Ղազախստանի ոստիկանությունը բերման է ենթարկել չարտոնված ցույցի մասնակիցներին (տեսանյութ)
Աստանայի ոստիկանությունը ձերբակալել է հասարակական կարգը խախտող չարտոնված ցույցի մասնակիցներին։ Այս մասին հայտնում է ՏԱՍՍ-ը՝ հղում անելով Ղազախստանի ՆԳՆ-ին։
Գերատեսչության տվյալներով՝ Աստանայի գիշերային ակումբներից մեկում գործարարը մոտ 300 մարդու է ներգրավել «զանգվածային մշակութային միջոցառմանը» մասնակցելու և նրանց «անօրինական երթի» կանչել։Հաղորդագրության մեջ նշվում է, որ երթի մասնակիցները դիմադրություն են ցույց տվել իրավապահներին։