ԼՂ-ի առաջին պատերազմում Բաքվին զինադադար պարտադրած Հայաստանի հետ ալիևյան հանցագործ կլանն այս լեզվով է խոսում

Ադրբեջանի արտգործնախարար Ջեյհուն Բայրամովը, երեկ ամփոփում էր ընթացիկ տարին, և կարելի է ասել Հայաստանի հետ խոսել է վերջնագրերի լեզվով:

Ահա, Բայրամովը թեև ասել, որ է Հայաստանի հետ հարաբերությունները կարգավորելու բանակցություններում Բաքուն նպատակաուղղված է արդյունքի վրա, սակայն քիչ անց հնչել է մեղադրանքների ու պահանջների տարափ: «Ադրբեջանը տարբեր հարթակներով միշտ պատրաստ է երկխոսության, բայց Հայաստանի հետ բանակցություններում հիմնական նպատակը արդյունքն է»,- ասել է նա։ Տարվա ընթացքում Հայաստանի հետ բանակցություններում ձեռք բերված առաջընթացը նա գնահատել է «շատ սահմանափակ», որի պատճառը համարել է «հայկական կողմի ոչ կառուցողական և ոչ հետևողական դիրքորոշումը»։

Ըստ Բայրամովի՝ խաղաղության համաձայնագրի ստորագրումը, սահմանի դելիմիտացիան և տարածաշրջանում հաղորդակցության ուղիների բացումը երեք տարբեր գործընթացներ են։ Բայրամովն ասել է, թե գաղտնիք չէ, որ ռուսական կողմն առաջարկել էր ապագային թողնել Ղարաբաղի կարգավիճակի հարցը, և նշել, որ Ադրբեջանը առաջին օրվանից դա անընդունելի է համարել. «Ադրբեջան պետությունը բարձր մակարդակով հայտարարել է, որ Ղարաբաղի էթնիկ հայերը Ադրբեջանում ապրելու իրավունք ունեն և Ադրբեջանը պատրաստ է ապահովել նրանց իրավունքները»։

Նա ասել է, թե Ղարաբաղի հայերի հետ դրական շփումների օրինակներ են եղել, բայց «տարածաշրջան է ուղարկվել արատավոր անցյալ ունեցող մարդ», հավելել, թե Ադրբեջանը պատրաստ է կանխելու նման սադրանքները։ Բայրամովն ասել է, թե ադրբեջանական կողմը երբեք շփումներ չի ունենա պետական նախարար Ռուբեն Վարդանյանի հետ, իսկ տեղի բնակչության հետ ապագայում ևս շփումներ կլինեն, և դա նորմալ է համարել։ Հիշեցնենք, որ Արցախի պետնախարարը օրերս հայտարարեց, որ ինքը կատարել է իր ընտրությունը՝ մնալու է Արցախում և շարունակելու է պայքարը:
Ապա հնչել է Բաքվի մեղադրանքների շարանը: Բայրամովը պնդել է, որ հայկական բոլոր զինված խմբավորումները պետք է դուրս գան Արցախից... «Հայկական անօրինական զինված խմբավորումները պետք է դուրս գան Ադրբեջանի Ղարաբաղ շրջանից: Եռակողմ հայտարարության մեջ նշված է, որ այդ անօրինական զինված խմբավորումները պետք է դուրս բերվեն Ղարաբաղից: Ադրբեջանի համար անընդունելի է նրանց գտնվելը մեր տարածքում»,- ասել է Բայրամովը: Նրա խոսքով՝ շատ դեպքերում հայ պաշտոնատար անձիք պնդում են, որ դա վերաբերում է Հայաստանի զինված ուժերին: «Բայց նրանք անգամ դա չեն արել: Դա ապացուցող բազմաթիվ ապացույցներ ունենք: Սակայն եռակողմ հայտարարության մեջ խոսքը Ղարաբաղից հայկական զինված խմբավորումները դուրս բերելու մասին է: Բոլոր զինված խմբավորումները պետք է դուրս բերված լինեին խաղաղապահ զորամիավորման տեղակայման պահին»,- ասել է նա:

Բայրամովի խոսքով՝ իրենք մշտապես բարձրացնում են այդ հարցը հանդիպումներում: «Ռուսական կողմի դիրքրոշումն այն է, որ դա եռակողմ հայտարարություն է, և այստեղ կա Հայաստան, որը ստորագրել է այն: Դա Հայաստանի պարտավորությունն է, և Հայաստանը պետք է ապահովի Ղարաբաղից հայկական զինված խմբավորումների դուրս բերումը: Դա իսկապես Հայաստանի պարտավորությունն է, և նա խախտում է այդ պարտավորությունը: Դրան զուգահեռ մշտապես լարվածություն է ստեղծում տարածաշրջանում: Բազմաթիվ դեպքերում Ղարաբաղում լարվածության պատճառը այնտեղ անօրինական զինված խմբավորումների գործունեությունն է»,- ասել է նա:
Այնուհետև Բայրամովը հայտարարել է, որ Բաքվի համար անընդունելի է Ռուսաստանի այն առաջարկը, որ Ղարաբաղի կարգավիճակի հարցը պետք է թողնել ապագային. «Գաղտնիք չէ, որ ռուսական կողմն առաջարկել է Ղարաբաղի կարգավիճակի հետ կապված հարցը թողնել գալիք տարիներին,- ասել է Բայրամովը՝ հավելելով, որ յուրաքանչյուր երկիր կարող է առաջարկներ անել:- Բայց մենք պետք է մնանք մեր օրակարգի, մեր առաջարկների սահմաններում: Մենք առաջին օրից հայտարարել ենք, որ այդ առաջարկն անընդունելի է: Մենք բանակցություններ ենք վարում հիմնարար սկզբունքների հիման վրա: Ադրբեջանը քայլեր է ձեռնարկում միայն իր ազգային շահերի շրջանակում»:

Ապա, բանը հասել է նրան, որ Բայրամովը ոչ ավել, ոչ պակաս կարծիք է հայտնել, թե Հայաստանում ԵՄ նոր առաքելության տեղակայումը պետք է համաձայնեցվի Բաքվի հետ. «Ադրբեջանն առայժմ չի ստացել որևէ հաշվետվություն, որևէ փաստաթուղթ Հայաստանի և Ադրբեջանի չսահմանազատված սահմանին ԵՄ ավարտված առաքելության մասին»:

Նա նշել է, որ չնայած դրան՝ հերթական առաքելության տեղակայման նախապատրաստական աշխատանքներ են ընթանում. «Ադրբեջանը պետք է տեղեկություն ստանա նոր առաքելության էության, դրա աշխարհագրական ընդգրկվածության մասին, քանի որ առաքելությունը պետք է բոլոր հարցերը համաձայնեցնի Ադրբեջանի հետ: Չնայած նրան, որ այն ուղարկվելու է Հայաստանի տարածք, այդ հարցը վերաբերում է Ադրբեջանի շահերին»: Բայրամովի խոսքով՝ ԵՄ-ում գիտեն Ադրբեջանի բացահայտ դիրքորոշումն այդ հարցի վերաբերյալ. «Պետք է լինի տեղեկության փոխանակում և համաձայնեցում մեզ հետ»:

Դե իսկ վերջին «ակորդը»՝ Բաքվի հետևյալ պահանջն է՝ Հայաստանը պետք է վերադարձնի ութ անկլավները... «Սահամանզատման գործընթացը, որքան էլ որ բարդ լինի, պետք է տեղի ունենա բանակցությունների միջոցով՝ բոլոր փաստաթղթերի իրավաբանական ուսումնասիրությանը զուգընթաց: Անհրաժեշտ է առաջ շարժվել քայլ առ քայլ: Այս համատեքստում առկա է ութ գյուղերի հարցը, որտեղ հարյուրամյակներ շարունակ ապրել են ադրբեջանցիներ: Ուստի այդ գյուղերը պետք է վերադարձվեն Ադրբեջանին»,- ասել է Բայրամովը:

Ապա նա համարձակվել է կոչ անել Հայաստանին՝ դադարեցնել «սադրանքները սահմանին»: «Հայաստանը պետք է վերջ տա ցանկացած տեսակի սադրանքներին, որոնք դանդաղեցնում են [սահմանազատման] գործընթացը: Այդպիսի դեպքերն անընդունելի են»,- ասել է նա:

Երբ պետք է աշխարհը դադարի լսել ադրբեջանական կեղծ հայտարարությունները, անհիմն, ապօրինի պահանջներ, ընդ որում՝ հայկական պետության վրա սուտ ու լուտանքներ թափելով: Բաքվի այս՝ բոլոր սահմաններն անցած «մուննաթները» երբ պետք է դադարեն:

Մի կողմից հայ հասարակության մոտ արդարացի զայրույթ է արթնանում, մյուս կողմից՝ հայկական պետականության գլխին այնպիսի իշխանություն չի, որը հավասարը հավասարի հետ խոսա, ընդդիմանա, հակադարձի Ալիևի բռնատիրական, ֆաշիստական երկրին:

Ցավալին, անշուշտ սա է, որ արցախյան առաջին պատերազմում ռազմի դաշտում հաղթանակ տարած, Ադրբեջանին զինադադար պարտադրած Հայաստանի հետ այսօր ալիևյան հանցագործ կլանն այս լեզվով է խոսում...

'Մետաքսյա Շալունց

դիտվել է 2265 անգամ
Լրահոս
Այսօր ընթանում ենք խաչելության խորհրդով՝ մատնված, դավաճանված՝ խաղաղության համբույրի պատրվակի ներքո Պատգամավորներից մինչև ՊԵԿ օպերլիազորներ․ թանկարժեք ժամացույց հայտարարագրած պաշտոնյաները. «Հետք» Վիճաբանություն և ծեծկռտուք՝ Երևանում․ կռվի մասնակիցների մեծ մասը անչափահասներ են․ կա վիրավոր Վթարային ջրանջատում է սպասվում մի շարք հասցեներում Ի՞նչ հիմքով են ուզում պետականացնել «Գրողների միության» և «Նկարիչների միության» շենքերը. Դատախազության տեղեկանքը Հայաստանում ԵՄ առաքելությունը վերածվում է ՆԱՏՕ-ի առաքելության. ՌԴ ԱԳՆ ՀՀ իշխանությունը ամեն կերպ մոռացության է տալիս Արցախն ու Արցախի հարցը. ՀՅԴ Բյուրո Բաղանիսցիները զայրացած են. վրդովված են իշխանության հայտարարություններից․ «Հայաստան» խմբակցություն Խելքի աշաեցե՜ք. Նիկոլին սպասարկող և թուրքերին բացահայտ ծառայողի պահվածք դրսևորող սույն քայլիստ երեսփոխանը ուրիշների գործակալ լինելու մասին է խոսում... Թուրքիան ԱՄՆ-ի հետ բանակցություններ է սկսել Ուկրաինային զինամթերք մատակարարելու հարցով Հայկազ Բաղմանյանը հերքում է Սուրիկ Խաչատրյանից 10 մլն դրամ պարտք վերցնելը․ Հետք «Ջերմուկի» ապակյա շիշը կոտրվել է և դրա բեկորը դիպել է քաղաքացու աչքին Լարսը բաց է ՀՀ ղեկավարությունը միտումնավոր փլուզում է հարաբերությունները Ռուսաստանի հետ․ Լավրով Գողացել են «Գոյ» թատրոնի անձնակազմի սեփական գույքը Խոշոր ավտովթար՝ Երևանում․ բախվել են «Nissan»-ն ու «Ford Transit»-ը. վարորդները հիվանդանոցում են Բաքուն ռազմական է հռչակել օկուպացված Ստեփանակերտի մարզամշակութային համալիրը Ավագ հինգշաբթին Մայր Աթոռ Սուրբ Էջմիածնում Աբովյան քաղաքի մոտ բախվել են շտապօգնության ավտոմեքենան ու «Mercedes»-ը Ապացույցներ են ձեռք բերվել, որ «Կրոկուս Սիթի Հոլ»-ի ահաբեկիչները կապ ունեն ուկրաինացի ազգայնականների հետ. ՌԴ Քննչական կոմիտե ՀՀ տարածքում կան փակ և դժվարանցանելի ճանապարհներ․ Լարսը բաց է Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան Ստացվում է՝ «ժողովրդավարության բաստիոնի» կառավարչի համար ես, Վազգենը, Դոնալդ Թրամփն ու Ջո Բայդենը խnւլիգաններ ենք․ Դուք նու՞յնպես այդպես եք կարծում․ Սամսոնյանի բաց նամակը՝ ԱՄՆ դեսպանին Հայաստանը ցեղասպանության կանխարգելման պայքարի առաջատար է. Լեմկինի ինստիտուտի տնօրեն
Ամենաընթերցվածները
Շուտով
Մարտի 29-ին՝ ժամը 13։00-ին, Հայելի ակումբի հյուրն է Տիրան Լոքմագօզյանը Մարտի 29-ին՝ ժամը 14։00-ին, Հայելի ակումբի հյուրն է Կարապետ Մինասյանը (Արդարադատության նախարարի նախկին տեղակալ) Մարտի 29-ին՝ ժամը 16։30-ին, Հայելի ակումբի հյուրն է Մարինա Խաչատրյանը Մարտի 29-ին՝ ժամը 15։00-ին, Հայելի ակումբի հյուրն է վերլուծաբան Արգիշտի Կիվիրյանը Մարտի 29-ին՝ ժամը 15։30-ին, Հայելի ակումբի հյուրն է Գառնիկ Դավթյանը Մարտի 28-ին՝ ժամը 16։00-ին, Հայելի ակումբի հյուրն է Նաիրի Հոխիկյանը Մարտի 28-ին՝ ժամը 15։00-ին, Հայելի ակումբի հյուրն է Հովհաննես Իշխանյանը Մարտի 28-ին՝ ժամը 14։00-ին, Հայելի ակումբի հյուրն է Սերգեյ Շաքարյանցը Մարտի 28-ին՝ ժամը 13։00-ին, Հայելի ակումբի հյուրն է Ձյունիկ Աղաջանյանը Մարտի 28-ին՝ ժամը 11։00-ին, Հայելի ակումբի հյուրն է Երվանդ Բոզոյանը
Հետևեք մեզ Viber-ում https://cutt.ly/5wn8sJBS
Hayeli.am