Ադրբեջանի ԱԳՆ-ն նոտա է հղել Իրանի դիվանագիտական ներկայացուցչությանը
Ադրբեջանի արտաքին գործերի նախարարությունը նոտայով դիմել է Ադրբեջանում Իրանի Իսլամական Հանրապետության դեսպանատանը՝ Իրանի քաղաքացիների՝ առանց համապատասխան թույլտվության Ստեփանակերտ մուտք գործելու առնչությամբ։
Ինչպես փոխանցում է Ադրբեջանի ԱԳՆ մամուլի ծառայությունը, այս մասին հայտարարել է Ադրբեջանի արտգործնախարարության մամուլի խոսնակ Այխան Հաջիզադեն։ Վերջինս ընդգծել է, որ «Ադրբեջանի տարածքներ» կատարվող ցանկացած այց պետք է իրականացվի Ադրբեջանի ազգային օրենսդրությամբ սահմանված կանոններին, ինքնիշխանության և տարածքային ամբողջականության սկզբունքներին համապատասխան: