«Ըհն, Նիկոլի անունը տվեցի, խառնվեցին իրար»
Շատ դժվար է խոսել վերջին ՀԱՊԿ գագաթաժողովի մասին, խոսել գործնական, խոսել առարկայական։Այս մասին «ՀԱՊԿ գագաթաժողովը և Հայաստանը․ գործո՞ն, թե՞ գործիք» թեմայով հրավիրված քննարկման ժամանակ իր ելույթում ասաց Ազգային ժողովի «Հայաստան» խմբակցության պատգամավոր Գեղամ Մանուկյանը։
«Այն, ինչ հայտարարվում է Փաշինյանի շուրթերով, ամբողջական տեղեկատվության բացակայության պայմաններում շատ դժվար է վերլուծել ու եզրակացություններ անել։ Մի բան պետք է արձանագրել, որ Հայաստանի նախագահությամբ Երևանում կայացած ՀԱՊԿ գագաթաժողովը տապալվեց, իսկ արդյունքները տապալված էին հենց Հայաստանի համար։ Սա շատ ցավալի է հատկապես այն դեպքում, երբ ամեն ինչ տեղի էր ունենում Հայաստանի նախագահության պայմաններում»,-ասաց նա:
Ասուլիսի սրահից Մանուկյանի ելույթի ընթացքում տարօրինակ ձայներ էին լսվում, ինչից Մանուկյանը արձագանքեց․ «Ըհն, Նիկոլի անունը տվեցի, խառնվեցին իրար»։
«Իշխանությունները հիմա փորձում են լղոզել, թե իրականում ինչ էր կատարվում ՀԱՊԿ-ի փակ դռների հետևում։ Ի՞նչ էին անում Նիկոլ Փաշինյանը ու Սուրեն Պապիկյանը հայտնի գագաթաժողովի նախօրեին։ Այդ երկուսը մասնավորապես շատ լավ պետք է պատրաստվեին գագաթաժողովին, սակայն դրա փոխարեն նրանք նախօրեին զբաղված էին կուսակցության գործերով։ Տեղեկատվություն եղավ, որ ՔՊ վարչության նիստ է տեղի ունեցել, իրենց կուսակցական հարցերն են քննարկել։ Սա փաստում է այն , որ թե որքան «լրջորեն» են մոտեցել Պապիկյանն ու Փաշինյանը այս համաժողովին։ Հաղորդագրություն տարածվեց հետո այն մասին, որ Սուրեն Պապիկյանը հանդիպել է ՌԴ ՊՆ նախարար Շոյգուին։ Տարածված լուսանկարում երևում է, որ նրանք ոտքի վրա են։ Այսինքն՝ այս իշխանությունները շարունակում են պարզապես ոտքի վրա ներկայացնել Հայաստանի Հանրապետությունը»,- հավելեց նա