լինելու եմ հեռուստաընկերության օմբուդսմենը, զբաղվելու եմ տեսալսողական մեդիայի այն նոր օրենքով, որը հեռուստաընկերություններին պարտադրում է ունենալ ներքին ինքնակարգավորման մեխանիզմ: Այսինքն` եթե որեւէ անհատ համարում է, որ հեռուստաընկերությունում` լրատվության մեջ, կամ հաղորդումներում վիրավորել են ինչ-որ մեկին կամ էթիկայի նորմերից դուրս հայտարարություններ են արել, կարող է դիմել հեռուստաընկերության օմբուդսմենին, օմբուդսմենն էլ իր հերթին քննելու է խնդիրը, եթե դիմումատուի պահանջները համարվեն արդարացի, լրատվականին կամ տվյալ հաղորդաշարին պարտադրվելու է կա՛մ հերքել, կա՛մ ներողություն խնդրել, կա՛մ էլ տալ պատասխան խոսքի հնարավորություն: Այսինքն` օմբուդսմենը ոչ թե հեռուստաընկերության շահերն է պաշտպանելու, այլ` սպառողի, տուժող կողմի»,- նշեց նա:

Հարցին, թե կրճատումներից հետո ովքեր են համալրելու «Ժամը» լրատվականի շարքերը, եւ, վերջապես՝ ո՞վ է լինելու ծրագրի գլխավոր խմբագիրը, մեր զրուցակիցն ասաց, որ այդ մանրամասներին չի տիրապետում. «Հավանաբար, ապրիլի 1-ից նոր փոփոխություններ կլինեն»: Այն հարցին էլ, թե լրատվական բաժնից բացի էլ որ բաժիններում են եղել կրճատումներ, Գնել Նալբանդյանն ասաց. «Այլ բաժիններում եւս եղել են կրճատումներ: Օրինակ` սերիալային արտադրություններում եւս կրճատումներ եղել են, սակայն քովիդի շրջանում: Կորոնավիրուսի տարածման շրջանում շատերը սկսեցին չգալ աշխատանքի, շատերն էլ կրճատվեցին: Ինչ վերաբերում է այսօրվան, ապա ՀԸ-ում երկու ծրագիր է ամենօրյա ռեժիմով աշխատում` առավոտյան ծրագիրը եւ «Ժամը» լրատվականը: Ուրիշ այլ ծրագիր` ամենօրյա ռեժիմով, այս պահին չկա»:

Մենք տեղեկացանք նաեւ, որ ՀԸ սեփականատերը՝ Արթուր Ջանիբեկյանը, վաղուցվանից էր ծրագրում վաճառել TV-ն եւ գնորդ էր փնտրում, անգամ տեւական ժամանակ բանակցություններ է վարել Ռուբեն Վարդանյանի հետ, սակայն կարծես թե գնի հարցում համաձայնության չեն եկել, եւ «Արմենիան» չի վաճառվել։ Պատճառը, ըստ մեր աղբյուրի, այն է, որ TV-ն մեծ վարկային պարտավորություններ ունի եւ անգամ այս պահին արգելանքի տակ է, եւ վաճառքն էլ հնարավոր չէ։ Ուստի որոշել են գնալ խնայողությունների ճանապարհով։

Ինչ վերաբերում է Արտակ Ալեքսանյանին, ով 2015 թվականից ղեկավարել է «Արմենիա» ՀԸ «Ժամը» լրատվականը, նա լրատվական դեպարտամենտը ղեկավարելուն զուգահեռ իրականացնում էր նաեւ առանձին նախագծեր եւ վերջին 5 տարին ղեկավարում է «Նյումեգ» գրահրատարակչությունը, որը դարձել է ոլորտի առաջատարներից մեկը։ Նա մեզ բացատրեց․ «Այժմ գրահրատարակչական աշխատանքը պահանջում է ավելի շատ ժամանակ եւ ռեսուրսներ։ Որոշել եմ կենտրոնանալ հրատարակչական գործի վրա եւ ամբողջ ժամանակը տրամադրել գրքերին՝ հայ ընթերցողին ներկայացնելով ավելի շատ հայկական եւ համաշխարհային բեսթսելլերներ»։

 

դիտվել է 1025 անգամ
Լրահոս
Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են Բաքուն ռազմական է հռչակել օկուպացված Ստեփանակերտի մարզամշակութային համալիրը Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am