Այդ հանցանքին ուղիղ և անուղղակի մասնակցություն ցուցաբերած ցանկացած դավաճան կանգնելու է հայ ժողովրդի պատմության դատաստանի առջև
Նոյեմբերի 25-ը հայ ժողովրդի ամենամեծ թշնամու՝ Նիկոլ Փաշինյանի կողմից Քարվաճառի շրջանը, առանց մի կրակոցի, առանց մարտական գործողությունների, գրիչի մի հարվածով՝ Ադրբեջանին հանձնելու օրն է։ Հատկանշական է, որ նոյեմբերի 9-ի կապիտուլյացիոն հայտարարությամբ նախատեսվում էր շրջանն Ադրբեջանին հանձնել մինչև 2020 թվականի նոյեմբերի 15-ը, սակայն, Նիկոլ Փաշինյանի և Իլհամ Ալիևի բանավոր պայմանավորվածությամբ, որոշում կայացվեց Քարվաճառը թշնամուն հանձնել այն ազատագրող հրամանատարի՝ Հայաստանի Ազգային Հերոս, Արցախի Հերոս, Հայրենիքի և Ոսկե Արծիվ շքանշանների ասպետ Մոնթե Մելքոնյանի ծննդյան օրը։
Քարվաճառը թշնամուն հանձնելով՝ Նիկոլ Փաշինյանը ադրբեջանական վերահսկողության տակ թողեց Սոթքի ոսկու հանքավայրի մի մասը, Հայաստանը և Արցախը սնող ջրային պաշարածների մեծաքանակ ակունքներ։
Քարվաճառի և Քաշաթաղի շրջանները թշնամուն հանձնելուց հետո՝ Նիկոլ Փաշինյանը հնարավորություն տվեց Իլհամ Ալիևին Արցախը բոլոր կողմերից վերցնել շրջափակման մեջ, Հայաստանի և Ադրբեջանի միջև ունենալ մի քանի հարյուր կիլոմետրեր երկարությամբ չկահավորված նոր սահման, որտեղ կարճ ժամանակահատվածում տեղակայվեցին ադրբեջանական «Յաշմա» և «Կոմանդո» հատուկ նշանակության զորամիավորումներ, որոնք էլ կարճ ժամանակ անց, 2021 թվականին այդ վայրերից գրոհեցին Շորժայի և Վարդենիսի, ինչպես նաև Սև լճի ուղղությամբ, իսկ 2022 թվականի սեպտեմբերի 13-ին և 14-ին ռազմական ագրեսիա իրականացրեցին Հայաստան Գեղարքունիքի, Վայոց ձորի և Սյունիքի մարզերի գրեթե ողջ սահմանային գոտու ուղղությամբ, գրավեցին ռազմավարական նշանակության բարձունքներ, զավթեցին Հայաստանի մի քանի կիլոմետր քառակուսի մակերեսով տարածքներ, սպանեցին հարյուրավոր զինծառայողների (նրանից մի քանիսի դիակներն ու մասունքները դեռևս գտնվում են մարտի դաշտերում), հրթիռակոցեցին Հայաստանի մի շարք բնակավայրեր, այդ թվում Ջերմուկ, Գորիս, Կապան քաղաքային համայնքները, բազմաթիվ գյուղեր և այլն։
Քարվաճառը թշնամուն հանձնած հայ ժողովրդի ամենամեծ թշնամին՝ Նիկոլ Փաշինյանը, ստիպեց հայ մարդուն իր ձեռքով հրկիզել իր կառուցած տունը, իսկ զինավորներին՝ պայթեցնել իրենց զորամասը։
Այս հանցանքը երբեք չի ներվելու։
Այդ հանցանքին ուղիղ և անուղղակի մասնակցություն ցուցաբերած ցանկացած դավաճան կանգնելու է հայ ժողովրդի պատմության դատաստանի առջև։
Էդգար Ղազարյանի գրառումը