Ալիևի ռեժիմը «մաքուր» ճողոպրում է Իրանից

Ադրբեջանի արտգործնախարարությունն այսօր իր երկրի քաղաքացիներին կոչ արեց ձեռնպահ մնալ Իրան այցելելուց։ «Հաշվի առնելով Իրանում անկայուն իրավիճակը և Ադրբեջանի դիվանագիտական առաքելության դեմ իրականացված ահաբեկչական գործողությունն՝ Ադրբեջանի քաղաքացիներին խորհուրդ ենք տալիս ձեռնպահ մնալ Իրան այցելելուց, եթե դա ծայրահեղ անհրաժեշտ չէ, իսկ այցելելու դեպքում մեծ զգուշություն ցուցաբերել»,-հունվարի 31-ին հայտարարել է Ադրբեջանի արտաքին քաղաքական գերատեսչությունը, նշելով, որ հյուպատոսական հարցերով Իրանում Ադրբեջանի քաղաքացիները կարող են դիմել Թավրիզում գտնող գլխավոր հյուպատոսություն։

Հիշեցնենք, որ հունվարի 27-ին Թեհրանում Ադրբեջանի դեսպանատան վրա կատարված զինված հարձակումից հետո դեսպանատան աշխատակազմը տարհանվել է Բաքու։ Հարձակման հետևանքով զոհվել է դեսպանատան անվտանգության ծառայության ղեկավարը, անվտանգության ևս երկու աշխատակիցներ վիրավորվել են։
Ադրբեջանի նախագահը միջադեպը ահաբեկչություն է որակել։ Մինչդեռ Իրանի պաշտոնյաները պնդում են, որ հարձակվողն անձնական, ընտանեկան խնդիրներ է ունեցել։

Երեկ արդեն հայտնի դարձավ, որ Իրանում Ադրբեջանի դեսպանատունը դադարեցնում է աշխատանքը...

Թեհրանում Ադրբեջանի դեսպանատունը դադարեցրել է դիվանագիտական գործունեությունը, կիրակի օրը լրագրողներին հայտարարեց հանրապետության արտաքին գործերի փոխնախարար Խալաֆ Խալաֆովը։ «Մենք ամբողջությամբ կասեցրել ենք դեսպանատան դիվանագիտական գործունեությունը»,-ասել է փոխարտգործնախարարը։ Խալաֆովը նշել է, որ դիվանագիտական ներկայացուցչությունում մնացել է հինգ աշխատակից, որոնք կհսկեն վարչական շենքը և դեսպանատան գույքը։ «Բայց նրանք դիվանագիտական գործունեություն չեն ծավալի»,-մանրամասներ է հայտնել նա։

Նրա խոսքով դեսպանատան գործունեությունը դադարեցնելու որոշումը չի տարածվում Թավրիզում Ադրբեջանի գլխավոր հյուպատոսության վրա, որը շարունակում է աշխատել։

Երեկ էլ «Ադրբեջանական ավիաուղիների» հատուկ չվերթով Իրանից տարհանվեցին դեսպանատան աշխատակիցները: Ադրբեջանական լրատվամիջոցները հայտնում էին, որ ինքնաթիռը նախորդ օրը երեկոյան վայրէջք է կատարել Բաքվում։ Բաքու է փոխանցվել նաև դեսպանատան վրա զինված հարձակման հետևանքով զոհված անվտանգության ծառայության ղեկավարի դին։

Ադրբեջանի փոխարտգործնախարար Խալաֆ Խալաֆովը, մեկնաբանելով դեսպանատան վրա կատարված զինված հարձակումը, ասել է. - «Վիեննայի կոնվենցիայի համաձայն, երկիրը, որտեղ գտնվում է դեսպանատունը, պատասխանատու է անվտանգության համար։ Հետևաբար, Իրանը պատասխանատու է ահաբեկչության և դրա ծանր հետևանքների համար»։

Խալաֆովը նաև հավելել է, որ Բաքուն բազմիցս ծանուցել է Իրանի իշխանություններին Ադրբեջանի դիվանագիտական ներկայացուցչությունների անվտանգության ուժեղացման անհրաժեշտության մասին, քանի որ կան որոշակի ռիսկեր։

Խալաֆովի խոսքով՝ Բաքուն համաձայն չէ Թեհրանի վարկածին, ըստ որի, հարձակման պատճառ են դարձել ընտանեկան հանգամանքները։ Ըստ Ադրբեջանի փոխարտգործնախարարի՝ միջադեպը մեծ վնաս է հասցրել Բաքվի և Թեհրանի հարաբերություններին։

Բաքվում երեկ վերջին հրաժեշտն են տվել Թեհրանում Ադրբեջանի դեսպանատան վրա իրականացված զինված հարձակման ընթացքում զոհված անվտանգության ծառայության սպա Օրհան Ասքերովին։ Ըստ ադրբեջանական աղբյուրների՝ Ասքերովին հուղարկավորել են «Շեհիդների ծառուղում»։ Trend գործակալության փոխանցմամբ՝ ադրբեջանցի սպայի հուղարկավորության արարողությանը մասնակցել են բոլոր ուժային կառույցների ղեկավարները՝ պաշտպանության նախարար Զաքիր Հասանովը, Պետանվտանգության ծառայության տնօրեն Ալի Նագիևը, ներքին գործերի նախարար Վիլայաթ Էյվազովը։

Թե ինչու է Ալիևը խուճապահար իր քաղաքացիներին հանում Իրանից` միայն ենթադրություններ կարելի է անել: Արդյոք Իրանում Ադրբեջանի դեսպանատան միջադեպն ընդամենը առի՞թ էր, որպեսզի Ալիևի ռեժիմը «մաքուր» ճողոպրեր Իրանից, ունենալով տեղեկություններ, որ առաջիկայում Իրանում անհանգիստ ժամանակներ կարող են վրա հասնել:

Ի դեպ, երեկ Իրանը հաստատեց Սպահանում գտնվող ռազմական գործարանին հունվարի լույս 29-ի գիշերը հասցված հարվածի մասին տեղեկությունները, կիրակի երեկոյան հաղորդել է իսլամական հանրապետության պետական հեռուստատեսությունը՝ պնդելով, որ երկրի ՀՕՊ ուժերին հաջողվել է խոցել գործարանը գրոհած քվադրոկոպտերները։

Ավելի վաղ Իրանի պաշտպանության նախարարությունը հայտնել էր, որ գործարանը գրոհել են երեք անօդաչու սարքեր, «որոնցից երկուսը խոցվել են երրորդի հասցրած վնասն էլ աննշան է եղել»։ Անօդաչու սարքերի ծագման մասին առայժմ տեղեկություններ չկան։

Միացյալ Նահանգների պաշտպանության նախարարության խոսնակ Պատրիկ Ռայդերը հայտարարել է, որ ամերիկյան կողմը Սպահանում իրականացված հարձակման հետ որևէ կապ չունի։ Իսկ ահա Իսրայելը հարձակումների փաստն առայժմ չի մեկնաբանել։

Մետաքսյա Շալունց

դիտվել է 3102 անգամ
Լրահոս
Անչափահասների մասնակցությամբ հերթական ծեծկռտուքն ու վիճաբանությունն է եղել Շահրամանյանի կողքը կանգնած խորհրդատուները կործանում են հենց Շահրամանյանին. Տիգրան Քոչարյան Նիկոլ Փաշինյանի նյարդերը տեղի են տվել Նոր դիվանագիտական սկանդալ է հասունանում արտգործնախարարությունում Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար Փաշինյանը փակագծերը չի բացում. Արեւմտամետները կասկածում են Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին Ովքե՞ր են ընդգրկված լինելու Հայկ Մարությանի նոր կուսակցությունում Դիանա Գալոյանը նոր պաշտոն կստանա՞ Գյումրիում Նիկոլ Փաշինյանին շատ «ջերմ» ընդունելություն են ցույց տվել Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով
Ամենաընթերցվածները
Շուտով
Մարտի 29-ին՝ ժամը 14։30-ին, Հայելի ակումբի հյուրն է Միկա Բադալյանը Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը
Հետևեք մեզ Viber-ում https://cutt.ly/5wn8sJBS
Hayeli.am