Ալիևն ուռուցք ունի. ադրբեջանցի քաղաքագետի սկանդալային հայտարարությունը
Ադրբեջանցի քաղաքագետ Արիֆ Յունուսովը սկանդալային հայտարարություն է արել Ադրբեջանի նախագահ Իլհամ Ալիևի առողջական վիճակի հետ կապված: Նա նշել է, որ Ալիևը, ամենայն հավանականությամբ, տառապում է ուռուցքաբանական հիվանդությամբ:
Ադրբեջանցի քաղաքագետի խոսքով՝ ադրբեջանցիներն այդ մասին չգիտեն, քանի որ իր երկրում բավականին դժվար է ցանկացած տեղեկություն իմանալը, մանավանդ, երբ խոսքը վերաբերում է երկրի նախագահին, նրա անձնական կյանքին ու առողջական վիճակին:
«Այն, ինչ վերաբերվում է Ալիևի ընտանիքին, անձնական կյանքին հույժ գաղտնի է պահվում: Մենք կարող ենք այդ մասին ենթադրել, քանի որ նա 2020 թվականին հաճախ էր բացակայում և նրա բացակայությունների մասին նույնիսկ նախագահի մամուլի ծառայությունը չէր հայտնում»,- ասել է Յունուսովը:
Աղբյուր` Փաստինֆո