Առաջիկա երկու օրերին երեւանցիներն ավտոբուսներում եւ միկրոավտոբուսներում ավելի են կծկվելու,նսեմանալու
Հայաստանի հպարտ քաղաքացի երեւանցիները ամեն առավոտ եւ երեկո գերբեռնված միկրոավտոբուսներում, ավտոբուսներում իրար սեղմված, իրենց կոշիկի համարի չափով կանգնելու տեղ որոնելով՝ նսեմանում են։ Առաջիկա երկու օրերին երեւանցիներն ավտոբուսներում եւ միկրոավտոբուսներում ավելի են կծկվելու,նսեմանալու։ Երեւանի մետրոպոլիտենը դեկտեմբերի 6-ին եւ 7-ին՝ ժամը 11-ից 18:00-ն չի գործի, մետրոպոլիտենն այդ մասին հայտարարել է․ «Եվրատեսիլի պատվիրակության անդամների մասնակցությամբ կնկարահանվի մեր երկրի պատմությունը, ավանդություններն ու մշակույթը ներկայացնող ծրագիր, որն անցկացվելու է Երեւանի Մետրոպոլիտենում: Նկարահանումն անխափան իրականացնելու նպատակով դեկտեմբերի 6-ին եւ 7-ին՝ ժամը 11-ից 18:00-ը մետրոն չի գործի»։
Նկարահանումներ անելու համար ամբողջ երկու օր փակելու են Երեւանի հիմնական տրանսպորտ մետրոպոլիտենը եւ Երեւանի հպարտ, ավելի ճիշտ՝ նսեմացած քաղաքացիները այդ փակման դեմ չեն բողոքում։ Թող իրենց նկարահանումը ոչ թե մետրոյում, այլ՝ ուրիշ տեղ անեն, կամ էլ՝ ժամը 23-ից հետո, երբ մետրոյի գնացքների երթեւեկը դադարում է , որքան սիրտներն ուզում է, նկարեն։ Մեր տուն Երեւանում դարձել ենք տնվոր, եւ դա արդեն ընդունված, սովորական բան է համարվում։
Ոսկան Սարգսյանի գրառումը