Մոսկվայում տղամարդը սպանել է նախկին կնոջն ու որդուն, իսկ հետո ինքնասպան եղել

Մոսկվայի հյուսիսում տղամարդը սպանել է նախկին կնոջն ու որդուն, իսկ հետո ինքնասպան եղել։ ՌԴ Քննչական կոմիտեից հայտնել են, որ սպանության պատճառը բնակարանային գրանցման մերժումն է։

Հունվարի 29-ի գիշերը 45-ամյա տղամարդը եկել է Ֆլոտսկայա փողոցի բնակարան, որտեղ նախկինում ապրում էր ընտանիքի հետ։ Նրա 20-ամյա որդին հրաժարվել է տղամարդուն թողնել բնակարան, վիճաբանություն է սկսվել, եւ նա դանակահարել է որդուն։ Այնուհետեւ տղամարդը մտել է բնակարան, դանակով 10 անգամ հարվածել 42-ամյա նախկին կնոջը եւ ինքնասպան եղել։

Այդ ժամանակ բնակարանում եղել է մահացածի հարսնացուն եւ մոր ծանոթը, որոնք պատմել են տեղի ունեցածի մանրամասները։ Հարուցվել է քրեական գործ։

Աղբյուր` Փաստինֆո